Nabe Samuel 12:2 - Quiché Bible

² Are ajawinel wa' ri cäc'amow na i be. Ri in in ri'jobinak chic xukuje' nojinak chic ri sak pa nu jolom ri e nu c'ojol e c'o chixo'l. C'ä in ac'al aretak xinmajij u c'amic i be, nu c'amom c'u i be c'a pa tak ri k'ij camic,

Nabe Samuel 12:2 Referans Kwoze

Nabe Samuel 8:5

che u bixic che: “Ri lal, lal jun nim winak chic, ri e c'ojol la man je ta cäquibano jacha' ri caban la; rumal c'u ri', cojo' la jun ajawinel rech cajawin pakawi' jacha' ri nak'atisabal chquixo'l conojel ri nimak tak tinimit.”

Nabe Samuel 8:20

rech cujux junam cuc' ri niq'uiaj nimak tak tinimit chic, rech xukuje' cajawin pakawi' cujutak c'ut cuc'am ka be pa ri ch'o'j.”

Nabe Samuel 8:1

Aretak ri'j chic ri Samuel, xebucoj ri u c'ojol che c'amal tak qui be ri aj israelib.

Nabe Samuel 8:3

Man je ta' c'u xquibano jacha' ri xuban ri qui tat, man xebux ta jic, are xkaj chquiwäch chi cäban u pa qui k'ab, man xquiban ta c'u ri suq'uilal.

2 Pedro 1:14

Weta'm c'ut chi chanim quincäm na, jas ri xuk'alajisaj ri Kajaw Jesucrist chnuwäch.

2 Timoteo 4:6

Ri in c'ut, xak weyem chic ri nu cämisaxic, ri jok'otaj re ri welic bic nakaj c'o wi.

Salmib 71:18

Nu Dios, minwonoba' la canok, aretak in nim winak chic sak chic ri nu wi'. Quintakej c'u na u tzijoxic ri cuinem la chque we winak ri' ri e c'o camic xukuje' ri c'amaja' quebalaxic.

Nabe Samuel 3:16

xsiq'uix c'ut rumal ri Eli, xubij c'u che: “¡Samuel, nu c'ojol!” “In c'o waral,” xcha' ri Samuel.

Nabe Samuel 3:13

Nu yo'm u bixic che chi quinc'äjisaj qui wäch ri e rech, xa' jumul chbe k'ij sak rumal rech ri etzelal ri reta'm chic; ri e u c'ojol in quic'okom, man xebuk'il ta c'ut.

Nabe Samuel 2:29

¿Jas che man nim ta quebiwil wi ri tabal tak tok'ob xukuje' tak ri sipanic ri nu yo'm takanic chi quebanic? ¿Jasche are nim quebawil ri a c'ojol chnuwäch in, cätajin quebak'obisaj ruc' ri quitijic conojel ri qui sipanic ri e utz na ri quequiya' ri aj israelib ri nu tinimit?

Nabe Samuel 2:22

Are c'u ri Eli sibalaj nim winak chic, reta'm c'u ronojel ri cäquiban ri u c'ojol chque ri aj israelib, quek'oyi c'u ne cuc' tak ri ixokib ri quepatanij chuchi' ri Lic'om Rachoch ri Dios re rikoj ib.

Nabe Samuel 3:10

Xopan c'ut ri Ajawaxel, xcanaj chi' xusiq'uij chic junam jas ri nabe: “¡Samuel!, ¡Samuel!” “Ch'aw la, cätatabex c'u la rumal we pataninel ech la ri',” xcha' ri Samuel.

Ri Josue 23:1

Najtininak chi c'ut, u yo'm chi jamaril ri Ajawaxel chque ri aj israelib cuc' tak ri e qui c'ulel, ri'jobinak chi c'ut ri Josue,

Ri Josue 23:2

ri Josue xutak qui siq'uixic conojel ri aj israelib, e cachil tak ri e qui rija'l, c'amal tak be, k'atal tak tzij cach k'atal tak tzij, xubij c'u chque: “In in ri'j chic, e c'o chic ri nu junab.