Nabe Ajawinelab 11:3 - Quiché Bible

³ Xec'oji' wukub sient (700) rixokil aj ajawinelab xukuje' oxib sient (300) pataninelab tak ixokib ri xeboc che man kas ta rixokil, e aretak wa' xejech'obisan ri ranima'.

Nabe Ajawinelab 11:3 Referans Kwoze

Ri Tzijonel 7:28

¡Chi c'ä maja' quinrik ri kas quintzucuj! ¡Nu rikom jun achi chuxo'l jun mil, mawi c'u ne xa ta jun ixok nu rikom ta chquixo'l conojel ri ixokib!

Ucab Tzijobelil 11:21

Ri Roboam xec'oji' wajxaklajuj (18) rixokil xukuje' oxc'al (60) u man kas ta rixokil, are c'u ulok' na ri Maac chquiwäch conojel ri niq'uiaj chic. Xebalax juwinak wajxakib (28) e u c'ojol xukuje' oxc'al (60) e u mia'l.

K'atal tak Tzij 9:5

jawije' xc'oji' wi ri u tat ri Jerobaal, cho c'u jun abaj xequicämisaj wi ri oxc'al lajuj (70) rachalal ri Abimelec. Xuwi c'u ri Jotam xcuinic xuto' can rib, ri ch'i'p u c'ojol ri Jerobaal.

U Camulixic ri Pixab 17:17

Xukuje' mebuchuw ri rixokil, rech man cäretzelaj ta rib, mawi mebumulij sibalaj k'an puak mawi sak puak.

Bixonic Tak 6:8

E oxc'al ri e ajawinelab ixokib e jumuch' ri man kas ta e ixokilab sibalaj c'u e q'ui ri k'apojib,

Bixonic Tak 6:9

are c'u ri alaj nu ut ri k'apoj xa jun u tuquiel xa jun ri mialaxel ri sibalaj cajwaxic rech ri ixok ri xalanic. Aretak xca'yex cumal ri alitomab xequicot ruc'; xukuje' tak ajawinelab ixokib xukuje' ri man kas ta e ixokilab caquiya' u k'ij.”

K'atal tak Tzij 3:6

ri e qui c'ojol xukuje' ri e qui mia'l ri aj israelib xec'uli' cuc' ri qui c'ojol xukuje' ri qui mia'l we winak ri', xequik'ijilaj c'u ri e qui diosib.

Ri Ester 1:18

Ri quixokil ri k'atal tak tzij re Porsiy xukuje' re Med, aretak chetamataj ri u banom ri ixok ajawinel, kas pa ri k'ij ri' caquiq'uiak na chi qui palaj ri cachajilal chi man nim ta chi c'u quequilo wi cawalij c'u na ch'o'j chquixo'l.

Ri Tzijonel 2:8

Xeben mulij jutak mulaj k'an puak xukuje' sak puak k'inomal ri e quech can jule' tak ajawinelab chic xukuje' e quech can jule' tak u k'ab tinimit chic. Xec'oji' nu bixonelab ixokib xukuje' achijab, quicotemal wa' aj winak, xukuje' xquiterebela' tak quib e q'uialaj tak ixokib ri man e kas ta e wixokilal ri xec'oji' wuc'.