Nabe Samuel 14:3 - Quiché Bible

³ Ri cojowinak bic ri atz'iak ri nim u k'ij are ri Ahiy, ri u tat ri Ahiy are' ri Ahitob rachalal ri Icabod (ri u tat ri Icabod are' ri Pinees, ri u tat ri Pinees are' ri Eli, cojol tabal tok'ob chuwäch ri Ajawaxel pa Sil). Ri winak man queta'm taj chi benak ri Jonatan.

Nabe Samuel 14:3 Referans Kwoze

Nabe Samuel 22:20

Jun c'ut chque ri u c'ojol ri Ahimelec, ri Abiatar u bi' xcuinic xel chuwäch ri cämisanic, xanimaj bic, xopan c'a ruc' ri David.

Nabe Samuel 4:21

xucoj c'u Icabod che u bi' ri ac'al, je c'u xubij wa': “Ri Israel man nim ta chic u k'ij, rumal rech chi xch'äcataj bic ri u caxa ri Dios.” Are c'u xubij ri u ch'äquic bic ri caxa, xukuje' ri u cämical ri ralib tata' xukuje' ri u cämical ri rachajil.

Nabe Samuel 2:28

Xebencha' c'u chquixo'l conojel ri camak' ri aj Israel rech quebux na e nu cojol tabal tok'ob, rech quequichi'j tabal tak tok'ob ri quechajirisaxic puwi' ri nu porobal, xukuje' quequiporoj c'u na c'oc' k'ol, caquicoj ri catz'iak ri nim u k'ij chnuwäch. Xinya' c'u xukuje' chque ri e i mam conojel tak ri sipanic ri quequiporoj tak ri aj israelib che u ya'ic u k'ij ri Ajawaxel.

Nabe Samuel 1:3

Ronojel junab quel bic ri Elcan pa ri u tinimit cäbe che k'ijilanic xukuje' che qui chi'xic tabal tak tok'ob pa Sil che ri Ajawaxel ri c'o ronojel u cuinem. E c'o c'ut ri quieb u c'ojol ri Eli chila' ri cojol tabal tok'ob, ri Opni xukuje' ri Pinees qui bi', ri xukuje' wa' e cojol tabal tok'ob chuwäch ri Ajawaxel.

Nabe Samuel 14:36

Xubij chi c'u ri Saul: “Cujkaj bic pa we chak'ab ri' che u takexic qui ch'äquic ri aj pilisteyib cäkatokij c'u conojel ri jastak quech c'ä cäsakar na, man c'o ta c'u jun chque cäkac'asba' ta canok.” Conojel xquitzelej u bixic: “Bana' la jachique ri utz quil la.” Xubij c'u ri cojol tabal tok'ob: “C'ä majok c'o jas chekabana', ka ta na ka no'j che ri Dios.”

Nabe Samuel 2:18

Are c'u ri ala Samuel, u cojom jun atz'iak nim u k'ij re lino, u takem pataninic chuwäch ri Ajawaxel.

Nabe Samuel 4:4

Rumal c'u ri' ri aj israelib xequitak bic tako'n pa Sil, xquic'am c'u ulok ri caxa ri c'o wi ri u c'ulwächinic ri Ajawaxel ri c'o ronojel u cuinem, ri c'o ri u tem re ajawibal paquiwi' ri qui wächbal ri aj cajalaj tak to'banelab ri e c'o qui xic'. Ri Opni xukuje' ri Pinees, ri quieb u c'ojol ri Eli, xcachilaj ri caxa ri c'o wi ri u c'ulwächinic ri Dios.