Nabe Ajawinelab 11:4 - Quiché Bible

⁴ Aretak nim winak chic ri Salomon, ri e rixokil xquibano chi xjech'ob ri ranima' che qui k'ijilaxic jule' tak diosib chic, man kas ta c'u u jachom chi rib pa u k'ab ri Ajawaxel ri u Dios, jacha' ri xuban can ri David, ri u tat.

Nabe Ajawinelab 11:4 Referans Kwoze

Nabe Ajawinelab 9:4

Are c'u ri camic, we ri at utz ruc'axic ri a c'aslemal caban chnuwäch jacha' ri xuban ri David, ri a tat, ruc' jun anima' ri man c'o ta jas cäriktaj chrij, ri suc', catoc c'u che u banic ronojel ri at nu takom wi, quebanimaj c'ut ri e nu pixab xukuje' tak ri e nu takanic,

Nabe Ajawinelab 8:61

Rumal ri', man yataltaj chi qui tas ta iwib chrij ri Ajawaxel ri ka Dios, chebitz'akatisaj c'ut qui banic ri u pixab chebinimaj c'ut ri e u takomal jacha' ri pa we k'ij ri'.”

Nabe Tzijobelil 28:9

Are c'u ri at, Salomon, nu c'ojol, chach'obo' u wäch ri u Dios ri a tat chapatanij c'ut ruc' ronojel ri awanima' ruc' utzalaj chomanic, rumal rech chi ri Ajawaxel quebunic'oj conojel tak ri etamabal tak c'uxaj cäretamaj c'ut apachique rayinic ri quebanok xukuje' chomanic. Je c'u ri' we ri at catzucuj, ri are' cuya' c'olbal chawe chi cariko; we c'u catas awib chrij, kas xa' jumul catutzak na canok.

Nabe Ajawinelab 11:6

Jeri', ri e u banoj ri Salomon man e utz ta chic chuwäch ri Ajawaxel, man c'u xuterenej ta ri Ajawaxel ruc' jiquil, jacha' ri xuban ri David, ri u tat.

Ucab Tzijobelil 34:2

Ri e u banoj ri Josiy e suc' chuwäch ri Ajawaxel, are c'u xutakej ri u c'aslemal ri David, ri u mam, man c'o ta c'u xujalach'uj ta wi rib.

Ucab Tzijobelil 17:3

Ri Ajawaxel xc'oji' ruc' ri Josapat, rumal rech chi je xubano jacha' ri xuban ri David, ri u mam. Man xebupatanij taj ri jalan tak u wächbal ri Baal,

Nabe Ajawinelab 11:2

ri u bixic wa' ixokib quech ri nimak tak tinimit ri u bim wi ri Ajawaxel chi ri aj israelib man cuya' taj quec'uli' ta cuc' rumal rech chi quequich'äc ri canima' quejech'ob c'u ri' quequik'ijilaj tak ri qui diosib. Are' c'u ri Salomon, xbe ranima' chque, xc'uli' c'u cuc'.

U Camulixic ri Pixab 17:17

Xukuje' mebuchuw ri rixokil, rech man cäretzelaj ta rib, mawi mebumulij sibalaj k'an puak mawi sak puak.

Ucab Tzijobelil 25:2

Ri e u banoj tak ri Amasiy e suc' chuwäch ri Ajawaxel, man jic ta c'ut xbin amak'el.

Nabe Tzijobelil 29:19

Ya' ba' la che ri nu c'ojol Salomon jun jicomalaj ranima' rech cacuinic quebutz'akatisaj tak ri e takomal la, ri e tz'ibatalic k'alajisanic tak xukuje' tak ri pixab, chebubana' c'ut ronojel ri caquibij, rech xukuje' cacuin che u yaquic ri ja ri e nu suc'umam wi can ri jastak che u yaquic.”

Ucab Ajawinelab 20:3

“In quinbochi'n che la, Ajawaxel, chi chnataj che la jas ri jicalaj patanixic la nu banom man c'u ruc' ta cawächibal, are c'u nu banom ri cakaj chwäch la.” Xok' c'ut ruc' c'ayil.

