Marcos 10:43 - Quiché Bible

⁴³ Man je ta c'u wa' chixo'l ix. Xane' apachin ri cäraj cux nim u k'ij chixo'l, rajawaxic chi cux pataninel iwech.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴³ Man yaꞌtal ta kꞌut jeriꞌ kakꞌulmataj iwukꞌ ix, ri karaj kux nabꞌyal chiꞌxoꞌl are rajawaxik kux patanil iwe.

K'iche'

⁴³ Man je' tä c'u wa' ri ix, xane apachin chiwe ri craj chi nim quil wi, rajwaxic chi coc na wa' che patänil iwe.

K'iche' (New Orthography)

⁴³ Man je' tä k'u wa' ri ix, xane apachin chiwe ri kraj chi nim kil wi, rajwaxik chi kok na wa' che patänil iwe.

Marcos 10:43 Referans Kwoze

Ri Lucax 14:11

Conojel c'u ri cäquinimarisaj quib, cäkasax na qui k'ij. Apachin c'u ri man cunimarisaj ta rib, cänimarisax na u k'ij.”

Marcos 9:35

Ri Jesus xt'uyic, xebusiq'uij ri cablajuj, xubij chque: “We c'o jun cäraj cux nabe chixo'l, rajawaxic cux na q'uisbal que conojel, cux na pataninel que conojel.”

Ri Lucax 9:48

xubij chque: “Apachin ri cac'amowan we ac'al ri' pa ri nu bi', in ri' quinuc'amowaj. Apachin c'u ri quinc'amowanic, are' cuc'amowaj ri xinutak ulok. Are' c'u ri ch'utin na chixo'l iwonojel, are wa' cux na nim u k'ij.”

Romanos 12:2

Mitakej c'aslemal jas ri u cholajil tak ri e u chomanic tak ri k'ij junab ri uj c'olic; xane', chiq'uexa' ri chomanic ri i nak'atisam wi iwib rech jeri' quiq'uex ri ruc'axic ri i c'aslemal ri iwuc'am quixcuin c'u che retamaxic u wäch ri u rayibal ri Dios, ri u bixic, ri utz na, ri cakaj chuwäch, ri tz'akat.

Gálatas 5:13

Ri ix c'ut, wachalal, xixsiq'uix che tzokopitajem. Xuwi micoj ri tzokopitajic che u banic ri i rayibal aj winak re mac. Xane' chipatanila' iwib ruc' lok'ok'ebal c'u'x.

Ri Xuan 18:36

Ri Jesus xubij che: “Ri wajawibal man aj uwächulew taj. We ta aj uwächulew ri wajawibal, ri e pataninel wech quech'ojin ta ri' che u k'atixic chi ma ta quinquiyut ri aj judeyib. Are c'u ri wajawibal man aj waral taj.”

Ri Lucax 18:14

Quinbij chiwe chi ri tok'il alcabal, aretak xel bic xbe cho rachoch, are' k'alajisam chic chi suc' chuwäch ri Dios. Man je ta wa' ri jun chic, ri pariseyib. Conojel c'u ri cäquinimarisaj quib, ri e are' cäkasax na qui k'ij. Apachin c'u ri man cunimarisaj ta rib, are ri' cänimarisax na u k'ij.”

Marcos 10:42

Ri Jesus xebusiq'uij, xubij chque: “i weta'm chi ri winak ri ya'tal chque chi e qui nimakil tak ri tinimit, quetakan paquiwi', xukuje' ri nimak qui k'ij chquixo'l, c'o qui takanic paquiwi'.

Marcos 10:44

Apachin chiwe ri cäraj cux nabe, rajawaxic chi cux pataninel iwe iwonojel.

Ri Lucax 22:26

Are c'u ri ix, man je ta wa'. Xane' ri nabeal chixo'l chux je ta ne ri sibalaj ac'al na. Ri cätakanic chux pataninel iwech.