Nabe Samuel 14:13 - Quiché Bible

¹³ Ri Jonatan xucoj ri rakan u k'ab che u pakalic, teren c'u ri to'l rech chrij. Ri Jonatan quebukasaj pa ulew ri to'l rech quebuq'uis qui cämisaxic.

Nabe Samuel 14:13 Referans Kwoze

Hebreos 11:34

xquichup nimak tak k'ak', xquito' quib chuwäch ri qui ch'ich' ri quecämisanic, xya' chuk'ab chque pa ri qui tukaril, xc'oji' qui chuk'ab pa ri ch'o'j, xequich'äc tak ri cajch'ojab ri qui c'ulel.

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

Salmib 18:29

Ruc' ri to'banic la, quinch'äc ri c'ulel paquiwi c'ut ri e u tapia ri e u tinimit quinucoj wi na.

Ri Josue 23:10

Xa jun chiwe cacuinic cubano chi quebanimaj jun mil winak chuwäch, rumal rech chi are' ri Ajawaxel ri u Dios cach'ojin che u q'uexwäch, jacha' ri xuchi'j u banic.

U Camulixic ri Pixab 32:30

¿Jas c'u che chi xa jun xcuin che cokataxic jun mil? ¿Jas c'u che chi xa e quieb xecuin che cokataxic lajuj mil? Xa rumal rech chi ri Ajawaxel, ri to'l iwech, xuchomaj qui jachic ri c'ulel pa i k'ab.

U Camulixic ri Pixab 28:7

Ri Ajawaxel quebujach na ri a c'ulel pa a k'ab, aretak quepe che u banic ch'o'j awuc'. Sibalaj utz qui cholajixic quib qui banom quepetic, xak c'u qui tuquin chi quib quebanimaj chawäch.

K'atal tak Tzij 9:54

Ri Abimelec chanim xusiq'uij ri to'l rech, xubij che: “Chajusij ri a ch'ich' re ch'o'j chinacämisaj c'ut, man quinwaj ta c'ut quel u tzijol chi xa jun ixok xincämisanic.” Ri to'l re xujut ri ch'ich' re ch'o'j chupam ri Abimelec, xcäm c'ut.

Nabe Samuel 14:12

Xquirak c'u qui chi' che ri Jonatan xukuje' che ri to'l rech: “¡Chixpakal ulok kuc', c'o c'ut ri cäkatzijoj na chiwe!” Xubij c'u ri Jonatan che ri to'l rech: “Chinaterenej, quebujach c'u na ri Ajawaxel pa qui k'ab ri aj israelib.”

Nabe Samuel 14:14

Pa we nabe ch'ojinic ri', ri Jonatan rachil ri to'l rech man xebeytaj taj che qui cämisaxic juwinak achijab.