Marcos 8:34 - Quiché Bible

³⁴ Ri Jesus xebusiq'uij ri q'uialaj winak xukuje' ri u tijoxelab, xubij chque: “We c'o jun cäraj cäpe wuc' in, muban ri u rayibal ri are'. Rajawaxic chi cutelej ulok ri u ripibal, quinuterenej.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁴ Kꞌa te riꞌ xuꞌsikꞌij ri winaq rachiꞌl ri utijoxelabꞌ xubꞌij chike: We kꞌo ne jun karaj kuxik nutijoxel, chukꞌekꞌej ribꞌ, reqaj ri cheꞌ ripbꞌal xuqujeꞌ chinutereneꞌj.

K'iche'

³⁴ Ri Jesús xeusiq'uij ri q'uialaj winak junam cuc' ru tijoxelab, xubij c'u chque: We c'o jun craj cäpe wuc' in, rajwaxic chi muban xa jas ri craj ri are'. Rajwaxic chutelej ru cruz, chpet wuc' in, —cächa'. (Quel cubij wa' chi ri winak ri' man nim tä chic cäril wi ru c'aslemal, pune ta ne curik ri cämical rumal rech ri Jesús.)

K'iche' (New Orthography)

³⁴ Ri Jesús xeusik'ij ri k'ialaj winaq junam kuk' ru tijoxelab', xub'ij k'u chke: We k'o jun kraj käpe wuk' in, rajwaxik chi mub'an xa jas ri kraj ri are'. Rajwaxik chutelej ru cruz, chpet wuk' in, —kächa'. (Kel kub'ij wa' chi ri winaq ri' man nim tä chik käril wi ru k'aslemal, pune ta ne kuriq ri kämikal rumal rech ri Jesús.)

Marcos 8:34 Referans Kwoze

Ri Matey 10:38

Apachin ri man cuc'am ta ri u ripibal, ri man cäteri ta chwij, are ri' man in takal ta che.

Ri Xuan 10:27

Ri e nu chij cäquitatabej ri nu ch'abal. Ri in quinch'ob qui wäch, ri e are' queteri chwij.

Nabe Ajawinelab 14:8

In xinwesaj ri ajawinic chque ri e rija'lil ri David, che u ya'ic chawe. Are c'u ri at man at junamatajinak ta ruc' ri David ri pataninel wech, ri xebutz'akatisaj tak ri e nu takomal, xinuterenej ruc' ronojel ri ranima', ri xebuban utzalaj tak banoj chnuwäch;

Gálatas 5:24

Ri e rech ri Crist Jesus qui ripom chic ri qui banic aj winak re mac, ruc' ronojel ri man utz taj ri cäraj xukuje' ruc' ri itzel u rayinic.

Gálatas 2:20

Junam xinrip ruc' ri Crist cho ri ripibal. Man in ta chic in c'aslic, xane' are ri Crist c'asal pa ri wanima'. Ri nu c'aslemal pa ri nu cuerp camic, quinwoc'owisaj pa ri cojonic che ri u C'ojol ri Dios, ri xinulok'ok'ej xukuje' xuya' ri u c'aslemal rumal wech.

1 Juan 3:16

Chupam wa' cäkach'ob wi u wäch ri lok'ok'ebal c'uxaj, chi ri Crist xuya' ri u c'aslemal rumal kech' ri uj xukuje' chkaya' ta ba' ri ka c'aslemal rumal quech ri kachalal.

Ajilanic 14:24

Xuwi ri pataninel wech Caleb c'o jun ruxlabal ri jalanic nimaninak c'u chwe ruc' jiquil. Rumal c'u rech wa' ri are' quinya' che chi coc chupam ri ulew ri xbe che retamaxic u wäch, xukuje' ri e rija'lil quejeki' na chila'.

Ri Matey 16:24

Xubij c'u ri Jesus chque ri u tijoxelab: “We c'o jun cäraj cäpe wuc' in, rajawaxic chi are' muban ri u rayibal, xane' rajawaxic chi cutelej ulok ri u ripibal, chinuterenej c'ut.

Filipenses 3:10

Quinwaj kas quinwetamaj u wäch ri Crist xukuje' ri u chuk'ab ri u c'astajic. Xukuje' quinwaj quinrik c'ax junam ruc', nu c'amom chic ri u banic ri u cämical,

Romanos 8:17

We c'u uj alc'ualaxelab, xukuje' uj echbenelab che ri c'aslemal ri cuya' ri Dios. Cujechben na junam ruc' ri Crist, we junam cäkarik c'ax ruc' ri Crist, rech xukuje' junam cuje' c'ol na pa ri u juluwem.

Ri Lucax 9:23

Xubij chque conojel: “We c'o jun cäraj cäpe wuc', muban chi ri u rayibal. Rajawaxic chi cutelej ulok ri u ripibal ronojel k'ij, chinuterenej.

Colosenses 3:5

Chibana' ba' chi cäcäm ronojel ri quech ri e u tz'akatil ri e itzel tak e i rayinic ri e rech ri uwächulew: chi c'o jun mamacun cuc' ixokib achijab, mawi muban tz'ilalaj tak jastak, mawi mac'oji' u rayinic che u macurisaxic ri u cuerp, mawi mec'oji' itzel tak u rayinic, mawi mebuya' c'olbal chi ri ranima' queburayij tak k'inomal (are c'u wa' ri qui k'ijilaxic ri e diosib).

