Nabe Ajawinelab 19:10 - Quiché Bible

¹⁰ Ri are' xutzelej u bixic: “Nu no'm nimalaj achixomanic che la, Ajawaxel, Dios ri c'o ronojel u cuinem, rumal rech chi ri aj israelib qui xutum canok ri c'ulwächinic la xukuje' e qui wulim tak ri porobal ri e ech la, ch'ich' c'ut xequicoj che qui cämisaxic tak ri e k'axal tzij la. Xuwi ri in in canajinak canok, cätajin c'u quintzucuxic che resaxic ri nu c'aslemal.”

Nabe Ajawinelab 19:10 Referans Kwoze

Nabe Ajawinelab 18:4

aretak c'ut, ri Jezabel xuchaplej qui cämisaxic ri e k'axal u tzij ri Ajawaxel, ri Abdiy xebumol jun sient chque, aretak c'u xbantaj cak'at chque pa cawinak tak lajuj (50, 50), xebuc'u' pa tak pec, xebutzuk c'u chila'.

Nabe Ajawinelab 18:22

Xutakej c'u u bixic ri Eliy: “Xuwi ri in ri in k'axal u tzij ri Ajawaxel ri in c'asal canok, are c'ut ri e rech ri Baal e c'o quiejeb sient ruc' cawinak lajuj (450) k'axal u tzij.

Elem 34:14

Mik'ijilaj jule' tak dios chic, rumal rech chi ri Ajawaxel achixomanel. Dios achixomanel ri u bi'.

Elem 20:5

Mamej awib chquiwäch mawi mebaya' k'ijilanic chque, rumal rech chi in ri' ri Ajawaxel ri a Dios, Dios achixomanel ri cuc'äjisaj qui wäch ri etzelal ri caquiban ri tataxelab, pa ri qui wi' ri calc'ual, ri qui' tak qui mam xukuje' xiquin tak qui mam ri caquetzelaj nu wäch;

Nabe Ajawinelab 18:30

Xubij c'u ri Eliy chque conojel ri winak: “Chixkeb ulok wuc'.” Conojel ri winak xekeb ruc', xuchaplej c'u u yaquic ri porobal ri rech ri Ajawaxel, ri tzakinak.

Ajilanic 25:13

rumal c'u rech wa' quinjächo, che are' xukuje' pa qui k'ab ri e rija'lil, chi quebux cojol tak tabal tok'ob re amak'el, rumal rech chi xachixom chwe je c'u ri' xurik ri sachbal macaj chque ri aj israelib.”

Ajilanic 25:11

“Ri Pinees banowinak chi coc'ow ri woyowal chquij ri aj israelib, rumal rech chi ri are' c'o junam achixomanic ruc' je jas ri c'o wuc' in chque. Rumal ri' man nu na yo'm ta wib chi in u c'amom ta bic ri achixomanic man xinq'uis ta c'u u sachixic qui wäch.

Ri Xuan 2:17

Chi' c'ut xnataj chque ri u tijoxelab chi tz'ibam canok: “Quinubik' ri rilixic ri achoch la.”

Ri Miquey 7:2

Man e c'o ta chic pa ri uwächulew winak ri e suc' mawi ri e jic ta che ri Dios; conojel xak queyem ri jok'otaj che u banic tokinic; quequicoj c'amibal chquibil tak quib.

Ri Miquey 6:16

Rumal rech chi e a takem ri e u takanic xukuje' tak ri e u banoj ri Omri xukuje' ri xequiban ri e ralaxic ri Acab, xaban c'u awe jacha' ri xequiban tak we winak ri'. Rumal ri' in quenbana' na chawe xukuje' chque ri e a winak chi quixux jun xibibal ib xukuje' yacbal tze', are c'u ri u q'uixbal ri nu tinimit cakaj na pawi'.”

Ri Osey 5:11

Ri Eprain mejmobinak, c'o c'äjisabal wächaj puwi', u mac rech ri benam chquij ri e subunelab tak diosib.

Ri Jeremiy 2:30

Xak lok' xinc'äjisaj qui wäch ri e i c'ojol, man xcaj ta c'ut xquetamaj taj ri tijonic. Kas ri ix, ix junam cuc' ri c'analaj tak coj, xebicämisaj tak ri e k'axal tak tzij ri e c'o iwuc'.

Salmib 119:139

In oyowinak rumal quech ri nu c'ulel chi man cäquita'taj ri tzij la.

Salmib 69:9

Quincäm che achixomanic che rilixic ri achoch la; in in kajbeninak ronojel ri qui yok'bal ri quebanow c'ax che la;

Nabe Ajawinelab 22:8

Ri rajawinel ri Israel xutzelej u bixic che ri Josapat: “C'o chi na jun, ri cuya' cakata' che jas cubij ri Ajawaxel. Are' ri Micaiy (ri u tat ri Micaiy are' ri Imla). Quinwetzelaj c'u u wäch, rumal rech chi mawi jumul cuya' ta qui bixic utzalaj tak jastak chwe, xane' xak xuwi jastak ri man e utz taj.” Xubij c'ut ri Josapat che: “mabij we tzij ri'.”

