Juyuwem 4:20 - Quiché Bible

²⁰ Ri cha'tal rumal ri Ajawaxel oquisam pa che', ri cuya' chajin anima' che ri ka c'aslemal, ri ajawinel ri xkabij wi: “Chuxe' ri u mujal cujjeki' wi na chquixo'l tak ri tinimit.”

Juyuwem 4:20 Referans Kwoze

Ri Ezequiel 12:13

Ri in quinq'uiak na ri nu c'at puwi' quinc'amij c'u na ruc' wa'. Quinc'am c'u na bic pa Babilon, culew ri aj caldeyib, ulew ri man cacuin ta che rilic u wäch, chila' c'u cäcäm wi na.

Ri Jeremiy 39:5

Xebokatax c'ut cumal ri ajch'ojab aj caldeyib, xequirika' c'ut ri Sedequiy pa ri lianic re Jerico. Xquichapo xquic'am c'u bic chuwäch ri ajawinel Nabucodonosor, ri c'o pa Ribla, pa ri rulew ri Hamat: Chila' c'u xuk'at wi tzij ri Nabucodonosor: xtakan c'u che u k'atic qui kul ri e u c'ojol ri Sedequiy chuwäch wa', xukuje' tak ri e aj Juda ri nimak qui k'ij.

Ucab Samuel 19:21

Xubij c'ut ri Abisay, ri ral ri Sarb, “¿La mat takal che ri Simeiy chi cacämisaxic, rumal rech chi xuc'okoj ri ajawinel ri cha'om rumal ri Ajawaxel?”

Chapletajic 2:7

Are' c'u ri Ajawaxel are xucoj ri puc'uc' ulew che u nuq'uic ri achi, xuxlab c'u pa u tza'm xuya' c'u u c'aslemal. Jeri' ri achi xuchaplej c'aslemal.

Juyuwem 2:9

Ri tinimit man e c'o ta chi tz'apibal u chi' mawi e c'opibal tak rech: ¡Xepak'ix tak canok xepobax can tak cho ri ulew! Ri rajawinel xukuje' ri e u k'atal tak tzij e c'o chquixo'l tak ri e k'ijilal tak diosib; man c'o ta chic ri u pixab ri Dios. ¡Mawi ta ne tak ri k'axal tak u tzij quequil ta chic c'utwächinic ri cuya' ta ri Ajawaxel chque!

Ucab Samuel 1:21

¡Makaj chi ri jäb piwi' ix mawi ri räxk'ab, juyub tak aj Jilbo, e juyub tak wa' re cämical! Chila' xetac'alex wi ri qui quetecak tak ch'ich' ri nimak qui k'ij. Chila' xusach wi ri u chuplinic ri u quetequic ch'ich' ri Saul.

Ucab Samuel 1:14

“¿Jas c'u che xachajij anima' xawalijisaj ri a k'ab che u cämisaxic ri ajawinel ri cha'om rumal ri Ajawaxel?” Xcha' ri David,

Ri Ezequiel 17:18

Ri are' xretz'bej u wäch ri chi'nic ri kas cäban na, ri u bim man xutz'akatisaj ta c'ut u banic ri c'ulwächinic; ri u yo'm u tzij che u banic, u banom c'u ronojel wa'. Rumal ri' man cäcuin ta na cuto'tajisaj ri u c'aslemal.

Ri Jeremiy 52:8

E are' c'u ri ajch'ojab aj caldeyib xcokataj ri ajawinel Sedequiy, xecuin c'u che u rikic chupam ri lianic re Jerico. Xwonobax c'u can cumal conojel ri rajch'ojab xquijabuj c'u quib.

Ucab Samuel 18:3

Xquitzelej c'u u bixic che: “Jayi', mäban la wa, rumal rech chi ri c'ulel man coc ta il ri' chke we cujanimajic o quecäm pa niq'uiaj chke, are c'u ri lal junam c'u banic la cuc' lajuj mil chke uj. Rumal ri' are utz na chi ri lal cacanaj la can pa ri tinimit rech c'ä waral quetak wi la bic ri to'l tak kech.”

Nabe Samuel 26:16

Man utz ta ri i banom. Ri in quinban ri chi'nic ri kas cäban na, quinbij pa ri u bi' ri Ajawaxel chi ri ix ya'tal chiwe chi quixcämisaxic, man i chajin ta c'ut ri iwajaw, ri ajawinel ri cha'om rumal ri Ajawaxel. ¡Chatzucuj ri u tz'imaj ch'ich' ri ajawinel xukuje' ri xaru' ri yabal u ja' ri c'o chunakaj ri u jolom jawije' ri cawar wi, chawila' we quebariko!”

