Nabe Ajawinelab 9:8 - Quiché Bible

⁸ Are c'u we wachoch ri', cux na jumulaj etzelatajic, ronojel ri coc'ow chuxcut cämayijin na, cäyok'on c'u na, cuc'ot c'u na chi'aj cubij na, jasche ri Ajawaxel je xuban wa' che we ulew ri' xukuje' che we rachoch ri'.

Nabe Ajawinelab 9:8 Referans Kwoze

Ucab Tzijobelil 7:21

We wachoch ri' ri sibalaj nim u k'ij, cux na xa' jumulaj etzeletajic, ronojel c'ut ri coc'ow chunakaj camayijin na cuc'ot c'u na chi'aj, ¿Jasche ri Ajawaxel je u banom wa' che we ulew ri' xukuje' che we rachoch ri'?

Ri Jeremiy 22:28

Ri Jeconiy ¿La jun paxinak mulul ri jisjobinak, jun lak ri man c'o ta jachin cajawinic? ¿Jasche xerokix bic ri are' xukuje' tak ri e u c'ojol pa jun ulew ri man etamatal taj?

Ri Jeremiy 19:8

Quinban na che we tinimit ri' chi cux jun chaki'j uwo sak, pa jun jasach ri cuya' xibibal ib chque conojel ri queboc'ow chupam quexibitajic xukuje' quemayin na aretak caquilo chi ronojel etzeletajinak.

Ri Daniel 9:12

Lal, aretak xtak la ulok jun nimalaj u q'ueyowal pakawi', xtz'akatisaj la ri cojoj xib ri xban la chke uj xukuje' chque ri xetakan pakawi'; mawi jumul bantajinak ta cho ri uwächulew jun c'äjisabal wächaj ri cäjunamataj ta ruc' ri kajinak puwi' ri Jerusalen.

Ri Jeremiy 50:13

Cäpe c'u na ri woyowal man c'o ta c'u winak quinya' ta can chupam, kas cux c'u na jun chaki'jalaj uwo sak. Ronojel ri coc'ow chila' cacanaj ruc' xibin ib aretak cäril ri c'äjisabal wächaj ri xkaj puwi'.

Ri Jeremiy 49:17

Ri u sachisaxic u wäch ri Edom sibalaj nim na chi cuya' na xe'n ib. Ronojel ri coc'ow chila' cuxibij na rib aretak cäril ri c'äjisabal wächaj,

Ri Isaiy 64:11

Ri juluwemalaj c'olbal ri xujk'ijilan wi jawije' xk'ijilax wi la cumal ri e ka mam, xsach u wäch rumal ri k'ak'. Ronojel ri sibalaj lok' chkawäch etzelatajinak.

U Camulixic ri Pixab 28:37

catux na xibibal, xak cätze'x chi na a wäch, xuwi chi ri at cattzijox na cumal ri winak pa conojel tak ri tinimit ri catuc'am wi bic ri Ajawaxel.

Ucab Ajawinelab 25:9

xuporoj c'ut ri rachoch Dios, ri rachoch ri ajawinel xukuje' conojel ri ja ri e c'o chupam ri tinimit, kas c'u e are xenabejisax conojel ri cachoch tak ri nimak tak qui k'ij,

Ucab Tzijobelil 36:19

Xquiporoj c'u ne ri rachoch ri Dios, xquit'akij ri u tapia ri Jerusalen, xquit'ik k'ak' chque tak ri e rachoch ri ajawinel xquisachisaj u wäch ronojel ri c'olic ri pakal rajil.

Ri Jeremiy 5:19

Aretak chi qui c'ot achi': ‘¿Jasche ri Ajawaxel ri ka Dios xuban ronojel wa' chke?’, chatzelej u bixic chque: ‘Je' jacha' ri xibano xitzak can ri Ajawaxel xixoc c'u che qui patanixic qui diosib winak re jun ulew chic chupam ri kas rulew, jeri' xukuje' quequipatanij na winak chupam jun ulew ri man quech taj.’ ”

Ri Jeremiy 16:10

Aretak chaya' u bixic we tzijol ri' che ri tinimit, caquic'ot na a chi': ‘¿Jasche u takom ulok ri Ajawaxel pakawi' we c'axc'ol ri' ri sibalaj nim? ¿Jas ri etzelal ri ka banom? ¿Jas ri macaj ri ka banom chuwäch ri Ajawaxel ri ka Dios?’

Ri Jeremiy 18:16

U mac rech wa' u banom chi ri ulew uxinak jun chaki'j uwo sak, pa jun mayijinem amak'el. Ronojel ri coc'ow chupam cuxibij na rib cusutisa' na ri u jolom.

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.

Ri Jeremiy 44:8

¿Jasche quinic'axc'obisaj cumal tak ri e i banoj quebichi'j c'u c'oc' k'ol chque tak ri diosib ri e c'o waral pa Ejipt, ri ix petinak wi che jekelem? Ruc' wa' qui nimatajisaj ri kas u sachisaxic i wäch, quixux c'u na c'utbal re c'okobal xukuje' mach'irisam ib chquixo'l conojel ri nimak tak tinimit re ri uwächulew.

Ri Jeremiy 52:13

xut'ik c'u k'ak' che ri rachoch ri Dios, ri rachoch ri ajawinel xukuje' conojel ri ja ri e c'o pa ri tinimit, kas c'u e are xeranej ri cachoch conojel ri nimak tak qui k'ij,

U Camulixic ri Pixab 29:23

cäquil c'u na chi ronojel ri ulew xa asubre chic, xa atz'am chic xukuje' c'atinak ulew. Man c'o ta chi jas cuya' cätic pa we ulew ri'. Man cuya' ta chic u wächinic mawi k'ayes cäq'uiy chi chuwäch, jas ri xc'ulmatajic aretak xeporox tak ri tinimit re Sodom, re Gomor, ri Adma xukuje' ri Zeboim, ri xsachisax qui wäch rumal ri Ajawaxel pa ri u k'ak'al ri royowal.

Ucab Ajawinelab 22:17

Kas in quixutum canok qui porom c'u c'oc' k'ol chquiwäch jule' tak diosib, xa' c'u woyowal caquiyac rumal ronojel ri cäquibano; rumal ri' nicowinak ri woyowal chrij we c'olbal ri', man c'u cächup ta na.

Ucab Tzijobelil 29:8

Rumal ri', ri Ajawaxel xoyowar ruc' ri Juda xukuje' ri Jerusalen, xuban c'u chque chi xebux xibibal xukuje' chi quequiya' tak xe'n ib, jacha' ri e iwilom ix cuc' ri kas e i bak'wäch.

Juyuwem 2:15

Aretak catquil ri queboc'ow pa ri be caquipak'apa' qui k'ab che a yok'ic; quexulk'ubic caquislabaj c'ut ri qui jolom che retz'bexic a wäch, je c'u caquibij wa' che ri je'lalaj Jerusalen: “¿La are ta c'u tinimit wa' ri cabinaxic ri tz'akatalaj je'lical re ri uwächulew?”