Nabe Ajawinelab 19:14

Ri are' xutzelej u bixic: “Nu no'm jun nimalaj achixomanic che la, Ajawaxel, Dios ri c'o ronojel u cuinem, rumal rech chi ri aj israelib qui xutum canok ri c'ulwächinic la, e qui wulim tak ri porobal ri e ech la, ch'ich' c'ut xequicoj che qui cämisaxic tak ri e k'axal tzij la. Xuwi ri in in canajinak canok, cätajin c'u quintzucuxic che resaxic ri nu c'aslemal.”

Nabe Ajawinelab 19:2

Ri Jezabel xutak jun tako'n che u bixic che ri Eliy: “¡We ri at at Eliy, ri in in Jezabel! Chiquiya' c'u c'axalaj c'äjisabal wächaj ri diosib chwe, we je tak wa' chwek, ma ta je nu banom chawe je jas ri xaban chque we e k'axal tzij ri'.”

Nabe Ajawinelab 18:20

Ri Acab xutak qui siq'uixic conojel ri aj israelib, xukuje' xebumulij conojel ri e k'axal u tzij ri Baal puwi' ri juyub Carmel.

Nabe Ajawinelab 18:17

Aretak xrilo xubij che: “¿At ba' ri' ri cätajin caban c'ax che ri Israel?”

Nabe Ajawinelab 18:10

Quinban na ri chi'nic ri kas cäban na rumal ri Ajawaxel ri Dios la chi man c'o ta nim tinimit mawi ajawibal ri ma ta u takom ta wi tzucuxic la ri wajaw; aretak c'u caquitzelej u bixic chi man lal c'o ta chila', ri wajaw quebutakchi'j che u bixic chi quinban na ri chi'nic ri kas cäban na che chokok chi man rikom ta la.

Nabe Ajawinelab 20:35

C'o c'u jun achi ri are' jun cuc' ri jumulaj k'axal tzij xubij che jun rachil, rumal u takanic ri Ajawaxel: “¡Chabana' jun tok'ob chinasoco'!” Man xraj ta c'ut ri rachil.

Nabe Ajawinelab 20:22

Xopan chi c'ut ri k'axal tzij ruc' ri ajawinel re Israel, xubij c'u che: “Choj la, chemulij chi la niq'uiaj ajch'ojab la, chbana' la utz u chomaxic ri rajawaxic u banic umal la; rumal rech chi aretak cätz'akat jun junab ri ajawinel re Siriy cäpe chi jumul che u banic ch'o'j uc' la.”

Nabe Ajawinelab 20:13

Xopan c'u jun k'axal tzij ruc' ri Acab, rajawinel ri Israel, xubij che: “Ri Ajawaxel u bim: ‘Pune quebawil we tinimit c'ulel ri', in quebenjach na pa a k'ab camic, rech cawetamaj chi in ri' ri Ajawaxel.’ ”

Hebreos 11:37

xecämisax che abaj, xek'at che jos; xecämisax che ch'ich'. Xak xebinicat pa tak ri c'olbal, qui cojom qui tz'umal chij xukuje' qui tz'umal q'uisic', sibalaj e mebayib, xquirik c'axc'olil, xeban c'ax chque.

U Camulixic ri Pixab 31:16

Xubij c'u ri Ajawaxel che ri Moises: “Xa' pa quieb oxib k'ij catcäm na, we tinimit ri' cuchuwirisaj na rib cuc' ri qui diosib ri ulew ri man queta'm ta u wäch ri queboc na che rechbexic; quinquixutuj na canok, quinpaxij c'u na ri c'ulwächinic ri nu banom ruc'.

Ucab Ajawinelab 10:16

xubij c'u che: “Chinawachilaj cawil na ri nu rayinic che u patanixic ri Ajawaxel.” Xuc'am c'u bic chupam ri u carwaj.

Ri Jeremiy 36:26

Xane' xutak ri Jerameel, rija'l ri ajawinel, ri Seraiy, u c'ojol ri Azriel xukuje' ri Selemiy, u c'ojol ri Abdeel, chi chquicojo' ri Jeremiy, ri k'axal tzij, pa che' xukuje' ri Baruc ri rajtz'ib. Xecuy c'ut rumal ri Ajawaxel.

Ri Nehemiy 9:26

Man c'u xeniman taj, xquiwalijisaj quib chij la, xquetzelaj u wäch ri pixab la, xequicämisaj tak c'ut ri e k'axal tak tzij la, ri xequitzujuj tak chisak xquibij c'u chque chi chetzelej uc' la, xequiban c'u nimak tak macaj chwäch la.

Salmib 78:37

mawi jubik' xux ta jic ri canima' chuwäch, mawi xebin ta jic pa ri u c'ulwächinic.

Salmib 119:26

Nu k'alajisam ri nu c'aslemal chwäch la, xtzelej c'u la u wäch ri nu tzij; ¡chintijoj la chque tak ri pixab la!

Salmib 119:126

Ajawaxel, opaninak ri k'ijol chi c'o jas caban la, man e qui nimam ta c'ut ri e tijonic la.

Ri Isaiy 49:4

Nu bim c'u in: Xak lok' nu rikom c'ax, xak lok' nu q'uisom ri nu chuk'ab man c'o ta jas nu banom.” Kastzij ri chac ri nu banom pa u k'ab ri Ajawaxel c'o wi, Ri tojbal we pa ri u cuinem ri nu Dios c'o wi.