Nabe Ajawinelab 8:2 - Quiché Bible

² Pa ri k'ij re ri nimalaj nimak'ij, pa ri ic' Etanim, uwuk ic' c'u wa' rech ri junab, xquimulij quib ruc' ri ajawinel Salomon conojel ri aj israelib.

Nabe Ajawinelab 8:2 Referans Kwoze

Aj Levitib 23:34

Chabij chque ri aj israelib, chi pa ri olajuj rajilabal ri uwuk ic', cächapletaj roc'owisaxic ri nimak'ij chuwäch ri Ajawaxel quech ri cäbal, wukub k'ij cäbeytaj wa'.

Ri Xuan 7:37

Pa ri q'uisbal k'ij, are c'u k'ij wa' ri nim na u banic re ri nimak'ij, ri Jesus xtaq'ui'c, co xch'awic, xubij: “We c'o jachin cächaki'j u chi', chpet wuc', chuq'uianok.

Ri Xuan 7:2

Nakajininak chi c'ut ri qui nimak'ij ri aj judeyib, quech ri cäbal.

Ri Esdras 3:4

Xukuje' xcoc'owisaj ri nimak'ij quech tak ri Cäbal, jacha' ri cubij ri pixab ri tz'ibatalic, ronojel k'ij quequichi'j tak ri tabal tok'ob ri cächajirisaxic ri nak'atisam qui banic, je xquiyao jas ri ajilabal ri takal qui ya'ic ronojel k'ij,

Ucab Tzijobelil 5:3

Pa ri k'ij c'ut re ri nimak'ij ri nim u banic, pa ri uwuk ic' re ri junab xquimulij quib conojel ri aj israelib ruc' ri ajawinel Salomon.

Nabe Ajawinelab 8:65

C'o jun k'ij, aretak ri Salomon xukuje' ronojel ri Israel, jun sibalaj q'uialaj winak ri e elinak ulok c'ä pa ri oquibal pa Hamat xukuje' c'ä jela' ruc' ri alaj nima' re Ejipt, xcoc'owisaj ri nimak'ij que tak ri Cäbal che u ya'ic u k'ij ri Ajawaxel ri ka Dios, xquiban chi c'u jun nimak'ij re wukub k'ij; xtz'akat c'u cajlajuj (14) k'ij, nimak'ij chi ronojel.

U Camulixic ri Pixab 16:13

Aretak i q'uisom chic u k'atic ri i trico xukuje' u pitz'ic ri i uva, wukub k'ij quiwoc'owisaj ri nimak'ij que tak ri Cäbal.

Nabe Ajawinelab 12:32

Xujekeba' c'u roc'owisaxic jun nimak'ij pa ri olajuj (15) rajilabal ri uwajxak ic', jacha' ri nimak'ij ri cäban pa Juda, kas jewa' xuban pa Betel, xebuchi'j tabal tak tok'ob chquiwäch ri alaj tak ama'ib tak wacax ri e u chacabam chila', xebucoj cojol tabal tok'ob ri quec'oji' chupam ri c'olbal ri quek'ijilax wi diosib ri e u walijisam.