Juyuwem 4:4 - Quiché Bible

⁴ Sibalaj cachaki'j qui chi' ri ac'alab ri c'a quetunic canaq'ui c'ut ri cak' pa qui chi'. Ri ac'alab caquitz'onoj qui wa man c'o ta c'u jachin ri cayo'w ta chque.

Juyuwem 4:4 Referans Kwoze

Salmib 22:15

Chaki'j chic ri u pa nu chi' jacha' jun xot re u wi ja; nac'al ri wak' pa nu chi'. ¡In q'uiakom la pa ri ulew re cämical!

Juyuwem 1:11

Conojel tak ri e winak la quebok'ic, caquitzucuj tak qui wa cuq'uia'; xequiya' tak ri qui k'inomal che u q'uexwäch wa ja' rech cac'astaj qui wäch. ¡Ajawaxel, chila la, ri c'ax ri in c'o wi! ¡Choc la il che ri quiäkasakil ri nu rikom!

Salmib 137:6

¡Chunac'a' rib ri wak' pa nu chi' we man catnataj chwe; we man catincojo, Jerusalen, puwi' ri kas nu quicotemal!

U Camulixic ri Pixab 32:24

xa wi'jal quecämisan na xukuje' nimalaj k'ak'; jun c'ayilaj yabil cämisanel; casachow na qui wäch quebentak na ulok juyubal tak awaj chquij, xukuje' cämisanel tak cumätz.

Ri Lucax 10:11

‘Xukuje' ne ri puc'uc' ulew re ri tinimit ri nac'al chque ri kakan, cäkatota' can chiwij. Chiwetamaj ba' chi ri rajawibal ri Dios nakaj chic c'o wi chiwe.’

U Camulixic ri Pixab 28:48

Quebapatanij c'u na ri c'ulel ri quebutak na ulok ri Ajawaxel chawij; cana' na wi'jal, chaki'j chi', cäquiynaj na ri awatz'iak chawij, cana' na ronojel u wäch mebayil. Ri Ajawaxel cuya' na be chque ri a c'ulel chi catquicoj pa jun c'axalaj chac c'ä catcäm na.

Ri Jeremiy 14:3

Ri k'inomab quequitak ri qui pataninelab che u c'amic ja'; quebe wa' chi' tak ri c'ua' man quequirik ta c'ut, quetzelej c'u ulok e cuc'am tak ri qui k'ebal man c'o ta c'o chquipam; sachinak qui c'u'x e nojinak che q'uixbal, quequich'ukula' tak ri qui jolom.

Ucab Ajawinelab 18:27

Are c'ut ri qui nimal ri aj Asiriy xubij: “Man che ta ri awajaw, mawi chiwe ta ix ri xinutak wi ulok ri ajawinel re Asiriy ri quebenbij ta wi tak we tzij ri'; xane' kas chque tak ri winak ri e c'o puwi' ri nimalaj tapia, ri e are', xukuje' ri ix, quitij na ri kas nim i chul xukuje' quikumuj na ri kas alaj i chul.”

Ucab Ajawinelab 25:3

Pa ri belejeb rajilabal ri ucaj ic' re we junab ri' xnimataj ri wi'jal chupam ri tinimit, man c'o ta chi c'u jas caquitij ri winak.

Ri Isaiy 5:13

Rumal c'u rech chi man quiwaj taj quixch'obonic, ri nu tinimit quesax na bic pa ri rulew, conojel ri aj Israel xukuje' ri e c'amal tak qui be, quecäm na rumal wi'jal xukuje' chakij chi'.