Marcos 4:20 - Quiché Bible

²⁰ Ri ija' ri xkaj pa utzalaj ulew, are cubij ri winak ri cäquitatabej ri tzij, cäquicojo, cäquiya' qui wächinic. E c'o jujun ri cäquiya' juwinak lajuj (30) qui wäch. Jujun chic cäquiya' oxc'al (60) qui wäch. Niq'uiaj chic cäquiya' jun sient (100) qui wäch.”

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Nikꞌaj chik kejunumataj rukꞌ ri utz ulew. Kakitatabꞌej ri tzij, kakikꞌamawaꞌj pa kanimaꞌ, kewachinik kakiya juwinaq lajuj, kakiya oxkꞌal, kakiya jun ciento kiwach.

K'iche'

²⁰ Ri ija' ri xekaj pa utzalaj ulew, e are c'u wa' jas ri winak ri cäquita ru Tzij ri Dios, cäquic'amowaj, cäkaj wa' pa canima', cäquiya c'u q'uia qui wäch. Jujun cäquiya juwinak lajuj qui wäch chquijujunal, jule' chic cäquiya oxc'al qui wäch chquijujunal, ri niq'uiaj chic cäquiya jun ciento qui wäch chquijujunal, —xcha chque.

K'iche' (New Orthography)

²⁰ Ri ija' ri xeqaj pa utzalaj ulew, e are k'u wa' jas ri winaq ri käkita ru Tzij ri Dios, käkik'amowaj, käqaj wa' pa kanima', käkiya k'u k'ia ki wäch. Jujun käkiya juwinaq lajuj ki wäch chkijujunal, jule' chik käkiya oxk'al ki wäch chkijujunal, ri nik'iaj chik käkiya jun ciento ki wäch chkijujunal, —xcha chke.

Marcos 4:20 Referans Kwoze

Colosenses 1:10

Jeri' quibano jas ri takal chiwe ri ix rech ri Ajawaxel, rech ronojel ri quibano cäkaj chuwäch. Quiya' c'u conojel wächinic que conojel utzalaj tak chac, sibalaj c'u quiwetamaj na u wäch ri Dios.

Ri Lucax 8:15

Ri ija' ri xkaj pa ri utzalaj ulew, are cuq'uexwächij ri winak ri cäquita' ri tzij, cäquicoj ruc' ronojel canima'. Ri e are' cäquik'i ronojel u wäch c'ax, quewächin ruc' coch'onic.”

Marcos 4:8

Jubik' chi ija' xkaj pa utzalaj ulew. Xel ulok, xq'uiyic, xwächinic. E c'o jujun ija' ri xquiya' juwinak lajuj (30) qui wäch, jujun xquiya' oxc'al (60) qui wäch, jujun chic xquiya' jun sient (100) qui wäch.”

Ri Matey 13:23

Ri xekaj pa ri utzalaj ulew, are cubij ri winak ri cuta' ri tzij, cuch'obo, cuya' c'u u wächinic. Ri jun ija' cuya' jun sient (100) u wächinic, jun chic cuya' oxc'al (60), ri jun chic cuya' juwinak lajuj (30).”

2 Pedro 1:8

We quiban we jastak ri' xukuje' queq'uiyir iwuc', man cuya' ta ri' xak quitzak k'ij, xane cäc'oji' na i wächinic rumal ri retamaxic u wäch ri Kajaw Jesucrist.

Chapletajic 26:12

Pa ri junab ri' xticonij ri Isaac chila', sibalaj c'u nim ri u wächinic ri tico'n xuyaco, xtewichi'x rumal ri Ajawaxel.

Romanos 7:4

Jewa' xukuje' ri ix, wachalal, ix cäminak chi chuwäch ri pixab rumal ri u cämical ri Crist, camic ix re jun chic, are wa' ri Crist ri xc'astaj chquixo'l ri cäminakib, rech cakaya' wächinic che ri Dios.

Ri Xuan 15:16

Ri ix man xinicha' taj, xane' ri in xixincha', xixincojo rech quixbec, quiya' wächinic, cäjeki' c'u ri i wächinic, rech ronojel ri qui tz'onoj che ri Tataxel pa ri nu bi', cuya' na chiwe.

1 Tesalonicenses 4:1

Xuwi chi c'u wa' quinbij, kachalal: Quixkabochi'j, quixkapixbej chi jas ri xkabij chiwe chi quiban na pa ri i c'aslemal, chi quiban na ri jastak ri cäkaj chuwäch ri Dios, je chibana'. Je cätajin quiban camic. Sibalaj chibana' ba' amak'el.

Filipenses 1:11

Ix nojinak chque tak wächinic re suq'uilal, ri e rumal ri Jesucrist che u juluwem xukuje' che u ya'ic u k'ij ri Dios.

Ri Matey 13:8

Niq'uiaj chic xekaj pa utzalaj ulew, xquiya' qui wächinic. C'o xuya' jun sient u wäch. C'o xuya' oxc'al u wäch. C'o xuya' juwinak lajuj u wäch.

Ri Xuan 15:2

Conojel ri nu k'ab ri man quewächin taj, ri are' queresaj na. Conojel ri nu k'ab ri quewächinic, ri are' quebujosk'ij rech cutakej wächinic.