Marcos 13:7 - Quiché Bible

⁷ Aretak chito chi e c'o ch'o'j, aretak quita' na u tzijol tak ch'o'j, mixsachic. Rajawaxic c'ut chi je cäc'ulmax na wa'; c'ä majok c'u ri q'uistajic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Are kito chi kꞌo chꞌoꞌj kabꞌanik xuqujeꞌ katzijoxik chi kabꞌan na chꞌoꞌj. Man kixtontiꞌr taj. Choqꞌaqꞌ wi kakꞌulmataj we riꞌ, man are ta na kꞌisbꞌal rech ri uwachulew.

K'iche'

⁷ Aretak quita nimalaj tak ch'oj, xukuje' quita u tzijoxic tak ch'oj jawije' tak chi', mixej iwib. Rajwaxic chi cäbantaj na wa'. C'ä mäjok c'u ri q'uisbal re ri k'ij junab ri', —cächa'.

K'iche' (New Orthography)

⁷ Aretaq kita nimalaj taq ch'oj, xuquje' kita u tzijoxik taq ch'oj jawije' taq chi', mixej iwib'. Rajwaxik chi käb'antaj na wa'. K'ä mäjoq k'u ri k'isb'al re ri q'ij junab' ri', —kächa'.

Marcos 13:7 Referans Kwoze

Ri Xuan 14:27

Ri jamaril quinya' can chiwe. Ri nu jamaril quinya' chiwe. Man je ta c'u u ya'ic quinya' chiwe jacha' ri u ya'ic ri caquiya' ri e aj uwächulew. Mäk'oxow ri iwanima', mawi muxe'j rib.

Hechos 17:3

Xuk'alajisaj chquiwäch chi ri Crist xurik na c'ax aretak c'u cäminak chic cac'astaj na. “Ri Jesus c'ut ri quinya' u bixic chech alak are' Crist wa',” xcha' chque.

Ri Matey 18:7

¡C'ax c'u cäpe paquiwi' ri winak ri' ri e c'o cho ri uwächulew ri cumal quepe tak ri macaj!; rajawaxic c'ut chi quepe na ri takchibal tak macaj; ¡c'ax c'u cäpe puwi' ri winak ri' ri quebutakchi'j ri niq'uiaj pa ri macaj!

Ri Jeremiy 51:46

Mi xibij iwib, mixe'j iwib cumal ri tzijol ri caxiq'uin pa ri ulew. Chujunab quexiq'uin jalan tak tzijol, tzijol tak re tokinic pa ri ulew xukuje' re tijoj tak chuk'ab chquixo'l tak ri takanelab.

Ri Isaiy 8:12

“Mibij yacoj ib che ronojel ri cubij ri winak chi yacoj ib. Mixe'j iwib che ri caquixe'j wi quib, mawi mina' iwib.

E C'ambal tak Tzij 3:25

Maxe'j awib chque ri jastak ri xak c'ätetal quec'ulmatajic, mawi che ri u q'ueyowal ri cäpe paquiwi' ri banal tak etzelal,

Salmib 112:7

Man cuxe'j ta rib chque ri itzel tak jastak ri quetzijoxic; co jekel ri ranima', u cuban u c'u'x chrij ri Ajawaxel.

Salmib 27:3

Pune' cäsutix wij cumal ajch'ojab, ri wanima' man cuxe'j ta rib; pune' caquisuc'umaj quib che u banic ch'o'j wuc', ri in man c'o ta cubij nu c'u'x.

Ucab Samuel 14:14

Kastzij wi chi konojel cujcämic; uj junam ruc' ri ja' ri cajamin cho ri ulew, ri man cuya' ta chic cajoquic. Mawi c'u ne ri Dios cäresaj ta ri c'aslemal, jachin jun quebuya' c'ut ri to'banic rech ri resam bic rib man cunajtajisaj ta rib che.

Ri Xuan 14:1

“Masach ri i c'u'x. Chixcojon che ri Dios, xukuje' chixcojon chwe in.

Ri Matey 2:3

Aretak ri ajawinel Herod xuta' wa', xk'oxow ri ranima' e rachil conojel ri aj Jerusalen.

Marcos 13:6

E q'ui quepe na, pa ri nu bi' cäquibij: ‘In ri' ri Crist’. Quequisub na q'ui winak.

Marcos 13:8

Cäwalij na jun nim tinimit chrij jun nim tinimit chic, cäwalij na jun ajawibal chrij jun ajawibal chic. Cuban na cabrakan pa jalajoj tak c'olbal, quepe na wi'jal. Chaplebal c'u wa' que k'oxowem.