Nabe Samuel 11:15 - Quiché Bible

¹⁵ Rumal c'u ri' ronojel ri tinimit xutakej u be xbe pa Jilgal, chila' c'ut chuwäch ri Ajawaxel, xk'alajisax wi chi are' ajawinel ri Saul. Xequichi'j c'u tabal tak tok'ob che ri Ajawaxel re utzirisan ib, are c'u ri Saul xukuje' conojel ri aj israelib xenoj che quicotemal.

Nabe Samuel 11:15 Referans Kwoze

Nabe Samuel 10:8

Chatnabej c'ut jät pa Jilgal, c'äte c'u catenrika' chila' che qui chi'xic tak ri tabal tok'ob ri quechajirisaxic xukuje' ri tabal tak tok'ob re utzirisan ib. Chateyem wukub k'ij chila', c'ä quinopan na quinbij c'u na chawe ri takal u banic awumal.”

Nabe Samuel 10:17

Xebusiq'uij c'u na ri Samuel ri aj israelib, che u k'ijilaxic ri Ajawaxel pa Mizpa;

Santiago 4:16

Camic c'ut quichomaj chi nim i banic, quinimarisaj iwib. Ronojel nimarisan k'ij jewa' rech ri itzel.

Nabe Samuel 12:17

Camic ri' are k'ijol ri cäk'at ri trico, man c'o ta c'u jäb, ¿la pa kastzij? Are c'u ri in quinta' na tok'ob che ri Ajawaxel chi quebutak c'u na ulok cakulja xukuje' jäb, rech ri ix quiwetamaj xukuje' qui ch'ob c'ut, je jacha' ri caril ri Ajawaxel, ri ix sibalaj itzel ri i banom chi xitz'onoj jun ajawinel.”

Nabe Samuel 8:19

Man xoc ta c'u il ri tinimit che ri xubij ri Samuel, xquitzelej c'ut u bixic: “Pune' jewa'. Cakaj cäc'oji' kajawinel,

Elem 24:5

Xebusiq'uij jujun alabom chquixo'l ri aj israelib, xebutak che qui pilic jujun wacax che qui poroxic che tabal tok'ob ri quechajirisaxic xukuje' che tabal tak tok'ob quech utzirisan ib.

Nabe Samuel 12:1

Xubij c'u ri Samuel chque conojel ri aj israelib: “Ri ix iwilom chi ri in in oquinak il che ronojel ri i tz'onon chwe, xukuje' chi nu cojom c'ut jun iwajawinel.

Ucab Samuel 19:15

Xutakej c'ut u tzelejic ri ajawinel, xopan c'u chuchi' ri Jordan. Ri achijab ri quebel pa Juda, xebopan pa Jilgal che u c'ulaxic xukuje' che u to'ic che u k'axexic pa ri nima' Jordan.

Nabe Samuel 10:24

Ri Samuel xuc'ot qui chi' conojel: “¿La iwilom ri xcha'taj rumal ri Ajawaxel che ajawinel? Man c'o ta jun aj israel ri cäjunamataj ta ruc'.” “¡Chyok u k'ij ri ajawinel!” xecha' ri aj israelib.