Nabe Samuel 16:1 - Quiché Bible

¹ Ri Ajawaxel xubij che ri Samuel: “¿C'ä jampa' lo catanaba' u bisoxic ri Saul? Man quinwaj ta chic cutakej ajawinic pa Israel. Jät, chanojisaj ri u c'a' che aseit, are c'u quinwaj chi catbe cho rachoch ri Isayi, ri aj Belen, xcha'taj jun u c'ojol wumal rech cäcanaj che ajawinel.”

Nabe Samuel 16:1 Referans Kwoze

Ucab Ajawinelab 9:1

Ri Elisey ri k'axal tzij xusiq'uij jun chque ri jumulaj e k'axal tzij, xubij che: “Chasuc'umaj awib che awelic bic. Chac'ama' we jun uc'a' aseit ri' jät c'ut pa Ramot re Galaad;

Nabe Samuel 15:23

Sibalaj cämacun ri man cäniman ta che jacha' ri cuban ch'obonic; cäjunamataj ruc' ri quebuk'ijilaj tak diosib, are je u banic wa' ri man cäniman ta che. Rumal c'u rech chi e apakchi'm ri e u takanic are c'u ri are at u pakchi'm jacha' ajawinel.”

Nabe Samuel 15:35

Ri Samuel mawi jumul xril chic u wäch ri Saul, pune' c'u sibalaj xbisonic chi xutzelej rib ri Ajawaxel che u cojic ri Saul che rajawinel ri Israel.

Romanos 15:12

Xukuje' cubij ri Isaiy: “Cäq'uiy na jun u tux ri u xe'al ri Isayi. Cäwalij na che takanic paquiwi' ri nimak tak tinimit. Ri nimak tak tinimit cäcu'bi na qui c'u'x chrij.”

Nabe Samuel 16:15

Rumal ri' ri e c'o che u patanixic xquibij che: “¿Jacha' ri quil la, kajaw, jun itzel uxlabal ri takom rumal ri Dios cätajin cuban c'ax che la?

Nabe Samuel 10:1

Xpe c'u ri Samuel xuc'am ri aseit, xuk'ij pa u jolom ri Saul, xubij che: “Ri Ajawaxel catutas camic che k'atal tzij pa Israel ri u tinimit. At catk'atow na tzij puwi' xukuje' quebawesaj na pa qui k'ab tak ri qui banom qui c'ulel che. Are c'u c'utbal wa' chi ri Ajawaxel u bim chi at cak'at na tzij puwi' ri u tinimit:

Nabe Samuel 15:26

“Man quintzelej ta awuc',” xcha' ri Samuel che ri Saul, “rumal rech chi ri at apakchi'm ri u takanic ri Ajawaxel, ri are' xukuje' at catupakchi'j c'ut ri are jacha' rajawinel ri Israel.”

Nabe Samuel 9:16

“Je jok'otaj wa' chwek, quintak na ulok jun achi aj Benjamin awuc', ri catas na che u k'atal tzij ri nu tinimit Israel. Are' quesan na pa qui k'ab ri aj pilisteyib, elinak nu c'u'x che ri nu tinimit aretak e opaninak tak ri qui ch'abal chnuwäch.”

Nabe Samuel 15:11

“Quinbisonic chi xincoj ri Saul che ajawinel, rumal rech chi u tasom rib chwij man e u tz'akatisam ta ri nu takanic.” Ri Samuel man curik ta chic jas cubano, man xwar ta ronojel ri jun ak'ab xubochi'j c'u ri Ajawaxel.

Ri Jeremiy 6:30

“E retzelal sak puak” quebuchix c'u na, rumal rech chi ri lal, Ajawaxel, e xutum la.

Ucab Ajawinelab 9:6

Xwalij u bic ri Jehu xoc pa jun ja chic. Xjamix c'ut ri aseit puwi' ri u jolom, xuya' c'u u bixic che: “Ri Ajawaxel, ri u Dios ri Israel, cubij: ‘In catintas che ajawinel re Israel, ri nu tinimit.

Nabe Samuel 16:23

Aretak cäpe ri itzel uxlabal ri cuban c'ax che ri Saul, ri David cuc'am ri arp cuchap u k'ojomaxic. Ruc' wa' catzelej ri ranima' ri Saul pa u c'olbal, coc'ow ri c'ax che, cutas c'u rib ri itzel uxlabal che.