Nabe Samuel 26:9

Ri David xutzelej u bixic che: “Macämisaj man c'o ta jun ri curayij ta u cämisaxic ri cha'om rumal ri Ajawaxel ri ma ta cäc'äjisax u wäch.

Nabe Samuel 24:10

Chilampe' la, e rilom ri bak'wäch la camic ri u banom ri Ajawaxel che jachic la pa nu k'ab camic chupam ri pec; xbix c'u chwe chi chincämisaj la, xinsach c'u ri mac la, xinbij c'ut: man quinyuk ta na ri nu k'ab che u banic c'ax che ri wajaw, are c'ut ri Ajawaxel lal cho' winak.

Nabe Samuel 24:6

xubij c'u chque ri rachijab: “¡Ri Ajawaxel chuya' ri to'banic chwe rech man quinwalijisaj ta ri k'ab che u banic c'ax che ri wajaw ri ajawinel! ¡Are' c'ut ri Ajawaxel chowinak!”

Nabe Samuel 16:6

Aretak xebopanic, ri Samuel xtake u wäch che ri Eliab xuchomaj c'ut: “Are ba kas achi wa' ri xucha' ri Ajawaxel rech cacanaj che ajawinel.”

Nabe Samuel 12:5

“Ri Ajawaxel xukuje' ri ajawinel ri cha'om rumal e k'alajisanel chi man in i rikom ta chi in uxinak ta ajchak'mac che jun jasach,” xcha' ri Samuel. “Je wa',” xecha' ri aj israelib.

Nabe Samuel 12:3

in c'o c'u chiwäch camic: we nu c'amom ri u wacax o ri u bur jachin jun chiwe, o nu banom c'ax o nu yok'om jachin jun chiwe, o we xak ja'e chwe banom u pa nu k'ab iwumal, quixcuinic quinitzujuj chuwäch ri Ajawaxel xukuje' chuwäch ri ajawinel ri cha'om rumal ri Dios, quintoj c'u na ri nu c'as ri c'olic.”

Chapletajic 44:30

Sibalaj c'u ranima' rib ri nu tat ruc' ri ala. We c'u man kachil ri ala aretak cujopanic,

Ucab Tzijobelil 35:25

Ri Jeremiy xusuc'umaj jun bix re cämical che u ya'ic u k'ij. C'ä pa ri k'ij camic ri bixonelab chi achijab chi ixokib caquinataj ri Josiy chquipam tak ri qui bix re cämical. We bix tak ri' e nak'atisam qui banic pa Israel e tz'ibatal c'ut chquixo'l tak ri bix ri e je tak wa'.

Ri Jeremiy 52:9

Ri aj caldeyib xquichap ri ajawinel xquic'am c'u bic chuwäch ri ajawinel re Babilon, ri c'o pa Ribla, chupam ri rulew ri Hamat. Ri Nabucodonosor chila' xuk'at wi tzij puwi' ri Sedequiy,

Ri Daniel 4:12

Ri e u xak sibalaj e je'lic xukuje' sibalaj q'ui ri u wächinic, ri cubana' che qui tzukic conojel. Ri juyubal tak awaj quec'oji' chuxe' ri u mu'jal, cäquiban qui soc tak ri chicop ri e c'o ri qui xic' xo'l tak ri u k'ab, are c'u ri u c'aslemal ronojel ri uwächulew che elinak wi.

K'atal tak Tzij 9:15

Are c'u ri juwi' q'uix xubij chque: we kastzij quiwaj che ri in quinux iwajawinel, iwonojel ri' quiya' na iwib chuxe' ri nu mujal we c'u man quiwaj chi in ri quinux iwajawinel, quel na ulok k'ak' che ri juwi' q'uix ri cuq'uis tzij paquiwi' ri chacalte' ri e c'o puwi' ri Libano.

Ri Isaiy 32:2

Chquijujunal wa' quebux na jun to'bal ib chuwäch ri quiakik', xukuje' jun panibal chuwäch ri quiakik' jäb, jacha' u be tak ja' re jabal pa chaki'j ulew, jacha' ri u mu'jal jun nimalaj abaj pa ri chaki'j uwo sak.

Ri Ezequiel 31:17

Xukuje' ri e are' quekaj na jacha' ri are', pa ri ajawibal rech ri cämical, che u rikic quib cuc' ri xecäm pa ri ch'o'j. Ri xejeki' chuxe' ri u mujal, caquijabuj na quib chquixo'l nimak tak tinimit.

Ri Osey 13:10

¿Jawije' c'u c'o wi camic ri awajawinel, chatuto' pa conojel tak ri a tinimit? ¿Jawije' e c'o wi ri quetakan pawi', ri xatz'onoj awajawinel chque xukuje' e c'amal tak i be?