Nabe Ajawinelab 10:11 - Quiché Bible

¹¹ C'o chi c'u wi ri', ri k'an puak ri xuc'ama' ulok ri Hiram pa tak ri jucub pa Opir, xukuje' xebuc'am ulok jumulaj che' re q'uisis xukuje' je'licalaj tak abaj ri pakal cajil.

Nabe Ajawinelab 10:11 Referans Kwoze

Salmib 45:9

Chquixo'l ri ixokib ri quexojowic e c'o qui mia'l tak ajawinelab; pa ri riquiak'ab ri tem la re ajawibal t'uyul wi ri ajawinel ixok, wiktal ruc' ri k'an puak ri sibalaj coc'.

Ucab Tzijobelil 8:18

Ri Hiram, cumal tak ri e u tako'n, xebutak bic jucub rech quebajwataj che xukuje' achijab ri quechacun chquipam, ri queta'm quechacun puwi' ri plo, ri xebe junam cuc' tak ri e u tako'n ri Salomon, xebopan c'u pa Opir, ri xquimajij wi xa' co'l man oxib sient juwinak lajuj quintal (330) k'an puak xquic'am c'u ulok che ri ajawinel Salomon.

Ucab Tzijobelil 2:8

Xukuje' chebetaka' la ulok che' chwe ri e c'o pa ri Libano re chacalte', tz'inchäj xukuje' q'uisis, rumal rech chi weta'm chi ri e ajchaquib la queta'm caquesaj che' pa ri Libano. Ri wajchaquib quebequito' na ri ajchaquib la

Nabe Ajawinelab 10:12

Ri ajawinel xebucoj ri che' q'uisis che tak u k'atibal ri rachoch ri Ajawaxel xukuje' che ri rachoch ajawinel, xukuje' xebucoj che qui banic arp xukuje' nimalaj arp chque tak ri ajk'ojomab. Mawi jumul opaninak, mawi ilom u wäch c'ä camic, jumulaj che' re q'uisis.

Ri Job 22:24

we c'u cawil ri k'an puak ri sibalaj pakal rajil jacha' ta ne ri puc'uc' ulew, e jacha' abaj ri e c'o pa ri nima',

Nabe Tzijobelil 1:23

Opir, Habil xukuje' ri Jobab. Conojel wa' e u c'ojol ri Joctan.

Ucab Tzijobelil 2:7

Tak ba la ulok chwe, jun, ri c'o u nawinic che u chacuxic k'an puak, sak puak, k'an ch'ich' xukuje' räx ch'ich', xukuje' che u quemic azul, quiäk quem xukuje' morato quem. Xukuje' ri reta'm cätz'otinic cätoban c'u cuc' ri ajtijab ri quepatanij chuxe' ri nu takanic pa Juda xukuje' pa Jerusalen, ri e ch'abetal chic rumal ri David ri nu tat.