Nabe Samuel 12:22 - Quiché Bible

²² Are c'u ri Ajawaxel, cuya' na u k'ij ri u bi' nim, man quixuwonoba' ta na; are c'u craj are' quixux u tinimit.

Nabe Samuel 12:22 Referans Kwoze

Filipenses 1:6

Cu'l nu c'u'x chi ri Dios, ri xuchaplej ri utzalaj chac pa ri i c'aslemal, cutz'akatisaj na c'ä pa ri k'ij aretak cätzelej na ulok ri Jesucrist.

Salmib 106:8

Xebucol c'u ri Dios xa u mac rech ri u bi', che u c'utic ri u cuinem.

U Camulixic ri Pixab 14:2

Ix c'u jun tinimit ri ix tastajinak che u ternexic ri Ajawaxel ri i Dios, are' ix chowinak chquixo'l conojel tak ri tinimit cho ri uwächulew rech ix ri tinimit ri quixux rech.”

Romanos 11:29

Ri Dios man c'u q'uex ta u c'u'x chi u cha'om jun xukuje' u tewichi'm ri winak, man cuq'uex ta ri u chomanic.

Ri Jeremiy 14:21

¡Rumal ri bi' la chi nim u k'ij mujxutuj la, metzelaj la u wäch ri tinimit la ri c'o wi ri juluwemalaj tem re ajawibal la! ¡Chnataj ri c'ulwächinic la che la ri xban la kuc', ma ta c'u chatz'akatisaj la!

Ri Josue 7:9

Ri aj cananeyib xukuje' conojel ri e jekel pa ri ulew caquinabej na ri c'ulmatajinak, cujquich'äc c'u na junam, mawi c'u ne ta ri natabal kech cacanajic. ¿Jas c'u lo ri cuc'ulmaj na ri nimalaj bi' la?”

Efesios 1:12

Je xuban wa' rech cujc'asi' che u nimarisaxic u k'ij ri Dios, ri sibalaj nim ri u juluwem. Uj ri nabe ri cu'l ulok ka c'u'x chrij ri Crist.

Ri Ezequiel 20:14

rumal c'ut u ya'ic u k'ij ri nu bi' man xinban taj, rech man cäyok' ta chquiwäch ri nimak tak tinimit ri xquilo jas ri xinban che quesaxic ulok pa Ejipt.

Ri Ezequiel 20:9

Man c'u xinban taj, xa' c'u ne are xebenwesaj ulok chupam ri ulew Ejipt, rech man cäyok' taj ri nu bi' chquixo'l ri nimak tak tinimit ri e jekel wi pa qui niq'uiajil, chquiwäch c'u ne we nimak tak tinimit ri'. Xinc'utunisaj wib chquiwäch nu chi'm c'u chque chi quebenwesaj ulok pa Ejipt.

Ri Isaiy 43:25

Are c'u ri in rumal rech chi in a Dios, quebenchup ri awetzelal man quenataj ta chi na ri a mac chwe.

Salmib 94:14

Ri Ajawaxel man cuwonoba' ta can ri u tinimit, mawi quebuya' ta can ri e rech qui tuquiel.

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.

Ri Matey 11:26

Je, Tat, je c'u wa' xkaj chwäch la.

1 Corintios 4:7

Rumal ri', ¿jachin ta nim catilowic o jas ri c'o awuc' ri ma ta yo'm chawe? We yo'm chawe, ¿jasche canimarisaj awib je ta ne ri xa' at ta xatrikowic?

Ucab Tzijobelil 15:2

xel bic che u c'ulaxic ri As che u bixic che: “¡Chintabej la, As, xukuje' conojel ri aj Juda xukuje' ri aj Benjamin! Ri Ajawaxel c'o uc' alak, we c'o alak ruc'. We c'u cäya' can alak, cärik na alak; we c'u catzakan alak, xukuje' ri are' cäya' can alak rumal.

