Juyuwem 5:20 - Quiché Bible

²⁰ ¿Jas ta c'u che kas xa' jumul uj sachisam la pa jolom la? ¿Jas ta c'u che cujwonoba' la canok q'ui k'ijol?

Juyuwem 5:20 Referans Kwoze

Salmib 44:24

¿Jasche cäc'u' ib la chkawäch? ¿Jasche cujsach pa jolom la, oc'owinak u wi' ri c'ax ri cätajin cakariko?

Salmib 13:1

Ajawaxel, ¿C'ä jampa' lo quinsach pa jolom la? ¿La kas xa c'u jumul quinsach pa jolom la? ¿C'ä jampa' lo cätakej na la u c'u'ic ib la chnuwäch?

Salmib 89:46

Oh Ajawaxel, ¿c'ä jampa' cätanaba' la u c'u'ic ib la? ¿La c'ä cänicow ta na lo ri oyowal la jacha' ri k'ak'?

Salmib 85:5

¿La xa ta pu lo cätakej na la u yukic rakan ri oyowal la pakawi'?

Salmib 79:5

Oh Ajawaxel, ¿c'ä jampa' coc'ow ri oyowal la? ¿La xak cätajin wi cänicow ri oyowal la jacha' ri k'ak'?

Salmib 74:1

Nu Dios, ¿jasche xujwonoba' la canok? ¿Jasche xnicow ri oyowal la paquiwi' ri chij la re ri yuk'bal la?

Ri Isaiy 62:6

Jerusalen, e nu cojom chajinelab paquiwi' tak ri a tapia ri mawi pa k'ij mawi chak'ab cäquitanaba' na u bixic: “Meyini' ri cäquinataj ri u bi' ri Ajawaxel,

Salmib 13:2

¿C'ä jampa' ri nu c'aslibal xukuje' ri wanima' quecoch'on na xukuje' quebison na ronojel k'ij? ¿C'ä jampa' quinel chuxe' ri u takanic ri c'ulel?

Salmib 42:10

C'ä quek'oxow c'u ne na ri e nu bakil cumal ri c'axc'obisanic ri cäquiban ri e nu c'ulel chwe, ri amak'el cäquic'ot nu chi' cäquibij: “¿Jawije' c'o wi ri a Dios?”

Ri Isaiy 49:14

“Ri Sion cubij: ‘Ri Ajawaxel in u xutum canok, xinsach pa u jolom ri nu Dios.’

Ri Jeremiy 14:9

¿Jasche lal je ta ne jun winak ri ma ta cuch'obo jas ri cubano, jacha' jun banal ch'o'j ri man cäcuin taj cätobanic? Are c'u ri camic, Ajawaxel, lal c'o la chkaxo'l, conojel ri winak queta'm chi uj tinimit la; ¡man cujtzak ta la canok!