Juyuwem 3:32 - Quiché Bible

³² Pune' ta cubano chi cäriktaj c'ax, quel c'u na u c'u'x xukuje', rumal rech chi man c'o ta je ri u lok'ok'ebal c'uxaj.

Juyuwem 3:32 Referans Kwoze

Salmib 78:38

Xel c'u u c'u'x ri Dios chque, xucuy ri quetzelal, man xusach ta qui wäch; q'ui mul xak xoc'ow ri royowal man xuya' ta be chi xk'ak'ar ta rumal ri royowal.

Salmib 103:11

sibalaj c'o na ri u nimal lok'ok'ebal u c'u'x chque ri nim queilowic, jacha' ri u nimal ri caj puwi' ri uwächulew.

Salmib 30:5

Xa c'u jubik' cäbeytaj ri royowal, are c'u ri rutzil man c'o ta u q'uisic. We cujok' chak'ab, ak'abil c'o chic ka quicotemal.

Ri Osey 11:8

¿Jas ta che catinya' canok, Eprain? ¿Jas ta che catinxutuj canok, Israel? ¿La quincuin ta lo quinsachisaj a wäch jacha' ri xinban che u sachisaxic u wäch ri tinimit re Adma, o quenbana' ta chawe junam jas ri xinban che ri Zeboim? ¡Ri wanima' slabetajinak, nojinak che elebal c'uxaj chawe!

K'atal tak Tzij 10:16

Ri aj israelib xequesaj bic tak ri diosib ri quequik'ijilaj, xquichaplej chi u k'ijilaxic ri Ajawaxel, ri Ajawaxel man xucoch' ta chi rilic chi ri aj israelib cäquitakej u rikic c'ax.

Elem 3:7

xutakej c'u u bixic ri Ajawaxel: “Kas wilom ri c'ax ri curik ri nu tinimit ri c'o pa Ejipt. Nu tom ri qui rakoj tak chi'aj u mac rech ri c'ax ri cäban chque cumal ri takanelab ri e cojom paquiwi', kas weta'm ri c'ax ri cäquiriko.

Ri Lucax 15:20

Xwalij ri ala, xbe ruc' ri u tat. C'ä c'o c'u chi naj, xilitaj apan rumal ri u tat. Ri are' c'ut xel u c'u'x che, xxiq'uinic xbec, xuk'aluj ri ala, xutz'umaj.

Ri Jeremiy 31:20

Ri u tinimit ri Eprain uxinak chwe jun nu c'ojol ri lok' chnuwäch: are' c'ojolaxel wa' ri sibalaj quinwaj na. Aretak c'u ne nu yajom, man quel ta pa nu jolom; caslabetaj ri wanima' quinna' jun nimalaj tok'obisam wächaj che. In, ri Ajawaxel Dios, quinjiquiba' u bixic.

Ucab Ajawinelab 13:23

Xel c'u u c'u'x ri Ajawaxel chque xukuje' xutok'obisaj qui wäch, xa' rumal rech ri u c'ulwächinic xuban ruc' ri Abraham, ri Isaac xukuje' ri Jacob, xoc c'u il chque man xraj ta c'ut xusachisaj ta qui wäch mawi xeburokij ta bic chuwäch. Man u banom ta c'u c'ä camic.

Juyuwem 3:22

Ri u lok'ok'ebal c'u'x ri Ajawaxel man c'o ta u q'uisic, mawi quetzaj taj ri e rutzil.

Elem 2:23

Q'ui junab chic banom wa', aretak xcäm ri ajawinel re Ejipt. Ri aj israelib xquitakej ok'ej xukuje' elem ch'u'j rumal ri c'axalaj chac ri e takom che u banic. Xuta' c'ut ri Dios ri qui juyuwem.

Ri Nahum 1:12

Rumal ri' cubij ri Ajawaxel che ri u tinimit: “Pune' ri aj asiriyab sibalaj e co xukuje' man c'o ta cajilabal, quek'atitaj na casachisax c'u na qui wäch. In nu banom chawe chi a coch'om ri c'ax, man quinban ta chi c'u na chawe chi cacoch' ta chi na niq'uiaj c'ax.

Ri Isaiy 27:8

Ri Dios xuc'äjisaj u wäch ri u tinimit xutak c'u bic pa jun tinimit chic, ruc' ri xibibalalaj ruxlab xupakchi'j bic jacha' ri cuban ri quiakik' ri cäpe pa elebal k'ij.

Ri Isaiy 54:7

“Xa quieb oxib k'ij xatinxutuj na canok, ruc' c'u nimalaj utzil catinc'am chi na.