Marcos 7:5 - Quiché Bible

⁵ Je c'u ri' ri pariseyib e cachil ri ajtz'ibab re ri pixab xquic'ot u chi' ri Jesus: “¿Jasche ri a tijoxelab man cäquiban taj jas ri cubij ri qui tijonic ri nimak tak tatayib, xane' cäquitij ri qui wa, man caquich'aj taj ri qui k'ab, e tz'il c'ut?”

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Rumal riꞌ, ri fariseos e kachiꞌl ri aꞌjtijabꞌ rech ri taqanik xkita che ri Jesús: ¿Jas che man kakinimaj ta le atijoxelabꞌ ri kubꞌij ri naqꞌatajibꞌal ke ri nimaꞌq taq winaq, man kakichꞌaj ta le kiqꞌabꞌ are kewaꞌik?

K'iche'

⁵ Rumal wa' ri fariseos xukuje' ri tijonelab re ri Pixab xquita' che ri Jesús, xquibij che: ¿Jas che man cäca'n tä ri tijoxelab la jas ri e nak'atal wi ri ka nan ka tat ojer? —quecha'. Xane quewi'c, man na'l taj cäca'n chuch'ajic ri rij ri qui k'ab nabe, —xecha che.

K'iche' (New Orthography)

⁵ Rumal wa' ri fariseos xuquje' ri tijonelab' re ri Pixab' xkita' che ri Jesús, xkib'ij che: ¿Jas che man käka'n tä ri tijoxelab' la jas ri e naq'atal wi ri qa nan qa tat ojer? —kecha'. Xane kewi'k, man na'l taj käka'n chuch'ajik ri rij ri ki q'ab' nab'e, —xecha che.

Marcos 7:5 Referans Kwoze

2 Tesalonicenses 3:6

Kachalal, quintakan chiwe pa ri u bi' ri Kajaw Jesucrist, chi quitas iwib chrij apachin jun kachalal ri cubano xa jachique ri craj, man cächacun taj,

Hechos 21:21

Ri e are' qui tom u tzijol chi quebatijoj ri aj judeyib ri e c'o chquixo'l ri man aj judeyib taj che u tasic quib chrij ri u pixab ri Moises, chi cabij chque chi man cäquicoj ta ri etal che u kopixic ri qui tz'umal ri qui wi' ri achijab wi ri calc'ual, xukuje' chi mequitakej qui banic tak ri e ka nak'atisabal.

Gálatas 1:14

Pa ri qui cojonic ri aj judeyib, sibalaj utz na xinban in chquiwäch q'ui nu winakil ri xa' junam qui junab wuc'. Sibalaj xinoc na il chque ri qui nak'atisabal can ri e nu mam.

Hechos 21:24

Chebac'ama' bic awuc', chijosk'ij iwib cuc', chaya' c'u ri qui rajil rech cäsocax ri qui wi'. Jeri' conojel cäquetamaj na chi man kastzij taj ri cätzijox chawij, xane' chi xukuje' ri at canimaj ri pixab.

Ri Matey 15:2

“Ri a tijoxelab, ¿jasche man cäquinimaj taj ri qui tijonic ulok ri nimak tak tatayib? Man quequijosk'ij ta c'u ri qui k'ab aretak cäquitij ri qui wa.”

Romanos 4:12

Ri Abraham are qui mam ri cojom quetal re kopinic. Man xuwi ta c'u qui mam ri aj judeyib ri cojom ri quetal re kopinic, xane' xukuje' qui mam conojel ri quebin pa ri u be ri u cojonic ri ka mam Abraham aretak c'ä majok cäcoj ri retal re kopinic.

2 Tesalonicenses 3:11

Ka tom c'ut chi jujun chixo'l man c'o ta u beya'l ri qui c'aslemal, man quechacun taj, xane' cäquinim quib pa ri jastak que ri niq'uiaj chic.

Marcos 7:8

I yo'm can ri u takanic ri Dios, quinimaj c'u ri qui tijonic ri winak.”

Marcos 7:9

Xukuje' xubij chque: “Sibalaj man quinimaj ta ri u takanic ri Dios, are c'u quiban ri i nak'atisabal ix.

Marcos 7:13

Man quinimaj ta chic ri u tzij ri Dios, xa rumal rech ri nak'atisabal ri c'o chixo'l, ri xak yo'm chiwe cumal ri e i mam. Xukuje' q'ui jastak je tak wa' quibano.”