Juyuwem 3:24 - Quiché Bible

²⁴ Quinbij c'u chwe chbil wib: ¡Ri Ajawaxel are' ronojel chwe in; rumal ri' chrij are' quinjiquiba' wi nu c'u'x!

Juyuwem 3:24 Referans Kwoze

Salmib 73:26

Ronojel ri nu cuerp cämem cubano, ri Dios c'ut are' junalic wechbal are' cäyo'w u chuk'ab ri wanima'.

Salmib 16:5

Lal Ajawaxel, lal ri lal ronojel chwe; quinnojisaj la che tewichibal, ri nu c'aslemal pa k'ab la c'o wi.

Juyuwem 3:21

Jun jasach c'ut quinwaj chi ma ta cäsach pa nu jolom quinjiquiba' c'ut ri weyebal c'u'x chrij:

Salmib 142:5

Che la Ajawaxel quintz'onoj wi tok'ob, quinbij c'u che la: “Lal ri' ri nu panibal; lal ronojel ri c'o wuc' pa we c'aslemal ri'.”

Salmib 33:18

Ri Ajawaxel amak'el quebuchajij ri nim quil wi cumal xukuje' ri cu'l qui c'u'x chrij ri lok'ok'ebal u c'u'x,

Ri Jeremiy 51:19

¡Sibalaj ba' nim u jalbem rib ri u Dios ri Jacob, banal re ronojel ri c'olic! Ri are' xucha' ri Israel rech cacanaj pa u k'ab. Ri Ajawaxel ri c'o ronojel u cuinem: are u bi' wa'.

Salmib 31:24

Chiya' chuk'ab xukuje' chajin anima' chque tak ri e iwanima' iwonojel ri i cuban i c'u'x chrij ri Ajawaxel.

Ri Jeremiy 10:16

¡Nim ri u jalbem rib ri u Dios ri Jacob, xuban ronojel ri c'olic! Ri are' xucha' ri Israel jacha' che rechbal. Ri Ajawaxel ri c'o ronojel u cuinem are wa' ri u bi'.

1 Pedro 1:21

Rumal ri Crist ri ix xixcojon che ri Dios, ri xuc'astajisaj ri Crist chquixo'l ri cäminakib xukuje' xunimarisaj u k'ij, rech quixcojon che ri Dios xukuje' quicu'ba' i c'u'x chrij.

Romanos 15:12

Xukuje' cubij ri Isaiy: “Cäq'uiy na jun u tux ri u xe'al ri Isayi. Cäwalij na che takanic paquiwi' ri nimak tak tinimit. Ri nimak tak tinimit cäcu'bi na qui c'u'x chrij.”

Salmib 130:7

chaweyej at Israel, ri Ajawaxel, ruc' c'u are' c'o wi lok'ok'ebal c'uxaj xukuje' tz'akatalaj to'tajem.

Salmib 84:12

Ajawaxel c'o ronojel cuinem la, sibalaj e tewichital ri caquicu'ba' qui c'u'x chij la.

Salmib 62:8

¡Nu tinimit, chacu'ba' a c'u'x chrij ri Dios! chixch'aw ruc', ruc' ronojel jiquibam c'uxaj. ¡Ri Dios are' ka panibal!

Salmib 43:5

¿Jas ta che cuban quieb nu c'u'x? ¿Jas ta che quinoc il? Ri weyebal nu c'u'x nu yo'm chrij ri Dios ri quinya' na u k'ij. ¡Are ri are' nu Dios xukuje' nu colonel!

Ri Job 13:15

Pune' qui nu cämisaj ri are', co quincanaj chupam ri nu c'olbal, quink'alajisaj c'ut ri to'bal wib chuwäch.

Nabe Tzijobelil 5:20

xeto' c'ut rumal ri Dios, xekaj c'ut ri aj agareyib pa qui k'ab xukuje' ri quinimom quib che qui to'ic, pa u niq'uiajil c'ut ri ch'o'j ri cätajin cäquibano xquitz'onoj che ri Dios chi chebuto'. Ri Dios xebuto' rumal rech chi xquicu'ba' qui c'u'x chrij.

Nabe Samuel 30:6

Ri David sibalaj xoc il rumal rech chi ri ajch'ojab are ta cacaj caquicämisaj ri David che abaj, conojel c'ut sibalaj yactajinak coyowal u mac rech ri xquic'ulmaj ri calc'ual. Xujiquiba' c'u u c'u'x ri David chrij ri Ajawaxel ri u Dios,

Salmib 119:57

Lal ri wechbal, Ajawaxel, lal ronojel ri c'o wuc'; nu chi'm qui nimaxic tak ri e tzij la.

Salmib 42:11

¿Jas ta che cuban quieb nu c'u'x? ¿Jas ta che quinoc il? Ri weyebal nu c'u'x nu yo'm chrij ri Dios, ri c'ä quintakej na u k'ijlaxic. ¡Are ri nu Dios xukuje' nu colonel!

Salmib 42:5

¿Jas ta che cuban quieb nu c'u'x? ¿Jas ta che quinoc il? Ri eyebal nu c'u'x nu yo'm chrij ri Dios, ri c'ä quintakej na u k'ijilaxic. ¡Are' ri nu Dios xukuje' nu colonel!

U Camulixic ri Pixab 18:2

Man c'o ta echbal cäquic'amo jacha' ri niq'uiaj qui winakil chic, are c'u quechbal ri Ajawaxel jacha' ri u bim.

Ri Job 22:25

ri c'o ronojel u cuinem are' cux na a k'an puak xukuje' a sak puak ri telechi'm.

Salmib 71:14

Are c'u ri in quineyen pa ronojel jok'otaj, xa c'u sibalaj quintakej na k'ijilaxic la;

Salmib 94:19

Aretak q'ui tak chomanic cäquiya' quib pa nu jolom, ri lal cacu'bisaj la nu c'u'x xukuje' cäya' la nu quicotemal.

Ri Miquey 7:7

Are c'u ri in quineyem na che ri Ajawaxel; quincoj na ri weyebal c'uxaj chrij ri Dios ri nu Colonel, rumal rech chi ri are' quinutatabej na.