Elem 32:12

¿Jas ta che cäya' la be chi cäquibij ri aj ejiptib: ‘Ri Dios xeresaj bic waral ruc' ri itzel u chomanic che qui cämisaxic pa tak ri c'ache'laj, che u sachisaxic qui wäch cho ri uwächulew?’ Chk'ila' ba' la ri nimalaj oyowal la, chel c'u'x la mäc'äjisaj la u wäch ri tinimit la.

Efesios 1:6

Rumal wa' cäkak'ijilaj amak'el rumal ri juluwemalaj rutzil, ri xujutewichibej rumal rech ri lok'alaj u C'ojol.

Ri Xuan 15:16

Ri ix man xinicha' taj, xane' ri in xixincha', xixincojo rech quixbec, quiya' wächinic, cäjeki' c'u ri i wächinic, rech ronojel ri qui tz'onoj che ri Tataxel pa ri nu bi', cuya' na chiwe.

Ri Malaquiy 1:2

Ri Ajawaxel jewa' cubij: “In quixinlok'ok'ej.” Are c'u ri ix quitzelej u bixic: “¿Jas cakaban che retamaxic chi cujulok'ok'ej la?” Ri Ajawaxel cutzelej u bixic: “In quixinlok'ok'ej rumal rech chi, cachalal c'u quib ri Esau xukuje' ri Jacob, xinlok'ok'ej ri Jacob,

Juyuwem 5:20

¿Jas ta c'u che kas xa' jumul uj sachisam la pa jolom la? ¿Jas ta c'u che cujwonoba' la canok q'ui k'ijol?

Ri Jeremiy 14:7

¡Ajawaxel, pune' cujquitzujuj ri ka mac, chtok'obisaj la ka wäch rech cäya' u k'ij ri bi' la! Sibalaj q'ui mul man uj uxinak ta jic chwäch la, uj macuninak chwäch la.

Ri Isaiy 48:11

Che u ya'ic nu k'ij, che u ya'ic nu k'ij nu banom wa', man cuya' ta c'ut cäyok' ri nu bi'. Man quinya' ta be chi cäya' ri nu juluwem che jun chic.”

Ri Isaiy 42:16

Quebenc'am na bic ri moyab pa tak be xukuje' pa alaj tak be ri man quetamam taj. Quinq'uex na ri k'eku'm pa sakil chquiwäch ri e are', ri ch'ucuch'ak tak juyub quinjalwächij na pa lianic tak ulew. We jastak ri' kas quebenban na.

Ri Isaiy 41:17

Ri winak ri e meba' ri man c'o ta qui rajil, cäquitzucuj ja' man cäquirik ta c'ut. Chaki'jarinak ri cak' rumal ri chakij chi', are c'u ri in, ri Ajawaxel, quinoc na il chque, in, ri u Dios ri Israel, man quebenya' ta canok.

Ri Isaiy 37:35

In quinto' na u wi' we tinimit ri' quincol c'u na, xa rumal u tok'obisaxic u wäch ri David ri pataninel wech, xukuje' rumal wech in.’ ”

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Ucab Ajawinelab 21:14

Are c'u ri u tz'akatil ri nu tinimit, quinwonoba' na canok quinjach c'u na pa qui k'ab ri e u c'ulel, rech quetolobax canok cäjoc c'u bic ronojel ri c'o cuc' cumal ri qui c'ulel.

U Camulixic ri Pixab 31:17

Cänicow c'u na ri woyowal paquiwi', quebenxutuj c'u na canok; man c'o ta chi jas quinoc ta chi wi il chque, sibalaj c'u e q'ui ri etzelal xukuje' ri rikoj tak c'ax ri cäpe na paquiwi', rumal c'u ri' cäquibij na: Ri c'ax ri cätajin cäkariko, ¿La ma ta lo are cabanowic chi ri ka Dios man c'o ta chi kuc'?