Filipenses 3:7

Ronojel c'u wa' nim u banic chnuwäch nabe canok, camic chic man c'o ta chi u patan chwe, rumal ri Crist.

1 Pedro 4:1

U rikom c'ax ri Crist pa ri u cuerp, rumal ri' xukuje' ri ix chisuc'umaj iwib che u rikic ri c'ax. Ri jun c'ut ri curik c'ax pa ri u cuerp, u yo'm c'u can ri mac.

Gálatas 6:14

Ri in c'ut man quinwaj taj quinnimarisaj wib, xane' xak xuwi rumal ri u cämical ri Kajaw Jesucrist cho ri ripibal. Rumal c'u ri u cämical cho ri ripibal, cäminak chi ri uwächulew chwe in, xukuje' ri in in cäminak chi che ri uwächulew.

1 Corintios 15:31

Quinjiquiba' chiwe, tak wachalal, rumal ri juluwem ri nu rikom rumal iwech pa ri Kajaw Jesucrist, chi k'ij chi k'ij quincämic.

Romanos 6:6

Keta'm c'ut chi ri ka banic nabe xripitaj ruc' ri Crist, rech ri u cuinem ri aj macalaj ojer ka c'aslemal casachtaj u wäch, ma ta c'u cakatakej chic u patanixic ri macaj.

Ri Lucax 14:33

Je c'u ri', apachin chiwe ri man quebuya' ta can conojel ri jastak rech, man cäcuin taj cux nu tijoxel.”

2 Pedro 1:14

Weta'm c'ut chi chanim quincäm na, jas ri xuk'alajisaj ri Kajaw Jesucrist chnuwäch.

1 Pedro 4:13

Xane' chixquicotok, rumal rech chi quic'am iwe ri u c'axc'olil ri Crist. Jeri' xukuje' aretak quiwil na chi cäpe ri Crist, nim u k'ij cäpetic, quixquicot na ruc' nimalaj quicotemal.

Ri Tit 2:12

Cujutijoj chi cäkatas kib chrij ri rayibal aj uwächulew xukuje' ri jastak ri man cäquiya' ta u k'ij ri Dios. Cujutijoj chi utz ri ka chomanic cäkabano, cäkaban ri suc', xukuje' cujniman che ri Dios pa ri ka c'aslemal waral cho ri uwächulew,

Colosenses 1:24

Quinquicot c'u pa tak ri c'axc'olil ri nu rikom rumal iwech, c'ä c'ax c'u que che ri Crist rumal ri qui c'axc'olil ri comon cojonelab, are wa' ri u cuerp. Quinc'am c'u we we c'axc'olil ri' pa ri nu cuerp. Quinrik c'u c'ax rumal quech ri comon cojonelab.

Hechos 14:22

Xya' c'u chajin anima' chque ri cojonelab rech co quec'oji' chupam ri qui cojonic. Xquibij chque chi che ri oquem chupam ri rajawibal ri Dios rajawaxic qui rikic q'ui c'axc'olil.

Ri Lucax 18:22

Ri Jesus, aretak xuta' wa', xubij che: “C'o jun jasach ri c'ä cäraj na chawe: Chac'ayij ronojel ri c'o awuc', chajacha' ri rajil chquiwäch ri mebayib. Cäc'oji' c'u na a k'inomal chila' chicaj. Tasaj c'ut, chinaterenej.”

Ri Lucax 13:24

“Chicojo' i chuk'ab rech quixoc pa ri uchi'ja ri ch'utin u wäch. Quinbij c'u chiwe chi e q'ui cäquitzucuj coquic, man quecuin ta c'ut.

Ri Matey 27:32

Aretak xebel bic, xquirik apan jun achi aj Siren, Simon u bi'. Xquicoj chuk'ab che rech cutelej bic ri u ripibal ri Jesus.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.

Hebreos 13:13

Chujel ba' apan ruc' ri Jesus tza'm ja. Chujyok' cumal ri winak, jas ri are' xyok'ic.

2 Tesalonicenses 3:11

Ka tom c'ut chi jujun chixo'l man c'o ta u beya'l ri qui c'aslemal, man quechacun taj, xane' cäquinim quib pa ri jastak que ri niq'uiaj chic.

1 Corintios 9:19

Pune' man c'o jun winak cätakan panuwi', xinya' c'u wib che qui patanixic conojel ri winak, rech quebench'äc q'ui winak che ri Crist.

1 Corintios 8:13

Rumal ri', we ri quintijo cuban che ri wachalal chi cätzakic, mawi jumul quintij chi ti'j, rech man quinux ta jun tzakibal che ri wachalal.

Ri Xuan 19:17

Ri are' xutelej bic ri u ripibal, xel bic. Xebe pa ri c'olbal ri cäbix “U C'olbal ri u Bakil Jolomaj” che; ri pa hebrey cäbix “Golgota” che.

Ri Lucax 20:45

Tatabem c'ut cumal conojel ri winak, ri Jesus xubij chque ri u tijoxelab:

Marcos 10:21

Ri Jesus xuca'yej, xulok'ok'ej, xubij che: “C'o jun jasach ri c'ä cäraj na chawe: jät, chac'ayij ronojel ri jastak awe, chaya' ri rajil chque ri mebayib. Jeri' cäc'oji' na a k'inomal chicaj. Tasaj c'ut, chinaterenej.”

Marcos 7:14

Xebusiq'uij chi jumulaj q'uialaj winak, xubij chque: “Chinitatabej, iwonojel. Chich'obo' jas ri quinbij.