Nabe Samuel 12:20 - Quiché Bible

²⁰ Ri Samuel xutzelej u bixic chque: “Mixe'j iwib. Kastzij chi ri ix sibalaj itzel ri i banom; are c'u ri camic mitas iwib chrij ri Ajawaxel, xane' chik'ijilaj ruc' ronojel iwanima'.

Nabe Samuel 12:20 Referans Kwoze

U Camulixic ri Pixab 11:16

Chichajij iwib, masubataj c'u ne ri iwanima', quitas ta c'u ne iwib che qui patanixic jule' tak diosib chic quebik'ijilaj ta c'ut.

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.

Ri Jeremiy 3:1

Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

Salmib 125:5

e are' c'u ri quebin pa ri itzel be bana' la chi je cäquitaklebej jas ri cäquitaklebej ri itzel tak winak. ¡Chc'ol c'u jamaril pa Israel!

Salmib 101:3

mawi jubik' cäbe nu wäch che qui banic tak ri etzelal. Quinwetzelaj qui wäch ri man e jic ta ruc' ri Dios; ¡mawi jubik' quinya' ta c'olbal chi quenakajin ta chwe!

Salmib 40:4

¡Utz re ri winak ri cucu'ba' u c'u'x chrij ri Ajawaxel, ri man quebutzucuj ta ri banal tak nimal mawi ri caquiterenej ri banoj tzij!

Ri Josue 23:6

Chicojo' ba' i chuk'ab che u tz'akatisaxic ronojel ri cubij ri wuj re ri u pixab ri Moises; je u tz'akatisaxic chibana' jas ri tz'ibatalic.

U Camulixic ri Pixab 31:29

Ri in weta'm chi aretak in cäminak chic caquichuwirisaj na quib, cäquiya' na can ri be ri nu bim chque chi cäquiterenej; xukuje' weta'm chi pa tak ri k'ij ri' cäpe na ri quiäkasakil paquiwi', rumal ri u banic ri etzelal chuwäch ri Ajawaxel, quiyac c'u ri royowal rumal wa'.”

Elem 23:25

Chak'ijilaj ri Ajawaxel ri a Dios, cutewichi'j c'u na ri a wa, xukuje' ri awuq'uia'. Ri in quinwesaj ronojel u wäch yabil chawij,

Elem 32:30

Chucab k'ij, xubij ri Moises chque ri aj israelib: “Ri ix, i banom jun nimalaj mac. Camic quinpaki' chi na jawije' c'o wi ri Ajawaxel, che rilic we quincuinic chi quixucuyu'.”

Nabe Samuel 12:19

Rumal ri' conojel xquibij che ri Samuel: “Bochi'j ba' la ri Ajawaxel ri Dios la paquiwi' we pataninel tak ech la ri', rech man cujcäm taj; chque c'ut conojel ri ka mac ka tikom ri u tz'onoxic jun ajawinel.”

U Camulixic ri Pixab 10:12

“Are c'u ri camic aj israelib, ¿jas ri cutz'onoj ri Ajawaxel chiwe? Xuwi chiya' u k'ij, chilok'ok'ej chebitakej c'u conojel ri e u be; xukuje' chik'ijilaj ruc' ronojel iwanima' xukuje' ruc' ronojel ri i c'aslibal,

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Ri Hajey 2:5

Je jacha' ri xinchi'j che aretak xel ulok pa Ejipt, ri wuxlabal are quixachilanic. Mixe'j iwib.