Ri Jeremiy 7:16

“At, Jeremiy, maban ch'awem wuc' puwi' we tinimit ri', minatok'olej mawi mat tz'onon paquiwi'. Macoj a chuk'ab chwe, man c'u catintatabej taj.

Ri Isaiy 55:4

In xincoj ri are' jacha' che k'alajisanel chque ri nimak tak tinimit, xincoj che c'amal be xukuje' che ya'l qui no'j tak ri tinimit.

Ri Isaiy 11:10

Pa ri k'ij ri' ri u tux we rab ri' ri are' ri Isayi, cäwalij na jacha' jun etal chque ri tinimit; ri nimak tak tinimit quepe na che u tzucuxic, ri c'olbal c'ut ri cac'oji' wi cux na juluwem.

Ucab Ajawinelab 9:3

chac'ama' ri jun uc'a' aseit chajamij c'u puwi' ri u jolom, je chabij wa': ‘Je' cubij wa' ri Ajawaxel: In catintaso jacha' ajawinel re Israel.’ Chajakaxtaj ri uchi'ja, chatanimajok, man cak'il ta awib.”

1 Juan 5:16

We c'o jun ri cäril ri rachalal chi cuban jun mac ri man re ta cämical, chubana' ch'awem puwi', cäya' c'u na u c'aslemal ri jun ri cuban jun mac man re ta cämical. C'o mac re cämical. Man quinbij ta c'ut chi cäban ch'awem ruc' Dios puwi' wa'.

Ri Jeremiy 15:1

Ri Ajawaxel xubij chwe: “Pune' ta ne ri Moises rachil ri Samuel quelquitac'aba' ta quib waral, chnuwäch in, man quel ta na nu c'u'x che we tinimit ri'. Chabij chque chi chebel chnuwäch, chi cheboj.

Ri Jeremiy 11:14

Je c'u ri' Jeremiy, minabochi'j puwi' we tinimit ri'; mebachi'j ch'awem chwe mawi tok'lenic paquiwi', man c'u quebentatabej taj aretak chi qui tz'onoj to'banic chwe aretak e c'o pa u niq'uiajil ri qui c'axc'ol.

Ri Isaiy 11:1

Che we cuta'mil ri' ri are' ri Isayi, cäq'uiy wi na jun tuxaj, jun tuxaj ri cäq'uiy che ri u rab.

Hebreos 11:32

¿Jas ta chi c'u ri quinbij? Man cätzijotaj ta ri Jedeon, ri Barac, ri Sanson, ri Jepte, ri David, ri Samuel, xukuje' tak ri e k'axal tak tzij.

Nabe Ajawinelab 8:16

‘Kas pa ri k'ij ri xinwesaj ulok ri nu tinimit Israel pa Ejipt, man nu cha'om ta jun tinimit chquixo'l conojel ri amak' tak re Israel rech chupam cäyac ta wi jun rachoch Dios ri cajeki' ta wi na ri nu bi'. Xincha' c'u ri David rech cajawin puwi' ri nu tinimit Israel.’

Nabe Tzijobelil 11:3

Je c'u wa' xbanic, conojel ri nimak tak tatayib re Israel xebetzijon ruc' ri ajawinel David pa Hebron, xuban c'u jun c'ulwächinic cuc', are xucoj ri Ajawaxel che k'alajisanel chquixo'l. Xquitas c'ut ri David jacha' ajawinel re Israel, je jas ri xuchi'j ri Dios rumal ri Samuel.

Nabe Tzijobelil 28:4

Xinucha' c'u ne ri Ajawaxel, ri u Dios ri Israel, chquixo'l conojel ri wachalal rech cuban chwe chi quinux rajawinel ri Israel re chbe k'ij sak. Xucha' c'ut ri are' ri amak' re Juda jacha' jun amak' takanel; che ri ramak' ri Juda xucha' wi ri wachalaxic; chquixo'l c'ut ri wachalal xinucha' wi in rech quinux ajawinel puwi' ronojel Israel.

Ri Zacariy 4:14

Ri are' xutzelej u bixic chwe: “E are' quieb wa' ri e tasom che u patanixic ri Ajawaxel rech ronojel ri uwächulew.”

Nabe Samuel 17:12

C'o jun achi pa Belen Isayi u bi', ri sibalaj nim winak chic pa tak ri u k'ij ri Saul. We achi ri' e c'o wajxakib u c'ojol, jun chque wa' are ri David.