Nabe Ajawinelab 15:14

Pune' c'u man xebesax taj tak ri k'ijilabal ri quek'ijilax wi tak ri diosib, ri As amak'el xux jic chuwäch ri Ajawaxel,

Nabe Ajawinelab 15:3

Ri Abiam xebuban ri junam tak macaj ri xebuban ri u tat nabe, man xux ta c'u jic ri ranima' che u nimaxic ri Ajawaxel ri u Dios, jacha' ri xuban ri David ri e u mam.

Nabe Ajawinelab 14:21

Pa Juda cätajin cajawin wi ri Roboam, u c'ojol ri Salomon. C'o chi cawinak jun (41) u junab aretak xuchaplej ajawinic, wuklajuj (17) junab xajawin pa Jerusalen, ri tinimit ri xucha' ri Ajawaxel chquixo'l tak ri tinimit chquixo'l tak ri ramak' ri Israel che u jekelibal ri u bi'. Ri u nan ri Roboam, Naama u bi', aj amon c'ut.

Nabe Ajawinelab 11:42

Ri Salomon cawinak (40) junab xajawin pa Jerusalen puwi' ronojel Israel,

Nabe Ajawinelab 11:38

We c'u canimaj ronojel ri catintak che u banic quebux c'u colom ri e a banoj chnuwäch, we c'u quebatz'akatisaj tak ri e nu pixab xukuje' tak ri nu takomal, jacha' ri xuban ri David, ri pataninel wech, in quinc'oji' na awuc', quinban na chi quebenjekeba' na ri awalaxic pa ri ajawinic, jacha' ri xinban che ri David; quinjach c'u na ri Israel chawe.

Nabe Ajawinelab 9:10

Juwinak (20) junab yactajinak chic ri quieb nimak tak ja rumal ri Salomon, ri rachoch ri Ajawaxel, xukuje' ri rachoch ajawinel,

Nabe Ajawinelab 6:1

Ri Salomon xuchaplej u yaquic ri rachoch ri Ajawaxel pa ri ucaj junab re ri rajawinic pa Israel, pa ri ic' re Zib, are c'u ucab ic' wa' re ri junab, aretak tz'akatinak chic quiejeb sient (400) junab ruc' jumuch' e elinak ulok ri aj israelib pa Ejipt.

U Camulixic ri Pixab 7:4

e are' c'u quebanowic chi ri e i c'ojol quequitas na quib chrij ri Ajawaxel che qui k'ijilaxic jule' tak diosib chic; cänicow c'u na ri royowal ri Ajawaxel piwi', cusachisaj na i wäch pa jun u jakic xukuje' pa jun u tz'apixic bak'wächaj.

Nabe Ajawinelab 3:3

Ri Salomon culok'oj ri Ajawaxel quebutz'akatisaj c'ut ri pixab ri e u cojom can ri David, ri u tat, xuwi c'u paquiwi' tanatak tak c'olbal quebuchi'j wi tabal tak tok'ob xukuje' c'oc'alaj k'ol,

Nabe Ajawinelab 11:9

Ri Ajawaxel ri u Dios ri Israel, xyactaj royowal ruc' ri Salomon, rumal rech chi ri ranima' u tasom rib chrij, camul xuc'ut rib chuwäch

Elem 20:3

Mec'oji' jule' tak diosib chic we ta ma ta xak xuwi ri in.

Nabe Ajawinelab 11:33

Rumal rech chi in u xutum ri Salomon, u chaplem c'u u k'ijilaxic ri Astarte, ixok qui dios ri sidonib; ri Quemos, qui dios ri aj moabib; xukuje' ri Milcom qui dios ri aj amonib. Ri e u banoj man utz ta quebenwilo, man u tz'akatisam ta qui banic tak ri e nu pixab xukuje' tak ri e nu takanic jacha' ri xuban ri David, ri u tat,