Nabe Ajawinelab 3:8 - Quiché Bible

⁸ in c'o c'ut che c'amal u be ri tinimit la ri cha'om la: jun tinimit ri sibalaj nim ri rumal ri u q'uiyal, man cuya' taj cajilaxic mawi cachomaxic e joropa'.

Nabe Ajawinelab 3:8 Referans Kwoze

Chapletajic 15:5

Ri Ajawaxel xuc'am bic ri Abram cho ja, xubij che: “Chatca'y chicaj, chebawajilaj ri ch'imil we catcuinic. Jewa' ri qui q'uial ri e awija'lil.”

Nabe Tzijobelil 21:2

Xuya' c'u takanic ri David che ri Joab xukuje' ri quetakan paquiwi' tak ri tinimit: “Jix chebiwajilaj ri aj Israel kas pa Beerseb c'ä pa Dan, chi c'ama' c'u ulok ri cajilabal chwe rech quinwetamaj e joropa' chi conojel.”

Chapletajic 22:17

Quinbano chi sibalaj quepok' ri e awija'lil jacha' ri ch'imil cho ri caj, xukuje' e jacha' ri sanyeb ri c'o chuchi' ri plo. Amak'el c'ut quech'äcan na paquiwi' ri e qui c'ulel,

Chapletajic 13:16

In quinban na chi ri e are' quebux na e jacha' ri u puc'uq'uil ri ulew. Je c'u ri' jacha' chi man ya'tal taj quebajilax ri e u bak'wäch ri puc'uc', mawi xukuje' ya'talic chi quebajilax ri e u k'ab tak awachalaxic.

Salmib 78:71

xuresaj chquij ri chij rech cuchajij ri u tinimit, rech are' cayuk'un ri Israel.

Nabe Samuel 12:22

Are c'u ri Ajawaxel, cuya' na u k'ij ri u bi' nim, man quixuwonoba' ta na; are c'u craj are' quixux u tinimit.

Nabe Ajawinelab 4:20

Ri Juda, xukuje' ri Israel man quebajilataj taj ri qui winakil, e jacha' ri sanyeb ri c'o chuchi' ri plo. Sibalaj c'o ri catijic xukuje' ri cuq'uiaxic, c'o nimalaj quicotemal.

Aj Levitib 26:9

Quinya' c'u na nu wäch chiwe, quinbano chi quixpok'colijic, quixq'uiyir c'u na, quinjekeba' na ri nu c'ulwächinic iwuc'.