Nabe Ajawinelab 10:10 - Quiché Bible

¹⁰ Ri ixok ajawinel xujach jumuch' wukub (87) quintal k'an puak, jumulaj c'oc'al, xukuje' je'licalaj tak abaj ri pakal cajil. Mawi jumul opaninak pa Israel jumulaj c'oc'al jacha' ri xusipaj ri ixok ajawinel re Saba che ri ajawinel Salomon.

Nabe Ajawinelab 10:10 Referans Kwoze

Ri Matey 2:11

Xeboc pa ri ja, xquil c'u ri ac'al c'o chunakaj ri Mariy ri u nan, xexuqui' chuwäch ri ac'al, xquik'ijilaj. Xquijak ri qui c'olbal, xquichi'j sipanic che k'an puak, c'oc'alaj k'ol, xukuje' ri cunabal mir.

Salmib 72:15

¡Nim u k'ij ri ajawinel! ¡Chyo'k ri k'an puak che re Saba! ¡Amak'el chban tz'ononic che ri Dios puwi'!

Salmib 72:10

¡Chec'am tak ulok sipanic che xukuje' tak cuchuj cumal ri ajawinelab aj Tarsis xukuje' cumal ri tak ri tinimit ri e c'o chupam ri plo, ri ajawinelab re Saba xukuje' ri e rech Seba!

Nabe Ajawinelab 9:14

Ri k'an puak ri xuya' ri Hiram che ri ajawinel Salomon, e jumuch' wukub (87) quintal.

Elem 30:34

Ri Ajawaxel xubij che ri Moises: “Junam qui pajbalil we c'oc'al ri' chac'ama': k'ol, c'oc'alaj ixq'uiak, xukuje' galbano, ri cäc'oc'atic,

Chapletajic 43:11

Ri qui tat xubij chque: “We are wa' ri rajawaxic u banic, chibana' ba' ri quinbij chiwe: chic'ama' bic ri utzalaj u wächinic ri ka tico'n pa tak ri i coxtar che jun sipanic che ri tata'; jubik' c'oc'alaj k'ol, jubik' juyubal räx cab, jubik' balsamo, jubik' mir, jubik' nuez, xukuje' jubik' almendr.

Apocalipsis 21:11

C'o c'ut ri u juluwem ri Dios che. Ri u tun cajunataj ruc' ri u tun ri jun abaj jasp ri sibalaj pakal rajil.

E C'ambal tak Tzij 20:15

Are' c'o na rajil ri cätzijon ruc' no'j, chuwäch ronojel ri k'an puak xukuje' tak ri k'inomal ri e c'o cho ri uwächulew.

Salmib 68:29

Kas chupam ri jutac'ajalaj achoch la ri c'o pa Jerusalen, ri quebopan wi tak ri ajawinelab cuc'am tak sipanic che la,

Ri Tzijonel 2:8

Xeben mulij jutak mulaj k'an puak xukuje' sak puak k'inomal ri e quech can jule' tak ajawinelab chic xukuje' e quech can jule' tak u k'ab tinimit chic. Xec'oji' nu bixonelab ixokib xukuje' achijab, quicotemal wa' aj winak, xukuje' xquiterebela' tak quib e q'uialaj tak ixokib ri man e kas ta e wixokilal ri xec'oji' wuc'.