Nabe Ajawinelab 13:11 - Quiché Bible

¹¹ Pa ri k'ijol ri' jekel jun k'axal tzij pa Betel ri nim winak chic, ri xetzijox che cumal ri u c'ojol ronojel ri xuban ri k'axal tzij aj Juda pa ri k'ij ri' pa Betel; xukuje' xquibij che ri qui tat ri xubij ri ajawinel.

Nabe Ajawinelab 13:11 Referans Kwoze

Ucab Ajawinelab 23:18

Xuya' c'u takanic ri Josiy: “Chiya' canok jas u banom. C'o jun machapow ri u bakil.” Jeri' nim xil wi ri e u bakil ri k'axal tzij ri xpe pa Juda xukuje' ri e rech ri k'axal tzij ri xjeki' pa Samar.

2 Pedro 2:16

Xyaj c'ut rumal rech chi man xniman taj. Jun bur, ri man cach'aw taj, xch'awic je ta ne jun winak, are xk'atin ri conalaj u chomanic ri k'axal tzij.

1 Timoteo 3:5

We c'u c'o jun man reta'm ta ruc'axic ri rachoch, ¿jas ta c'u lo cuban che rilixic ri u comon cojonelab ri Dios?

Ri Matey 7:22

E q'ui c'ut cäquibij na chwe pa ri k'ij ri': ‘Wajaw, Wajaw, ¿la ma ta xkak'axej ri tzij la chque ri winak pa ri bi' la? ¿La ma ta xekesaj itzel tak uxlabal pa ri bi' la? ¿La ma ta xkaban q'uialaj mayibal pa ri bi' la?’

Ri Ezequiel 13:16

we e k'axal tak tzij aj israelib ri quequil u cawäch tak c'utwächinic caquibij c'u che ri Jerusalen ronojel utz benak, kas c'u ne tzij man je taj jas ri caquibij.’ In, ri Ajawaxel, quinjiquiba' u bixic.”

Ri Ezequiel 13:2

“Chatch'aw pa ri nu bi' che qui c'ulelaxic ri e k'axal tak nu tzij ri e c'o pa Israel, we e k'axal tak tzij ri' ri quech'aw xak pa quech wi, chabij c'u chque: ‘Chitatabej ri u tzij ri Ajawaxel:

Nabe Ajawinelab 13:25

Xeboc'ow c'u jujun achijab xquil c'ut ri cäminak ri jilin pa ri be, c'ä c'o c'ut ri coj chuxcut. Aretak c'u xebopan pa ri tinimit jawije' ri jekel wi ri k'axal tzij ri nim winak, xquitzijoj ri quilom.

Nabe Samuel 10:11

Conojel c'ut ri queta'm ulok u wäch nabe, aretak xquilo chi xkaj pa majtajem junam cuc' ri e k'axal tak tzij, xequibila' chquixo'l: “¿Jas ri xuc'ulmaj ri u c'ojol ri Sis? ¿La xukuje' ri Saul are' jun cuc' ri e k'axal tak tzij?”

Ajilanic 24:2

Aretak c'u xril ri Balaam chi ri Israel quicholajim quib pa tak amak', xmajix rumal ri ruxlabal ri Dios;

Nabe Ajawinelab 13:10

Ri k'axal tzij pa jun be chi xbe wi, rech man catzelej ta chic pa ri be ri xpe wi che ropanem pa Betel.

Nabe Ajawinelab 13:12

Xc'ot c'u qui chi' rumal ri qui tat: “¿Jachique be xutakej?” Ri e u c'ojol xquibij ri be che ri xtzelej wi ri k'axal tzij aj Juda.