Nabe Samuel 10:27 - Quiché Bible

²⁷ E c'o c'u ne ri itzel tak ak'aj ri je xquibij wa': “¿La are ta lo wa' ri cujesan pa qui k'ab ri c'ulel?” Man nim ta c'u xquil wi man xquiya' ta u k'ij; xuban c'u rib ri Saul chi man xretamaj taj.

Nabe Samuel 10:27 Referans Kwoze

U Camulixic ri Pixab 13:13

chi e c'o winak ri man queniman ta che ri Dios, cäquisach c'u qui c'u'x ri winak ri e c'o pa ri tinimit, quequitakchi'j che qui k'ijilaxic niq'uiaj diosib chic ri man etamatal ta qui wäch,

Ucab Tzijobelil 17:5

Rumal ri', ri Ajawaxel co xutiq'uiba' ri ajawinic chuxe' ri u takanic. Ronojel ri Juda quelquiya' tak sipanic che, sibalaj c'u xk'inomaric xukuje' sibalaj xnimar u k'ij.

Nabe Ajawinelab 10:25

conojel c'ut caquic'am bic jun sipanic che chujunab: jastak re sak puak xukuje' k'an puak, k'ubal, banbal ch'ojibal tak, jastak ri quec'oc'atic, quiejab xukuje' mulayib.

Nabe Samuel 2:12

Ri e u c'ojol ri Eli e itzel tak achijab, man nim ta c'u cäquil wi ri Ajawaxel

Hechos 7:35

Are Moises wa', ri xquetzelaj u wäch aretak xquibij: ‘¿Jachin xatcojow che c'amal be, xukuje' che k'atal tzij?’ Pune' jeri', are ri are' ri xtak bic rumal ri Dios che c'amal qui be paquiwi' xukuje' che to'l quech. Je xuban ri Dios rumal ri tako'n aj caj ri xuc'ut rib chuwäch pa ri juwi' q'uix.

Ri Isaiy 36:21

Ri e are' man xech'aw taj, mawi c'u ne c'o ta jun tzij xquitzelej ta u bixic che, u yo'm c'u takanic ri ajawinel chque chi man c'o ta jas cäquibij.

Salmib 72:10

¡Chec'am tak ulok sipanic che xukuje' tak cuchuj cumal ri ajawinelab aj Tarsis xukuje' cumal ri tak ri tinimit ri e c'o chupam ri plo, ri ajawinelab re Saba xukuje' ri e rech Seba!

Salmib 38:13

Ri in c'ut quinban wib chi in t'oy, je ta ne ri ma ta quinto je ta ne' ri in mem, man xinjak ta ri nu chi'.

Ucab Tzijobelil 13:7

Xquimulij c'u quib jujun tak achijab ruc', ri e sak'orib e banal tak etzelal, ri xquik'atij u wäch ri Roboam, u c'ojol ri Salomon, rumal rech chi c'ä c'ojol man c'o ta u chuk'ab ri u tzij. Rumal c'u ri' man xc'oji' ta u chuk'ab che u k'atixic qui wäch.

Nabe Ajawinelab 4:21

Ri Salomon are' nim na u k'ij chquixo'l conojel ri ajawibal ri quechaptaj ulok chuchi' ri nima' Euprats quebetakal c'ä pa ri culew ri aj pilisteyib xukuje' c'ä pa ri u c'ulbatil ri Ejipt, ri xequitoj tak cuchuj ri xec'oji' c'u chuxe' ri u takanic ri Salomon joropa' k'ij ri xc'asi'c.

Ucab Samuel 20:1

Jun itzel achi aj ramak' ri Benjamin, ri Seba u bi' u c'ojol c'ut ri Bicri, c'o apan pa Jilgal. Xucoj qui c'u'x ri aj israelib xubij chque chi chquiwalijisaj quib chrij ri David, je xubij wa': “¡Ri uj man c'o ta ke mawi kechbal ruc' ri David, ri u c'ojol ri Isayi! ¡Israelib jix iwonojel cho tak iwachoch!”

Ucab Samuel 8:2

Xukuje' xebuch'äc ri aj moabib, xuban c'u chque chi caquilemej quib cho ri ulew xeretaj c'u ruc' jun etabal c'am: e are' c'ut ri xecanaj chquipam ri cacab c'am, quec'okotaj che cämical, are' c'ut ri xecanaj chquipam jujun c'am, quec'asbax canok. Xecanaj c'u ri aj moabib chuxe' ri u takanic ri David xquitoj c'u na cuchuj pa u k'ab.

Nabe Samuel 11:12

Xepe jujun achijab xquibij che ri Samuel: “¿Jachin tak ri xqueblaj qui c'u'x chrij ri Saul chi cacuinic cux kajawinel? Chebejacha' la we achijab ri' pa ka k'ab rech quekacämisaj.”

Ri Matey 2:11

Xeboc pa ri ja, xquil c'u ri ac'al c'o chunakaj ri Mariy ri u nan, xexuqui' chuwäch ri ac'al, xquik'ijilaj. Xquijak ri qui c'olbal, xquichi'j sipanic che k'an puak, c'oc'alaj k'ol, xukuje' ri cunabal mir.

Nabe Samuel 11:13

Ri Saul xucoj rib xubij: “Pa we k'ij ri' man c'o ta jun cäcämic, e u to'tajisam c'ut ri Ajawaxel ri aj israelib camic.”

Nabe Samuel 16:20

ri Isayi xutak bic ri David ri u c'ojol rech cabe cho rachoch ri Saul. Ri Isayi xutak bic che ri Saul jun bur rekam caxlanwa, jun tz'um u wa'l uva xukuje' jun alaj q'uisic'.

Nabe Samuel 25:17

Are c'u ri achajil la sibalaj man utz ta cäno'jinic mawi c'u ne cuya' cach'äbexic, chomaj ba la xukuje' jachique ri rajawaxic cäban la, kas c'u jic c'o ri c'ax ri cäpe na puwi' ri are' xukuje' paquiwi' conojel ri e rachalal.”

Nabe Ajawinelab 5:1

Aretak ri Hiram ajawinel re Tir, xretamaj chi tastajinak chic ri Salomon che ajawinel, chi are' xcanaj che u q'uexwäch ri David, ri u tat, xebutak bic ri e u q'uexwäch ruc', ri Hiram amak'el nim xril wi ri David.

Ri Tzijonel 7:21

Maya' a xiquin che ronojel ri cabixic, je c'u ri' man coc ta pa a xiquin aretak ri pataninel awech catuyok'o.