Nabe Ajawinelab 13:2 - Quiché Bible

² Rumal c'ut ri u takanic ri Ajawaxel co xurak u chi' che u c'ulelaxic ri porobal, je xubij wa': “Porobal, porobal: Ri Ajawaxel u bim: ‘Pa ri cajawinic ri e rija'lil ri David calax na jun ac'al, ri cäcoj na Josiy che u bi', ri quebuporoj na pawi' ri e cojol tabal tok'ob paquiwi' ri k'ijilabal ri quek'ijilax wi diosib ri quequiporoj c'oc' tak k'ol pawi'; pawi' c'ut queporox wi na qui bakil winak.’ ”

Nabe Ajawinelab 13:2 Referans Kwoze

Ri Ezequiel 36:1

“Are c'u ri at, winak, chebach'abej pa ri nu bi' ri e u juyub ri Israel, chabij c'u chque chi chquitatabej ri nu tzij.

Ri Lucax 19:40

Ri Jesus xubij chque: “Quinbij chiwe chi we ta ma ta quech'aw ri e are', ri abaj cäquirak na qui chi' ri'.”

Ri Ezequiel 38:4

Quinbano chi cattzelej chawij, quebencojo' xocoxak tak ch'ich' pa a chi', catinwesaj at xukuje' conojel tak ri e a quiej, xukuje' tak ri awajquiejab ri je'lalaj u wikic tak quib qui banom, we tinimit tak ajch'ojab ri' ri cuc'am tak qui ch'ich' re ch'o'j xukuje' qui quetecak ch'ich' ri jalan tak qui banic.

Ri Ezequiel 36:4

Rumal c'u ri', juyub re Israel, chitatabej ri cuya' u bixic ri Ajawaxel chque tak ri juyub ri alaj tak juyub, nima' tak xukuje' beya' tak; chque tak ri etzeletajic ri man e c'o ta wi winak chque tak ri tinimit ri e tolobam pa Israel, ri e jocom cumal ri c'ulja tak tinimit e uxinak c'u yok'obal cumal.

Ri Jeremiy 22:29

¡Ulew, ulew, ulew; chatatabej ri u tzij ri Ajawaxel!

Ri Isaiy 58:1

Ri Ajawaxel xubij chwe: “Co charaka' a chi' maxe'j awib, co charaka' a chi' jacha' jun trompet chayaja' ri nu tinimit qui mac ri e u chak'maquil, ri u tinimit ri Jacob qui mac ri e u mac.

Ri Isaiy 46:10

In quinya' u bixic ri q'uisbalil kas pa ri tictajic; kas ojer ulok nu yo'm u bixic ri cäpe na. In quinbij: Ri quinchomaj qui banic quebantaj na in quinban na ronojel ri quinchomaj u banic.

Ri Isaiy 42:9

Chiwila', chi je xel wi ronojel ri nu yo'm ulok u bixic nabe, are c'u ri camic quinya' qui bixic c'ac' tak jastak quinya' qui bixic chiwe c'ä majok chebec'utunok.”

Ri Isaiy 1:2

Caj xukuje' ulew, chitampe' ri cubij ri Ajawaxel: “Xebenq'uiyisaj alc'ualxelab c'ä xenimar na, xa c'u xquiyac quib chwij.

Ucab Tzijobelil 34:1

Wajxakib u junab ri Josiy aretak xuchaplej ajawinic, juwinak julajuj (31) junab c'ut xajawin pa Jerusalen.

Nabe Ajawinelab 13:32

cätz'akat c'u na ri' ri xuya' u bixic rumal ri u takanic ri Ajawaxel ri cuc'ulmaj na ri porobal ri c'o pa Betel xukuje' ri qui c'okoxic tak ri k'ijilabal ri quek'ijilax wi diosib ri c'o chquipam tak ri tinimit re Samar.”

U Camulixic ri Pixab 32:1

“Chatatabej, caj, chi quinech'awok; chatoc il, ulew, chque tak ri e nu tzij.

Ucab Tzijobelil 34:3

Pa ri uwajxakib junab ri rajawinic, c'ä c'ojol c'ut ri Josiy xuchaplej u tzucuxic ri u Dios ri David ri u mam pa ri ucablajuj junab ri rajawinic xuchaplej u josk'ixic ri Juda xukuje' ri Jerusalen chque tak ri k'ijilabal ri quek'ijilax wi ri diosib, ri e qui wächbal tak ri Asera, ri e diosib ri e wächbal tak e re ch'ich' ri e banom pa k'ak',

Ri Jeremiy 1:2

Ri Ajawaxel xtzijon ruc' ri Jeremiy aretak ri Josiy, u c'ojol ri Amon, c'o chupam ri roxlajuj u junab ri rajawinic puwi' ri Juda.