Nabe Ajawinelab 21:5 - Quiché Bible

⁵ Xpe c'u ri Jezabel, ri rixokil, xkeb ruc', xubij c'u che: “¿Jas c'u che sibalaj catbisonic man c'u cajwataj catwa'ic?”

Nabe Ajawinelab 21:5 Referans Kwoze

Ri Ester 4:5

Ri Ester xusiq'uij c'ut ri Hatac, ri qui nimal ri ajch'ojab ri echajinelab, xutako chi oj che rilic ri Mardoquey chuta' c'u che jas ri cätajin cac'ulmatajic xukuje' jasche cätajin cuban ronojel we jasach ri'.

Ri Nehemiy 2:2

xuc'ot c'u ne nu chi', xubij: “Quinwilo chi sibalaj bis at c'olic. ¿Jas ri xac'ulmaj? Quinwilo chi man at ta yawab, c'o ba' jun u q'ueyowal ri' a rikom.” Pa ri jok'otaj ri', xina' jun nimalaj xe'n ib,

Nabe Ajawinelab 21:25

(Man c'o ta chi jun jacha' ri Acab, ri xtakchi'x rumal ri rixokil Jezabel, xuwi xebuban itzel tak banoj chuwäch ri Ajawaxel.

Nabe Ajawinelab 19:2

Ri Jezabel xutak jun tako'n che u bixic che ri Eliy: “¡We ri at at Eliy, ri in in Jezabel! Chiquiya' c'u c'axalaj c'äjisabal wächaj ri diosib chwe, we je tak wa' chwek, ma ta je nu banom chawe je jas ri xaban chque we e k'axal tzij ri'.”

Nabe Ajawinelab 18:4

aretak c'ut, ri Jezabel xuchaplej qui cämisaxic ri e k'axal u tzij ri Ajawaxel, ri Abdiy xebumol jun sient chque, aretak c'u xbantaj cak'at chque pa cawinak tak lajuj (50, 50), xebuc'u' pa tak pec, xebutzuk c'u chila'.

Nabe Ajawinelab 16:31

man xuk'il ta rib che qui banic ri junam tak macaj ri xebuban ri Jeroboam, u c'ojol ri Nabat. Xak c'u xutz'akatisabej chic, xc'uli' ruc' ri Jezabel, u mia'l ri Et-baal, ajawinel pa Sidon, xuya' chi c'u jubik' u wi' rumal ri u k'ijilaxic ri Baal,

Ucab Samuel 13:4

C'o jun k'ij xuc'ot u chi' ri Amnon, xubij che: “¿Jas ri xac'ulmaj u c'ojol ajawinel? ¿Jasche sibalaj cätajin catbakiric? ¿La ma ta catzijoj chwe?” Ri Amnon xutzelej u bixic che: “Xa benak wanima' che ri Tamar ri rana'b ri watz Absalon.”

Chapletajic 3:6

Xril c'u ri ixok chi sibalaj je'lic ri u wäch ri che', xpe u rayinic che u tijic rech cäc'oji' retamanic. Xuchup c'u jun chque ri e u wäch ri che', xutij c'ut xuya' c'u rech ri rachajil, xukuje' c'u ri are' xutijo.

Nabe Ajawinelab 21:4

Ri Acab cabisonic xbe cho rachoch xukuje' royowal rumal rech ri xubij ri Nabot che, u bim c'u che chi man cuya' ta che ri rechbem ulok chque ri e u mam. Xopanic, xek'oyolok xuban u wäch cho ri tapia, man xraj ta c'ut xwa'ic.

Nabe Ajawinelab 21:6

Ri Acab xutzelej u bixic: “Xintzijobej ri Nabot, ri aj Jezreel, xinbij che chi chuc'ayij ri u ticbal uva chwe, o we are' cäraj chi quinya' chi jun ticbal uva che u q'uexel. Man xuya' ta c'u u tzij che u ya'ic chwe.”