Nabe Ajawinelab 21:2 - Quiché Bible

² C'o jun k'ij aretak ri Acab xubij che ri Nabot: “Chaya' ri a ticbal uva chwe are quinwaj quintic cotz'i'j chupam, rumal chi c'o pa ri u xc'ut ri wachoch. Quinya' chic jun ticbal uva chawe ri sibalaj utz na; we are utz chawe chi quintoj chi puakil.”

Nabe Ajawinelab 21:2 Referans Kwoze

Nabe Samuel 8:14

Quebumaj na ri utzalaj tak iwulew, ri utzalaj ticbal ri u che'al u wa'l uva, xukuje' ri utzalaj ticbal tak u che'al aseitun, quebujach na pa qui k'ab ri e rach k'atal tak tzij.

1 Timoteo 6:9

Are c'u ri cäcaj quek'inomaric, are ri' quetakchi'x pa mac, quetzak chupam. Quetzak pa chapbal, pa q'ui conalaj tak rayinic ri cäquiban c'ax, ri cäquiban chque ri winak chi man c'o ta chi u patan ri qui c'aslemal xukuje' cäsach qui wäch.

Ri Lucax 12:15

Xubij chque ri winak: “Chiwila', chichajij iwib, mirayij u mulixic q'ui jastak iwe. Pune' e c'o q'ui jastak re jun winak, man are ta ri' ri cäyo'w ri u c'aslemal.”

Ri Jeremiy 22:17

Are c'u ri at xuwi catoc il che qui rikic tak ri ch'äcoj cumal tak eläk'anic; quebajach ri man c'o ta qui mac pa cämisaxic, quebaban c'u c'ax xukuje' quebat'orij ri a tinimit.”

Bixonic Tak 4:15

Ri u q'uiyibal ja' pa ri ticbal cotz'i'j are jun c'ua' ri caq'uiy wi ulok ri ja' ri cakaj ulok kas pa ri Libano.

Ri Tzijonel 2:5

Xintak qui tajixic ticbal tak wichaj pa wech wi xukuje' tak nu ticbal cotz'i'j, xebentic c'u ronojel qui wäch tak che' ri quequiya' qui wäch.

Ucab Ajawinelab 9:27

Aretak ri Ocoziy, ajawinel re Juda, xril ri xc'ulmatajic, xanimajic xbe chusuq'uil ri Bet-agan. Xokatax c'u rumal ri Jehu xuya' c'u takanic: “¡Chicämisaj ri are' xukuje'!” Re c'u cämical ri socotajic ri xban che chupam ri u carwaj, pa ri pakapic re Gur, chuxcut ri Ibleam, xcuin c'ut xanimaj c'ä pa Meguid. Chila' xcäm wi.

Nabe Samuel 29:6

Xsiq'uix c'u ri David rumal ri Aquix, xubij che: “Sibalaj kastzij jacha' c'asal ri Ajawaxel, chi ri at, at jun suc'alaj achi. Sibalaj c'u kajinak chnuwäch ri caban che u c'amic qui be ri ajch'ojab. Man nu rikom ta jun etzelal pa ri a c'aslemal pa ri k'ij ri at ulinak wuc' man c'u catkaj ta chquiwäch ri e qui nimakil ri aj pilisteyib,

Nabe Samuel 8:6

Ri Samuel c'ax xuna' chi xquibij che chi chucojo' jun ajawinel rech cajawin paquiwi', xuban c'u ch'awem ruc' ri Ajawaxel;

U Camulixic ri Pixab 11:10

Ri ulew ri quixoc che u ch'äquic, man junam ta ruc' ri Ejipt, ri xixel wi ulok; chila' xquitic ri ija' xquiban c'u u ja'xic ruc' ri iwakan jacha' ri cäban che qui ja'xic ri ticbal tak ichaj,

U Camulixic ri Pixab 5:21

Marayij ri rixokil ri awajil a tz'akat. Marayij ri rachoch, mawi ri rulew, mawi ri u lok'om pataninel, we achi o ixok, mawi ri u wacax, mawi ri u bur, mawi apachique jasach ri rech ri awajil a tz'akat.’ ”

Elem 20:17

Maquiäk rayij ri rachoch ri awajil a tz'akat: maquiäk rayij ri rixokil, mawi ri u pataninel lok'om, achi o ixok, mawi ri u wacax, mawi ri u bur, mawi jun jasach ri rech.”

Chapletajic 16:6

Ri Abram xubij che ri Saraiy: “Chawilampe', pa k'ab c'o wi ri Agar, ri a lok'om pataninel, chabana' che jas ri cawaj.” Xuchaplej c'u u banic c'ax ri Saraiy che ri Agar, rumal c'u ri' xanimaj bic ri Agar.

Chapletajic 3:6

Xril c'u ri ixok chi sibalaj je'lic ri u wäch ri che', xpe u rayinic che u tijic rech cäc'oji' retamanic. Xuchup c'u jun chque ri e u wäch ri che', xutij c'ut xuya' c'u rech ri rachajil, xukuje' c'u ri are' xutijo.

Nabe Ajawinelab 21:3

Are' c'u ri Nabot xutzelej u bixic che ri Acab: “Muya' ri Dios chi ri in quinya' ta ri wechben can chque ri e nu mam.”

Nabe Ajawinelab 21:6

Ri Acab xutzelej u bixic: “Xintzijobej ri Nabot, ri aj Jezreel, xinbij che chi chuc'ayij ri u ticbal uva chwe, o we are' cäraj chi quinya' chi jun ticbal uva che u q'uexel. Man xuya' ta c'u u tzij che u ya'ic chwe.”