Nabe Ajawinelab 8:3 - Quiché Bible

³ Xebopan conojel ri nimak tak tatayib re Israel, xukuje' ri e cojol tabal tok'ob xquiwalijisaj ri caxa

Nabe Ajawinelab 8:3 Referans Kwoze

Ri Josue 3:6

Chque tak ri e cojol tabal tok'ob xubij chque: “Chic'ama' ri caxa ri c'o wi ri c'ulwächinic chixoc'ow c'u chupam ri nima' chquiwäch ri winak.” Ri e cojol tabal tok'ob xquic'am ri caxa ri c'o wi ri c'ulwächinic xenabej c'u chquiwäch ri winak.

U Camulixic ri Pixab 31:9

Xutz'ibaj c'ut ri Moises we pixab ri' chuwäch jun wuj, xujach c'u chque ri e cojol tabal tok'ob e aj levitib ri quetelen bic ri caxa ri c'o wi ri u c'ulwächinic ri Ajawaxel, xukuje' chque conojel ri nimak tak tatayib re Israel,

Ri Josue 3:3

Xquiya' c'ut we takanic ri' chque ri aj israelib: “Xuwi quiwilo chi aretak coc'ow ri u caxa ri Ajawaxel, c'amom bic cumal ri e cojol tabal tok'ob aj levitib, chixel bic jawije' tak ri ix c'o wi chiterenej c'ut.

Ajilanic 4:15

Aretak ri Aaron e rachil tak ri e u c'ojol qui q'uisom chic qui pisic conojel ri tastalicalaj tak jastak, e suc'umatal chi c'ut che u takexic ri qui be, cuya' quepe ri e rija'lil ri Coat che qui telexic bic tak we jastak ri'. Mäquinak c'u jun tastalicalaj jasach ruc' ri qui k'ab, rech man quecäm taj. Conojel c'ut we jastak ri' ri e rech ri Lic'om Rachoch Dios re rikoj ib e are' tak wa' ri rajawaxic quequitelej bic ri e rija'lil ri Coat.

Nabe Tzijobelil 15:2

Xuya' c'u takanic: “Mawi jun, we man aj Levi, catelen ta bic ri u caxa ri Ajawaxel, are c'ut ri Ajawaxel e chowinak rech e are' quetelen ri u caxa ri Ajawaxel xukuje' rech amak'el e c'o chuwäch che ri u patanixic.”

Ri Josue 6:6

Ri Josue xebusiq'uij ri e cojol tabal tok'ob xubij c'u chque: “Chic'ama' bic ri caxa ri c'o wi ri u c'ulwächinic ri Ajawaxel, wukub c'ut chiwe chenabej chuwäch ri caxa, cacuc'aj bic trompet quech cuc'a' chij.”

Ri Josue 4:9

Ri Josue xebucoj chi c'u cablajuj abaj pa ri c'olbal chupam ri nima' ri xetaq'ui' wi ri e cojol tabal tok'ob ri e uc'aninak bicri caxa ri c'o wi ri c'ulwächinic. We abaj ri' c'ä e c'o c'u chila' camic.

Ajilanic 7:9

Are c'u ri chque ri e rija'lil ri Coat man xebuya' ta caret chque mawi tak wacax, rumal rech chi ri tastalicalaj tak jastak ri quecuc'aj na, rajawaxic puwi' tak qui teleb quecuc'aj wi u bic.

Nabe Ajawinelab 8:6

C'äte c'u ri' ri e cojol tabal tok'ob xquic'am bic ri caxa ri c'o wi ri u c'ulwächinic ri Ajawaxel xequiya' chupam ri Rachoch ri Dios, c'ä chupam ri Sibalaj Tastalicalaj C'olbal, chquixe' ri qui xic' ri wächbal ri e aj cajalaj tak to'banelab,

Ucab Samuel 6:12

Xya' c'u u bixic che ri ajawinel David chi rumal rech ri u caxa, ri Ajawaxel e tewichi'm ri e rachalaxic ri Obed-edom xukuje' conojel ri e c'o cuc', ri David xbe ruc' nimalaj quicotemal xuc'ama' ulok ri u caxa ri Dios ri c'o chupam ri rachoch ri Obed-edom che u c'amic bic chupam ri tinimit aj David,