Nabe Ajawinelab 20:7 - Quiché Bible

⁷ Ri ajawinel re Israel xutak qui siq'uixic ri nimak tak tatayib ri e c'o pa ri ulew, xubij c'u chque: “Ri ix qui ch'obo, chi we achi ri' cätajin cutzucuj u banic c'ax chwe, man nu k'ilom ta c'u wib che qui jachic tak ri wixokilab pa u k'ab, ri e nu c'ojol xukuje' tak ri e nu k'inomal.

Nabe Ajawinelab 20:7 Referans Kwoze

Ucab Ajawinelab 5:7

Aretak ri ajawinel pa Israel xusiq'uij ri wuj, xujis ri ratz'iak che u c'utic chi man utz ta xuto xubij c'ut: “¿La xa' pu in Dios, chi quiya' c'aslemal xukuje' quinwesaj rech cutak ulok chwe jun achi rech quincunaj che ri u ch'a'c? ¡Kas chiwila' quiwil c'u na' chi cätajin cutzucuj jas cuban che u tzucuxic ch'o'j wuc'!”

Ri Daniel 11:27

E are c'u ri quieb ajawinelab ri cäquichomala' xuwi u banic c'ax chquibil tak quib, quet'uyi na pa ri xa' junam mexa quequibila' banoj tak tzij chquixo'l ri jun che ri jun chic, man c'o ta c'u jun quel ta na puwi' ri cuchomaj u banic, rumal rech chi c'ä maja' copan ri u k'ijol.

E C'ambal tak Tzij 24:2

xuwi c'u cäquichomaj u banic tokinic, man c'o ta chi c'u jas cäquitzijoj xuwi ri u banic etzelal.

E C'ambal tak Tzij 11:27

Ri amak'el cuban utzil, utz cailic; ri cutakej u banic ri etzelal itzel quel na.

E C'ambal tak Tzij 11:14

We man c'o utzalaj k'atan tzij cätzak na ri tinimit; ri u to'tajic cäriktaj cumal ri e q'ui ya'l tak no'j.

E C'ambal tak Tzij 6:14

ri u chomanic nojinak che etzelal, amak'el are cuchomaj u banic ri lawaloyil, xukuje' cätzurun che qui banic tak ch'o'j.

Salmib 140:2

ri cäquichomaj u banic ri man utz ta amak'el c'ut quetzurun che ch'o'j.

Salmib 62:3

¿C'ä jampa' lo qui tanaba' u chomaxic u banic c'ax chwe quinit'akij ta pa ulew jacha' jun tapia ri xak pachal chic o jun ja ri xa co'l man cätzakic?

Salmib 36:4

K'oyol pa ri u ch'at cuchomaj u banic ri man utz taj; sibalaj benak ranima' che u takexic ri itzelalaj u be man cäraj taj cuya' can u banic ri etzelal.

Salmib 7:14

Chiwilampe' ri banal etzelal: c'o k'oxom re alc'ualanic che, yawab winak chic che ralc'ualaxic etzelal, caralc'ualaj c'u banoj tzij.

Ri Job 15:35

Qui chapom u q'uiyisaxic e lawaloyil quecalc'ualaj c'u etzelal; ri wächinic ri caquiq'uiyisaj are' ri subunic.”

Nabe Tzijobelil 28:1

Ri David xebumulij conojel ri k'atal tak tzij re Israel pa Jerusalen: ri e c'amal tak qui be ri amak', ri e c'amal tak qui be ri jujun tak k'at ajch'ojab ri e c'o che u patanixic ri ajawinel, ri e c'amal tak qui be ri jujun tak mil ajch'ojab xukuje' ri c'amal tak qui be ri jujun tak sient ajch'ojab, ri e u c'aninak tak conojel ri rulew xukuje' tak ri u wacax ri ajawinel xukuje' ri e u c'ojol, ri winak ri nimak na qui k'ij xukuje' conojel ri e qui nimakil tak ajch'ojab ri e nimak na qui banic.

Nabe Tzijobelil 13:1

Ri David xutz'onoj u no'j chque ri e qui nimal jujun tak mil ajch'ojab, xukuje' chque ri takanelab, ri u bixic wa', chque conojel ri c'amal tak be,

Nabe Ajawinelab 8:1

Ri Salomon xebumulij ri nimak tak tatayib aj Israel chuwäch pa Jerusalen, conojel ri e c'amal tak qui be ri amak' xukuje' ri e winak ri nimak tak na qui k'ij chupam ri jutak ja pa Israel, che u k'axexic ri u caxa ri Ajawaxel pa Sion, ri u Tinimit ri David.

Nabe Ajawinelab 20:6

Je tak c'u wa' chwek quebentak chi na bic ri e qui nimal tak ri wajch'ojab che rilic ri awachoch xukuje' tak ri cachoch ri e a wach k'atal tak tzij, ronojel c'ut ri cäkaj chquiwäch caquiban na quech che.’ ”

Nabe Ajawinelab 20:8

Mätatabej la mawi moc la il che ri cubij” xecha' ri nimak tak tatayib xukuje' conojel ri winak.

Nabe Ajawinelab 21:8

Xebutz'ibaj c'u tak wuj pa ri u bi' ri Acab, xebut'ic bic ruc' ri u mulk'ab ri ajawinel; xebutak c'u bic chque ri nimak tak tatayib xukuje' ri c'amal tak be ri e jekel pa ri u tinimit ri Nabot.