Marcos 2:5 - Quiché Bible

⁵ Xril c'u ri Jesus ri qui cojonic, xubij che ri achi ri cäminak u cuerp: “Nu c'ojol, ri a mac e cuyutajinak.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Are xril ri Jesús ri kikojobꞌal ri achyabꞌ, xubꞌij che ri achi ri cheꞌarinaq utyoꞌjal: Nukꞌojol, ri amak xekuyutajik.

K'iche'

⁵ Aretak ri Jesús xrilo chi sibalaj quecojon che, xubij che ri achi ri cäminak u cuerpo: Tat, ¡xesachtaj ri mac la! —xcha che.

K'iche' (New Orthography)

⁵ Aretaq ri Jesús xrilo chi sib'alaj kekojon che, xub'ij che ri achi ri käminaq u cuerpo: Tat, ¡xesachtaj ri mak la! —xcha che.

Marcos 2:5 Referans Kwoze

Ri Matey 9:2

Xtelex c'u ulok jun cäminak u cuerp, k'oyol chuwäch jun pop. Ri Jesus aretak xril ri qui cojonic ri e c'amowinak ulok, xubij che ri cäminak u cuerp: “Chajiquiba a c'u'x, nu c'ojol, ri e a mac e sachtajinak.”

Santiago 5:15

Are ri ch'awem ruc' Dios ruc' cojonic querutzirisaj na ri yawab, ri Ajawaxel cuwalijisaj c'u na. We c'o mac u banom, quesachtaj na ri u mac.

Ri Matey 9:22

Ri Jesus xutzolk'omij rib che u ca'yexic ri chuchu', xubij che: “Chajiquiba a c'u'x, nu mia'l. Rumal ri a cojonic xatcunatajic.” Kas c'u pa ri jok'otaj ri' xcunatajic.

Efesios 2:8

Rumal ri u tok'ob ri Dios ix colotajinak chic, rumal ri i cojonic. Man ix taj xixbanowic pa iwe wi, xane' xak sipam chiwe rumal ri Dios.

Hechos 5:31

Xnimarisax c'ut u k'ij we Jesus ri' rumal ri Dios, xut'uyuba' pa ri u wiquiak'ab, xucoj c'u che C'amal Be xukuje' Colonel. Jeri' xuya' chque ri aj Israel chi cäquiq'uex qui c'u'x, xuya' chque chi cäsachtaj qui mac.

Ri Xuan 5:14

Xbantaj chi c'u wa', ri Jesus xurik ri achi pa ri rachoch Dios, xubij che: “Chawilampe', xatutziric. Matmacun chic, rech man cäpe ta chi jun jasach chawij ri sibalaj c'ax na.”

Ri Lucax 5:20

Aretak ri Jesus xrilo ri qui cojonic ri achijab, xubij: “Achi, ri a mac quesachtajic.”

Colosenses 3:13

chisachala' i mac chbil tak iwib we c'o jun c'o royowal chrij ri jun chic. Jas ri Ajawaxel xusach ri i mac ix, je chibana' ix xukuje'.

2 Corintios 2:10

We ri ix quisach u mac jun, xukuje' ri in quinsach u mac. We c'o jun mac nu sachom, nu banom rumal iwech, chuwäch ri Crist.

1 Corintios 11:30

Rumal wa' e c'o q'ui yawabib chixo'l, e q'ui ri man c'o ta qui chuk'ab, xukuje' e jujun e cäminak chic.

Hechos 14:9

cätajin cutatabej ri cubij ri Pawl. Are c'u ri Pawl, co xca'y che ri ch'oco'j, xrilo chi c'o u cojonic rech cutziric.

Hechos 11:23

Aretak xopanic, xrilo chi c'o ri u tok'ob ri Dios cuc' ri cojonelab chila', xquicotic. Xebupixbej conojel chi cäquiterenej ri Ajawaxel ruc' ronojel canima', chi jic chetaken che ri Ajawaxel.

Ri Xuan 2:25

Man rajawaxic ta che chi c'o jun cuk'alajisaj ta chuwäch jas qui banic ri winak. Rumal rech chi ri are' reta'm jas c'o pa canima' ri winak.

Ri Lucax 8:48

Ri Jesus xubij che: “Nu mia'l, xatto'taj rumal ri a cojonic. Jät ruc' jamaril.”

Marcos 5:34

Ri Jesus xubij che: “Nu mia'l, rumal ri a cojonic xatcunatajic. Jät pa jamaril, xatcunataj c'u che ri a yab.”

Ri Isaiy 53:11

Aretak oc'owinak chic ri nimalaj c'axc'ol cäril na ri chäj, cäquicot c'u na aretak caretamaj, ri suc'alaj u pataninel ri Ajawaxel q'ui quebuk'alajisaj na chi e suc'urisan chic chuwäch ri Dios, cärekaj c'u na ri quetzelal wa'.

Ri Isaiy 38:17

Chilampe' la, che u q'uexwäch ri c'axc'ol, camic c'o jamaril wuc'. Ri lal xto' la ri nu c'aslemal chuwäch ri jul re sachbal wächaj, rumal rech chi e cuyum c'u la conojel ri nu mac.

Salmib 103:3

Are' ri quecuyuw conojel tak ri wetzelal; are' ri quecunan conojel tak ri e nu yabilal;

Chapletajic 22:12

Ri tako'n aj caj xubij: “Maban jun c'ax che ri ala, xinwetamaj c'ut chi caxe'j awib chuwäch ri Dios, man xak'il ta c'u awib che u ya'ic ri a c'ojol chwe, ri xa jun.”

Ri Matey 9:5

¿Jachique c'ut ri man c'ax ta u bixic: ‘Ri a mac e sachtajinak'’, o ri u bixic: ‘Chatwalijok, chatbinok’?

Marcos 2:6

E t'uyut'oj c'u chila' jujun chque ri ajtijab re ri pixab. Ri e are' xechoman pa canima':