Nabe Ajawinelab 5:7 - Quiché Bible

⁷ Ri Hiram aretak xtatabetaj ri xutak u bixic ri Salomon, sibalaj xquicotic xubij c'ut: “¡Tewichital ri Ajawaxel camic rumal rech chi u yo'm che ri David jun u c'ojol ri sibalaj c'o u no'j rech cätakan puwi' we nimalaj tinimit ri'!”

Nabe Ajawinelab 5:7 Referans Kwoze

Ri Isaiy 9:6

Rumal rech chi alam jun ac'al chke, ri Dios u yo'm jun c'ojolaxel chke, ri yo'm ronojel cuinem pa u k'ab che u k'atic tzij, are c'u tak u bi' wa' cäbix na: Mayibal pa tak ri cubano, Dios ri man ch'äcatajel taj, junalic tataxel, u c'ojol ajawinel ya'l jamaril.

E C'ambal tak Tzij 23:24

Ri u tat ri utzalaj c'ojolaxel ajno'j c'ut c'o rumal sibalaj cäquicotic xukuje' cunimarisaj u k'ij;

Ri Isaiy 8:18

Ri in, xukuje' ri e nu c'ojol ri e u yo'm ri Ajawaxel uj mayibalalaj c'utbal chuwäch ri Israel. Uj cojom rumal ri Ajawaxel ri c'o ronojel u cuinem ri jekel puwi' ri juyub Sion.

E C'ambal tak Tzij 15:20

Ri c'ojolaxel ri ajno'j quebuquicotisaj ri u nan u tat; ri c'ojolaxel ri man c'o ta u no'j man nim ta queril wi u nan u tat.

E C'ambal tak Tzij 13:1

Ri c'ojolaxel ri ajno'j cuc'amowaj ri u pixbenic ri u tat; ri banal nimal man cuya' ta u xiquin che ri k'ilonic.

E C'ambal tak Tzij 10:1

Ri e u tzij tak ri Salomon: Ri c'ojolaxel ri c'o u no'j quebuquicotisaj ri u tat u nan; ri c'ojolaxel man c'o ta u no'j cuban chque chi caquirik c'ax.

Salmib 137:6

¡Chunac'a' rib ri wak' pa nu chi' we man catnataj chwe; we man catincojo, Jerusalen, puwi' ri kas nu quicotemal!

Nabe Ajawinelab 10:9

¡Tewichital ba' ri Ajawaxel ri Dios la, ri xkaj la chuwäch xujach c'ut ri ajawibal re Israel che la! ¡Rumal ri nimalaj u lok'obal c'u'x ri Ajawaxel ri c'o ruc' amak'el che ri Israel, u banom ajawinel che la rech cak'atan la tzij ruc' colomal xukuje' suq'uilal!”

Nabe Ajawinelab 3:9

Ya' ba' la, jun anima' chwe ri cacuin che u k'atic tzij puwi' ri tinimit la, xukuje' che u ch'obic jachique ri utz xukuje' ri man utz taj; ¿jachin ta ri cacuin che u k'atic tzij puwi' we tinimit la ri' ri man e ajilatal taj?”

Nabe Ajawinelab 1:48

je c'u wa' xubij: ‘Tewichital ri Ajawaxel, ri u Dios ri Israel, chi u yo'm c'olbal che jun wija'lil capaki' pa ri tem re ajawibal, chinwila' c'ut.’ ”

Chapletajic 33:5

Ri Esau xebuca'yej ri ixokib xukuje' ri ac'alab, xubij che ri Jacob: “¿E c'u wa' e jachin tak?” “E are' tak ri alc'ualaxelab ri e u y'om ri Dios che we pataninel awech,” xcha' ri Jacob.

Nabe Ajawinelab 5:6

Chaya' ba', takanic, chi chekasax tak chacalte' chwe pa ri Libano. Ri e wajchaquib quetoban na cuc' tak ri awajchaquib ri in quintoj na ri catok'ij chwe che ri tojbal tak quech ri e awajchaquib, ri at kas aweta'm chi man c'o ta jun chke reta'm ta quebuk'at tak ri che' jacha' ri aj sidonib.”

Nabe Ajawinelab 5:8

Xutak c'u u bixic ri Hiram che ri Salomon: “Nu c'amom ri takquil ri a takom ulok chwe, quinya' c'u na ri chacalte' xukuje' ri tz'inchäj ri e a tz'onon.

Nabe Ajawinelab 4:7

Ri Salomon xebucoj cablajuj takanelab puwi' ronojel Israel, ri qui chac wa' are ri u ya'ic ronojel ri cajwataj che ri ajawinel xukuje' conojel ri rachalaxic. Chquijujunal rajawaxic caquijach ri cajwataj che ri jun ic' pa ri jun junab.