Juyuwem 2:8 - Quiché Bible

⁸ Ri Ajawaxel xuya' u tzij chi quet'akix ri e u tapia ri je'licalaj Sion. Xusuc'uba' ri chomanic che ri yojyobisanic xutz'akatisaj c'u u banic man xuxlan taj. Tapia tak xukuje' nimak tak tapia xebuya' pa bis, xak c'ätel xewilijic.

Juyuwem 2:8 Referans Kwoze

Ucab Ajawinelab 21:13

Quinwetaj na ri Jerusalen ruc' ri kas etabal ri xincoj che ri Samar xukuje' ri xincoj che ri rija'lil ri Acab; quinjosk'ij canok jacha' ri u josk'ixic jun liq'uilic' lak cäjupubax c'ut.

Ri Jeremiy 14:2

“Ri Juda cok'ic rumal bis, ri u tinimit tak e c'o chupam ri rikoj c'ax, ri winak e liq'uiloj chotak ri ulew. Ri Jerusalen curakakej u chi' rumal ri k'oxomal.

Ri Isaiy 34:11

Chila' cäjeki' wi na ri tucur xukuje' ri xbuk, chila' cäquiban wi na qui soc ri joj xukuje' tak ri xoch'. Ri Ajawaxel cujalwächij na we nim tinimit ri' pa jun chaki'j uwo sak ri man c'o ta chi jun cäbin ta chupam.

Ri Isaiy 3:26

Ri winak pa ri tinimit quebok' na, cäquicoj na atz'iak re bis, queya' na can qui tuquel.

Ri Jeremiy 5:10

¡Queboc c'u na ri e qui c'ulel quequisachisaj c'u qui wäch ri e ticbal tak uva, pune' c'u ronojel caquisachisaj u wäch! ¡Chequijak'ij tak ri qui k'ab man c'u ticbal ta chic nu uva!

Ri Ezequiel 20:22

xink'il c'u wib rech man quel ta u q'uixbal ri nu bi', man xinban taj, rech man caquichomaj taj ri nimak tak tinimit ri xquilo jas ri xinban che quesaxic ulok pa Ejipt chi itzel ri quinban chquiwäch.

Juyuwem 2:17

Ri Ajawaxel xuq'uis qui banic tak ri e u chomanic, xutz'akatisaj ri u tzij ri kas u bim ulok ojer; xsachisan wächaj ma xcuyun ta c'ut; xuya' c'olbal chi ri c'ulel cutze'j a wäch xuya' u chuk'ab ri catc'ulelanic.

Juyuwem 2:5

Ri Ajawaxel je xubano jacha' cuban jun c'ulel: xuq'uistzij puwi' ri Israel; xebut'akij conojel tak ri nimak tak cachoch, xebut'akij tak ri e to'bal tak rib, xunojisaj ri je'lalaj Juda che c'axcolil chrij c'axc'olil.

Juyuwem 2:2

Ri Ajawaxel man xutac'aba' ta can mawi jun chque ri e rachoch ri Jacob; chupam jok'otaj royowal u yojim ri e to'bal rib ri je'lalaj Juda; e u t'akim pa ulew, e u mach'irisam, ri ajawibal xukuje' tak ri e u k'atal tak tzij.

Ri Isaiy 28:17

Che we yacanic ri' are quincoj na ri suq'uil che u q'uexwäch clomabal, che u q'uexwäch suq'uibal are quincoj ri jicomal.” Ri i panibal ri i tzucum chupam ri banoj tzij, cäsach na u wäch rumal ri sakbach, ri ja' cuch'elej na bic ri u c'olbal ri to'bal iwib.

Ri Isaiy 5:5

Quinbij c'u na chiwe ri xinchomaj u banic che ri nu ticbal uva: quinwesaj ri coral ri c'o chrij, rech cäsachisax u wäch; quinwor ri tapia ri c'o chrij, rech cätac'alexic;

Ri Job 13:21

Chtanaba' la u c'äjisaxic nu wäch maban c'u la chwe chi sibalaj chinxibij ta wib.

Ucab Samuel 8:2

Xukuje' xebuch'äc ri aj moabib, xuban c'u chque chi caquilemej quib cho ri ulew xeretaj c'u ruc' jun etabal c'am: e are' c'ut ri xecanaj chquipam ri cacab c'am, quec'okotaj che cämical, are' c'ut ri xecanaj chquipam jujun c'am, quec'asbax canok. Xecanaj c'u ri aj moabib chuxe' ri u takanic ri David xquitoj c'u na cuchuj pa u k'ab.

Juyuwem 2:18

¡Chatz'onoj che ri Ajawaxel chi chatuto', Sion, je'licalaj tinimit! ¡Chaya' che ri u wa'l a wäch chi chbelel chi pa k'ij chi chak'ab! ¡Matanaba' ok'ej, maya' chque ri e a bak'wäch chi chetanic!

Ri Isaiy 22:5

Rumal rech chi ri Ajawaxel ri c'o ronojel u cuinem u yo'm u bixic chi cäpe na jun k'ij re xibin ib, re sachbal wächaj xukuje' elem ch'u'j pa ri beya' re ri c'utwächinic. Cätajin quewilix ri e nimak tak tapia cätataj ri rakoj chi'aj c'ä pa tak ri juyub.”

Ri Jeremiy 52:13

xut'ik c'u k'ak' che ri rachoch ri Dios, ri rachoch ri ajawinel xukuje' conojel ri ja ri e c'o pa ri tinimit, kas c'u e are xeranej ri cachoch conojel ri nimak tak qui k'ij,