Nabe Ajawinelab 2:2 - Quiché Bible

² “Quinchaplej ri q'uisbal binem, jacha' ri caquiban conojel ri winak. Chachajij anima' chatux jacha' jun achi.

Nabe Ajawinelab 2:2 Referans Kwoze

Ri Josue 23:14

In chanim quinecämok, are' c'u ri quinwaj chi ri ix quich'ob canok ruc' ronojel iwanima' xukuje' ruc' i c'aslibal chi e tz'akatinak conojel ri utzalaj tak jastak ri xebuchi'j ri Ajawaxel chiwe. Mawi ta ne xa jun chque tak ri xebuchi'j xcanaj ta canok ri ma ta xtz'akatic.

Efesios 6:10

Are c'u ri camic, wachalal tak, chicowirisaj iwib pa ri Ajawaxel Jesus, xukuje' pa ri u cuinem ri u chuk'ab.

1 Corintios 16:13

Chixc'asc'atok. Co chixc'ol pa ri i cojonic. Chc'ol nimalaj i chuk'ab, xukuje' co chixc'olok.

Hebreos 9:27

K'atom c'ut paquiwi' ri winak chi xa' jumul quecämic, chwi chi c'u wa' ri k'atan tzij,

U Camulixic ri Pixab 31:23

Ri Ajawaxel xuya' we takanic ri' che ri Josue, (ri u tat ri Josue are' ri Nun): “Chc'ol a chuk'ab xukuje' muban quieb a c'u'x, at c'ut catbanow na chi queboc ri aj israelib pa ri ulew ri nu bim chi quinya' chque, are c'u ri in quinc'oji' na pa a xcut.”

2 Timoteo 2:1

Ri at, nu c'ojol, chatux co pa ri tok'ob ri c'o pa ri Crist Jesus.

1 Timoteo 4:12

Maya' chque ri winak chi cäquetzelaj a wäch xa' rumal rech chi at ac'al achi na. Xane' chatux jun c'utbal pa ronojel chquiwäch ri cojonelab, rech ri e are catquilo, cäquiban que jas ri caban at. Jeri' cäquita' ri utzalaj a tzij, cäquilo chi utz catbin pa ri a c'aslemal, chi quebalok'ok'ej niq'uiaj chic, chi c'o a cojonic, chi ch'ajch'oj ri a c'aslemal, cäquiban c'u que jas ri caban at.

Ri Tzijonel 12:13

Xq'uis u tza'm ri chomanic. Ronojel bitajinak chic. Nim ba' chawila' wi ri Dios chebatz'akatisaj tak qui banic ri e u takomal, are c'u wa' ri rajawaxic u banic rumal ronojel winak.

Salmib 89:48

¡Man c'o ta jun cäcuinic cäc'asi'c ri ma ta c'u cäcämic! ¡man c'o ta jun ri ma ta cäbe pa ri mukubal!

Ri Job 30:23

Weta'm chi are caj la quinc'am la bic chupam ri cämical, chupam ri c'olbal ri caquimulij wi na quib conojel ri e c'aslic.

Ri Job 16:22

Ri quieb oxib junab ri c'ä e c'o na chnuwäch cätajin queboc'owic, chanim c'ut quinchaplej ri nu binem ri man c'o chi wi tzelejem.”

Nabe Tzijobelil 28:20

Xubij c'ut ri David che ri Salomon: “¡Chc'ol a chuk'ab xukuje' co chattac'alok, chamajij ba' ri chac! ¡Maqueblaj a c'u'x mawi maxe'j awib, cac'oji' c'u na ri Ajawaxel ri nu Dios awuc'! Ri are' man catuya' ta canok mawi catuwonoba' ta canok c'ä cäq'uis na u banic ronojel ri chac che ri patanijic chupam ri rachoch Dios.

Nabe Ajawinelab 3:7

Lal Ajawaxel xukuje' nu Dios, in cojom la rech quinajawin che u q'uexwäch ri David, ri nu tat, pune' c'u xa' in jun c'ojol ala ri c'ä man c'o ta nu no'j,

Ucab Samuel 10:12

Chachajij anima', ka cojo' c'u ka chuk'ab che u to'ic ri ka nim tinimit xukuje' che qui to'ic tak ri u tinimit ri ka Dios. ¡Chubana' ba' ri Ajawaxel Dios jachique ri utz caril na!”

Ucab Samuel 12:23

Are c'u ri camic chi cäminak chic ri ac'al, ¿jas chi u patan chi man quinwa' taj we man quincuinic quinbano chi cätzelej ta ulok cäc'asi' ta chi c'ut? ¡In quinbe na che u rikic wib ruc', are c'u ri are' man cäpe ta chi che u rikic rib wuc'!”

Nabe Tzijobelil 22:13

Ronojel utz quel na chawäch, we cacoj a chuk'ab che qui tz'akatisaxic tak ri u pixab xukuje' tak ri chomanic ri xubij ri Ajawaxel chi cuban ri Israel rumal ri Moises. ¡Chc'ol a chuk'ab xukuje' co chatc'olok; muban quieb a c'u'x mawi maxe'j awib!

Nabe Tzijobelil 28:10

Mäsach c'u pa a jolom chi are' ri Ajawaxel at u cha'om rech cayac jun nim ja ri cak'ijilax wi na. ¡Rumal ri', chachajij anima' chamajij ba ri chac!”