Juyuwem 2:20 - Quiché Bible

²⁰ Chila la, Ajawaxel, choc la che u chomaxic chi mawi jumul c'o ta jun ri je ta banom la wa' che. Ri nanaxelab, ¿la quequitij ta na lo tak ri cal ri c'ä quetunic? Ri e cojol tabal tok'ob xukuje' tak ri e k'axal tak tzij ¿la quecämisax ta na lo chupam ri k'ijilabal ri cak'ilax wi la?

Juyuwem 2:20 Referans Kwoze

Juyuwem 4:10

Cuc' tak ri kas qui k'ab, ixokib ri ch'uch'uj canima' xequitzacala' tak ri cal; ri kas e cal xebajwataj che qui wa cuq'uia' aretak xsach u wäch ri u chuch ri nu tinimit.

Ri Jeremiy 19:9

Quinban na chi ri winak quequitij ri qui c'ojol xukuje' tak ri qui mia'l, xukuje' chi quequitijila' tak na quib rumal ri rikoj c'ax ri queriktaj wi ri quelatz'obisax wi na cumal ri e qui c'ulel ri e cämel aretak caquisolij rij ri tinimit.’

Salmib 78:64

Ri e cojol ri tabal tok'ob xecäm pa u chi' ch'ich' re ch'o'j, man xok'ex ta qui wäch cumal ri e qui malca'nib.

Juyuwem 4:13

¡Ronojel u mac rech ri qui mac ri e k'axal tzij ri e c'o cuc', qui mac ri quetzelal tak ri e cojol tabal tok'ob, ri xquitix quic' kas chupam ri nimalaj tinimit ri man c'o ta u mac!

U Camulixic ri Pixab 9:26

cuc' bochi'nic xinbij che: ‘Ajawaxel, masach la u wäch we tinimit ri', ri ech la, ri xtor la ruc' ri nimalaj chuk'ab la xesaj c'u la ulok pa Ejipt ruc' nimalaj cuinem.

Elem 32:11

Ri Moises xuta' tok'ob che ri Ajawaxel ri u Dios, xubij: “Ajawaxel, ¿jas ta che cäk'ak'ar ri oyowal la puwi' ri tinimit la ri xesaj la ulok pa Ejipt ruc' ri nimalaj cuinem la?

Ri Ezequiel 5:10

Rumal ri' chixo'l ix quewalij na tataxelab ri quequitij na ri e calc'ual xukuje' alc'ualaxelab ri quequitij tak na ri e qui tat. Quenbana' na ri u c'äjisaxic a wäch, are c'u ri quec'asi' canok quebenjabuj na pa ri quiejeb quiakik'.

Juyuwem 4:16

Ri u wächbal ri Ajawaxel xejabunic, man xuya' ta chi u wäch chque. Man nim ta chi xebil wi ri e cojol tabal tok'ob mawi xtok'obisax qui wäch ri ri'jab tak winak.

Juyuwem 1:19

Xintz'onoj to'banic chque tak ri e wach ch'abem e are' tak c'ut ri e are' quieb qui wäch e jachinelab chwe. Ri e nu e cojol tabal tok'ob xukuje' tak ri e nu nimak tak tatayib xecäm chupam ri tinimit: ¡Quebinicat che u tzucuxic qui wa cuq'uia' rech cäc'astaj qui wäch!

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Aj Levitib 26:29

Quitij na ri qui ti'jal ri e i c'ojol, quitij na ri qui ti'jal ri e i mia'l.

Ri Isaiy 22:2

Tinimit ri c'o wi tuquin ib xukuje' wojcorem, tinimit ri cäkaj ri ca'yem chuwäch, ri e a cäminak man ch'ich' re ch'o'j ta xecämisanic, man xecäm ta pa ri ch'o'j.

Ucab Tzijobelil 36:17

Ri Ajawaxel xuban c'ut chi xwalij ulok ri cajawinel ri aj caldeyib chquij, xebuk'ok'ej c'ut ri e u c'ojolab chi ch'ich' re ch'o'j kas chupam ri rachoch Dios man xel ta c'u u c'u'x chque ri c'ojolab mawi chque ri k'apojib, chque ri ri'jab mawi chque ri man utz ta cakan qui k'ab. Conojel xebujach ri Ajawaxel pa u k'ab.

Ri Jeremiy 21:7

Chwi chi c'u wa' quinjach na ri Sedequiy, ajawinel re Juda, pa u k'ab ri Nabucodonosor xukuje' pa qui k'ab ri jule' tak e u c'ulel chic ri e cämel, ri e rachil ri e rach k'atal tak tzij xukuje' ri ajch'ojab xukuje' ri winak ri xec'asi' can pa ri tinimit aretak oc'owinak chic ri cämisanel yabil, ri ch'o'j xukuje' ri wi'jal. In quinban na chi quecämisax rumal u pa u chi' ch'ich' re ch'o'j, ri man ruc' ta elebal c'uxaj mawi tok'obisam wächaj, In, ri Ajawaxel, quinjiquiba' u bixic.

Ri Ezequiel 9:7

Xubij chi c'u chque: “Jix pa ri rachoch Dios, chi wawasij; chinojisaj ri uwo ja chque cäminakib.” Xebel c'u bic xquichaplej qui cämisaxic ri winak ri e c'o pa ri tinimit.