(Ix, israelib, chibij chque tak ri e k'ijilal diosib: “Ri diosib ri man e are' taj xebanow ri caj mawi ri ulew casach na qui wäch cho ri uwächulew; mawi jun chque cacanaj ta can chuxe' ri caj.)”
Rumal ri' aretak ri Ajawaxel ri i Dios ix resam chic pa qui k'ab conojel ri e i c'ulel ri qui sutim rij ri ulew ri cuya' chiwe che iwechbal, rajawaxic quisach u wäch ri Amalec cho ri uwächulew. ¡Mäsach wa' pa i jolom!”
Ri Ajawaxel cubij: “Ri caj are nu tem re ajawibal are c'u ri ulew are qui tac'alibal ri wakan. ¿Jawije' ta lo ri caban ta wi cuinem che u yaquic jun ja chwe? ¿Jawije' ta lo ri caban ta wi cuinem che u banic jun c'olbal chwe che wuxlanibal?
Ri Ajawaxel man cuya' ta ri sachbal u mac, xane' cukasaj ri u k'ak'al ri royowal puwi' we winak ri', cäkaj c'u na puwi' ronojel ri c'okonic ri u yo'm u bixic chupam we wuj ri', are c'u ri Ajawaxel cusach na qui wäch ri e u k'ab tak rachalaxic chuwäch ri uwächulew.
Ri e cajawinelab quebujach na pa i k'ab, ix c'ut quiban na chi man c'o ta chi jun cho ri uwächulew ri quenatan ta chic. Man c'o ta c'u jun chque cäcuinic cutac'aba' ta rib che u banic ch'o'j iwuc', quisach c'u na qui wäch conojel.
Ajawaxel, lal chi eta'm la ronojel, ¡Chinnataj che la pet c'u la che nu to'ic! ¡Chya' la rajilal u c'axelal chque ri caquitzucuj u banic c'ax chwe! Sibalaj c'u macoch'on na la chque chi quinya' la pa ri cämical, chila la chi rumal ech la quinch'ij ri nu yok'ic.