U Camulixic ri Pixab 9:5

Jayi', man rumal ta rech chi nim i banic mawi rumal ri utzil ri quibano quixoc che rechbexic ri ulew; ri Ajawaxel queresaj bic chiwäch rumal rech ri etzelal che c'u u tz'akatisaxic ri chi'nic rech je quelic jas ri xubij che ri Abraham, ri Isaac xukuje' ri Jacob ri e i mam.

Hebreos 13:5

Milok'ok'ej ri puak, chubana' chiwe ri c'o iwuc'. U bim c'u ri Dios: Man catintzokopij ta canok mawi catinya' canok.

Romanos 11:1

Quinban c'ut ri c'otoj chi'aj: ¿La u xutum lo ri Dios ri u tinimit? ¡Man je ta ri'! Ri in c'ut in jun chque ri aj israelib, pa ri rija'l ri Abraham xinalax wi, chquixo'l ri e ramak' ri Benjamin.

U Camulixic ri Pixab 7:6

Rumal rech chi ri ix ix jun tinimit ri ix tastalic che u patanixic ri Ajawaxel; ri i Dios ix u cha'om chquixo'l conojel tak ri tinimit cho ri uwächulew, rech quixux jun tinimit ri nim u k'ij chuwäch.”

U Camulixic ri Pixab 31:6

Chc'ol i chuk'ab xukuje' co chixc'olok; mixe'j iwib maoc xibriquil iwuc', aretak quixch'ojin cuc', c'o c'u ri Ajawaxel ri i Dios iwuc', man quixutzak ta c'u canok mawi quixuxutuj canok.”

Nabe Ajawinelab 8:57

Are c'u ri camic, ri Ajawaxel ri ka Dios chc'ol kuc' jacha' ri u c'olem cuc' ri e ka mam. Mujuwonobala' canok, mawi mujuya' canok,

U Camulixic ri Pixab 31:8

Kas c'u are ri Ajawaxel cänabej na chawäch, cäc'oji' na' awuc'; man catutzak ta canok mawi catuxutuj canok, rumal ri' maxe'j awib mawi mat birbitic.”

Ucab Ajawinelab 14:27

Xebuto'tajisaj c'ut rumal ri Jeroboam, u c'ojol ri Joas, c'ä maja' c'u cuchomaj u chupisaxic ri u bi' ri Israel cho ri uwächulew.

Ri Nehemiy 9:17

Man xcaj taj xenimanic mawi xenataj chque ri nimak tak jastak ri xeban la che qui to'ic. Sibalaj c'u e c'osirinak chi xquicoj jun c'ämal qui be ri xec'amow ta bic che qui tzelejic chic pa ri patanijic pa Ejipt. Lal c'ut jun Dios ri sachal macaj, jun Dios ch'uch'uj, ri xukuje' quel u c'u'x, coch'onel xukuje' ronojel c'u ri lal lal lok'ok'ebal c'uxaj, man c'u xewonoba' ta la canok.

Ri Isaiy 43:7

conojel ri cuc'am ri nu bi', ri xebenq'uiyisaj xukuje' ri xebentac'aba', ri xebenban che u ya'ic nu k'ij.’

Ri Isaiy 49:15

¿La cäsach pu lo ri ral jun nanaxel pa u jolom o cutanaba' u lok'ok'exic? Pune' c'u ri nanaxel cäsach ri ral pa u jolom, in man catinsach ta pa nu jolom.

Ri Isaiy 63:8

Ri are xubij: “Ri e are e nu tinimit, alc'ualxelab ri man quinquijach ta na.” Ri are c'ut xebucolo

Ri Jeremiy 14:9

¿Jasche lal je ta ne jun winak ri ma ta cuch'obo jas ri cubano, jacha' jun banal ch'o'j ri man cäcuin taj cätobanic? Are c'u ri camic, Ajawaxel, lal c'o la chkaxo'l, conojel ri winak queta'm chi uj tinimit la; ¡man cujtzak ta la canok!