Nabe Ajawinelab 3:6 - Quiché Bible

⁶ Ri Salomon xutzelej u bixic: “Ri lal xban la nimalaj utzil che ri nu tat ri David ri pataninel ech la, ri are' xbin chwäch la ruc' tz'akatil, ruc' suq'uilal xukuje' ruc' jun ch'ajch'ojalaj ranima' uc' la. Rumal ri' xban la nimalaj utzil che, xya' c'u la che chi jun u c'ojol cät'uyi puwi' ri u tem re ajawibal, jas ri c'ulmatajinak camic.

Nabe Ajawinelab 3:6 Referans Kwoze

Nabe Ajawinelab 9:4

Are c'u ri camic, we ri at utz ruc'axic ri a c'aslemal caban chnuwäch jacha' ri xuban ri David, ri a tat, ruc' jun anima' ri man c'o ta jas cäriktaj chrij, ri suc', catoc c'u che u banic ronojel ri at nu takom wi, quebanimaj c'ut ri e nu pixab xukuje' tak ri e nu takanic,

Nabe Ajawinelab 1:48

je c'u wa' xubij: ‘Tewichital ri Ajawaxel, ri u Dios ri Israel, chi u yo'm c'olbal che jun wija'lil capaki' pa ri tem re ajawibal, chinwila' c'ut.’ ”

2 Corintios 9:11

Jeri' ri ix quec'oji' na ronojel qui wäch k'inomal iwuc' quixcuin c'u ri' quixyan ruc' telechinic. Are c'u ri cuchuj ri quitak bic ix, cux na wa' chi rumal kech uj chi ri achalaxic tak quequiya' na maltioxinic che ri Dios.

Nabe Ajawinelab 2:4

Are c'u ri Ajawaxel co cutiq'uiba' ri chi'nic ri xuban chwe, chi we ri e nu c'ojol caquichajij ri qui c'aslemal, quebin c'u pa ri kastzij chuwäch ri are', ruc' ronojel ri canima' xukuje' ruc' ronojel ri qui c'aslibal, mawi ta jumul ri' ma ta c'o jun wachalaxic ri ma ta cac'oji' na puwi' ri tem re ajawibal aj Israel.

2 Corintios 9:5

Rumal ri' xinchomaj chi rajawaxic xebenbochi'j ri kachalal chi quebopan iwuc' nabe, rech quixquito' che u suc'umaxic apan ri i cuchuj ri i bim chi quiya'o. Rech jeri' suc'umatal chi apanok, jas jun cuchuj ri i yo'm ruc' ronojel iwanima', ma ta je jun cuchuj ri quiya' ruc' xu'yal.

Salmib 119:17

¡Chya' la u c'aslemal we pataninel ech la ri'! ¡Quinnimaj na ri tzij la!

Salmib 116:7

Camic, quinna' chi utz chic in c'olic, rumal chi ri Ajawaxel u banom utz wuc'.

Salmib 15:2

Xuwi ri man c'o ta mac pa ri u c'aslemal xukuje' cuban utzil, ri cubij ri kastzij ruc' ronojel ranima',

Ucab Ajawinelab 20:3

“In quinbochi'n che la, Ajawaxel, chi chnataj che la jas ri jicalaj patanixic la nu banom man c'u ruc' ta cawächibal, are c'u nu banom ri cakaj chwäch la.” Xok' c'ut ruc' c'ayil.

Ucab Samuel 7:5

“Jät jatzijobej ri pataninel wech ri David, chaya' u bixic che chi ri in, ri Ajawaxel, nu bim: ‘Man at taj ri catyacow ta na jun wachoch rech quinc'oji' chupam.

Ajilanic 12:7

ruc' c'ut ri pataninel wech ri Moises man je ta quiban wa'. Are' ri sibalaj jic na chquiwäch conojel ri e nu pataninelab,

Salmib 13:6

¡Quinbixoj ri Ajawaxel rumal ri utzil ri u banom chwe!

Nabe Ajawinelab 15:5

ri David utz xbinic xya' c'u u k'ij rumal ri Ajawaxel, mawi jubik' xutas ta rib che u nimaxic u banic ri xtakan wi ri Ajawaxel, xuwi ri etzelal ri xuban che ri Uriy ri aj hitit.

Nabe Ajawinelab 3:14

We c'u caban ri nu rayibal, xukuje' quebatz'akatisaj tak ri nu pixab xukuje' tak ri e nu takomal, jacha' ri xuban ri David, ri a tat, naj c'ut catin c'asba' na.”

Ucab Tzijobelil 1:8

Ri Salomon xutzelej u bixic che ri Dios: “Ri lal xban la nimalaj utzil che ri nu tat David, xincoj c'u la che ajawinic pa ri u c'olbal.

Chapletajic 24:40

Ri Abraham xubij chwe: ‘Ri in, in binenak pa ri u be ri Ajawaxel, ri are' cutak na ulok ri u tako'n aj caj awuc' che u c'amic a be rech utz quel ri a binem. Cäc'am c'u jun rixokil ri nu c'ojol chquixo'l ri ixokib que ri wachalaxic, ri u bixic rachalaxic ri nu tat.

Ucab Samuel 22:21

Ri Ajawaxel u yo'm chwe ri rajilal u q'uexelal ri takal che ri ch'ajch'ojalaj nu c'aslemal,

Ucab Samuel 22:25

Ri Ajawaxel u yo'm rajilq'uexelal chwe rumal ri ch'ajch'ojalaj nu c'aslemal chuwäch.