Nabe Ajawinelab 8:1 - Quiché Bible

¹ Ri Salomon xebumulij ri nimak tak tatayib aj Israel chuwäch pa Jerusalen, conojel ri e c'amal tak qui be ri amak' xukuje' ri e winak ri nimak tak na qui k'ij chupam ri jutak ja pa Israel, che u k'axexic ri u caxa ri Ajawaxel pa Sion, ri u Tinimit ri David.

Nabe Ajawinelab 8:1 Referans Kwoze

Nabe Tzijobelil 15:25

Are c'u ri David, ri nimak tak tatayib re Israel xukuje' ri e qui nimal tak ri jujun tak mil ajch'ojab xebe ruc' quicotemal che u k'axexic ulok ri u caxa ri Ajawaxel re ri c'ulwächinic ri c'o chupam ri rachoch ri Obed-edom.

1 Pedro 2:6

Rumal ri' xukuje' c'o pa ri Tz'ibatalic: “Chiwilampe', quincoj pa Sion ri abaj ri cächapow ri yacom, cha'om, pakal rajil; apachin c'u ri cäcojon che, man quesax ta na u q'uixbal.”

Ri Isaiy 46:13

In quinbano chi cänakajin ulok ri torotajic ri quinbano ri colobenic ri quinbano, man cäbeytaj taj, man naj ta c'o wi. In quinya' na ri colobenic che ri Sion, quinya' na ri nimarisabal nu k'ij che ri Israel.”

Ri Isaiy 28:16

Rumal ri', ri Ajawaxel cubij: “Quincoj na jun abaj pa Sion, jun abaj ri cha'om ri sibalaj pakal rajil, are c'u abaj wa' ri nim u patan, ri cajwataj na che tac'alibal. Ri c'o u jiquiban wi c'uxaj, man quebel ta na ch'u'j.

Salmib 102:21

rech pa Sion xukuje' pa Jerusalen, quesax u tzijol xukuje' cak'ijilax ri u bi' ri Ajawaxel

Salmib 9:11

Chebibixoj bix che ri Ajawaxel, ri cajawin pa Sion; chebitzijoj chque ri tinimit ri u banom.

Ri Esdras 3:1

Aretak xurik ri uwuk ic', ri aj israelib e jekejoj chi c'ut chquipam ri kas qui tinimit, ronojel ri tinimit xumulij rib pa Jerusalen,

Ucab Tzijobelil 30:1

Ri Ezequiy xutak u bixic pa ronojel Israel xukuje' Juda, xukuje' xebutak wuj che cula'xic ri Eprain xukuje' ri Manases rech quebopan pa ri rachoch ri Ajawaxel pa Jerusalen che roc'owisaxic ri rocowem ri Ajawaxel, ri u Dios ri Israel.

Nabe Tzijobelil 28:1

Ri David xebumulij conojel ri k'atal tak tzij re Israel pa Jerusalen: ri e c'amal tak qui be ri amak', ri e c'amal tak qui be ri jujun tak k'at ajch'ojab ri e c'o che u patanixic ri ajawinel, ri e c'amal tak qui be ri jujun tak mil ajch'ojab xukuje' ri c'amal tak qui be ri jujun tak sient ajch'ojab, ri e u c'aninak tak conojel ri rulew xukuje' tak ri u wacax ri ajawinel xukuje' ri e u c'ojol, ri winak ri nimak na qui k'ij xukuje' conojel ri e qui nimakil tak ajch'ojab ri e nimak na qui banic.

Nabe Tzijobelil 15:29

Aretak ri u caxa ri Ajawaxel xopan pa ri u Tinimit ri David, ri Mical, ri u mia'l ri Saul, xca'y c'u ulok pa ri wenta'n; aretak xril ri ajawinel David chi cätajin caxojow ruc' quicotemal, xtiow xuna' che.

Nabe Tzijobelil 15:3

Xumulij c'ut ronojel Israel pa Jerusalen che u k'axexic ri u caxa ri Ajawaxel chupam ri c'olbal ri xusuc'umaj che.

Nabe Tzijobelil 11:7

Xujekeba' c'u na rib ri David chupam ri tinimit ri cowirisabalib; rumal ri' xbinax u Tinimit ri David che.

Nabe Ajawinelab 3:15

Aretak xc'astaj ri Salomon xuch'obo chi ichic' ri xubano. Aretak c'u xopan pa Jerusalen, xuya' rib chuwäch ri caxa re ri u c'ulwächinic ri Ajawaxel, xebuchi'j tabal tak tok'ob ri quechajirisaxic xukuje' tabal tak tok'ob re utzirisan ib. Xucoj na jun wa'im chquiwäch ri rach k'atal tak tzij.

Ucab Samuel 6:6

Aretak c'u xebopan pa ri c'olbal ri etamatalic chi chi' cuyak' wi u trico ri Nacon, ri Uza xuyuk ri u k'ab che u suq'uil ri u caxa ri Dios che u tok'exic, xemejmob c'u ri wacax ri e u c'aninak ri caxa.

Ri Josue 24:1

Ri Josue xebumulij conojel tak ri amak' re Israel pa Siquem. Xebusiq'uij ri achijab ri e nimak tak winak chic, c'amal tak be, k'atal tak tzij xukuje' cach k'atal tak tzij, chuwäch c'ut ri Ajawaxel,

Ri Josue 23:2

ri Josue xutak qui siq'uixic conojel ri aj israelib, e cachil tak ri e qui rija'l, c'amal tak be, k'atal tak tzij cach k'atal tak tzij, xubij c'u chque: “In in ri'j chic, e c'o chic ri nu junab.

Ajilanic 1:4

xukuje' ri re jun c'amal be re jun ja winak che jujun amak'.

Nabe Ajawinelab 2:10

Xcäm ri David xmuk c'u cuc' ri e u mam chupam ri u Tinimit ri David.