Juyuwem 2:16 - Quiché Bible

¹⁶ Ri caquiban qui c'ulel chawe xquijak ri qui chi' che a yok'ic. Quexulk'ubic caquibanala' qui palaj caquikuch'uch'ej qui ware, je caquibij wa': “Ketzelam ronojel. Are k'ij wa' ri sibalaj keyem; ¡Xujcuin c'u na che rilic!”

Juyuwem 2:16 Referans Kwoze

Salmib 35:21

cäquic'ababej ri qui chi' chwij, cäquibij c'ut: “¡Chiwila' ri kilom!”

Juyuwem 3:46

Conojel ri qui banom qui c'ulel chke caquijak ri qui chi' che ka yok'ic;

Salmib 56:2

Ri e nu c'ulel amak'el cäquitzucuj u banic c'ax chwe; e q'ui ri cäquimulij quib chwij ruc' nimarisan ib.

Salmib 37:12

Ri banal etzelal cuchomaj u banic c'ax che ri utzalaj winak, quebusolcopij u bak'wäch che ruc' nimalaj oyowal.

Ri Jeremiy 51:34

Jewa' cubij ri Jerusalen, ri tinimit re Sion: “Ri Nabucodonosor, ri ajawinel re Babilon, xuban xerexak chwe xinubik' c'ut; xinuya' canok jacha' jun lak ri tolonic. Jacha' jun jilijic awaj aj plo xinubik'o; xunojisaj rib ruc' ri sibalaj xkaj na chuwäch ri c'o wuc', are c'u ri xto'tajic xuq'uiak canok. ¡Chutojo' ri Babilon ri tokinic ri xuban chwe! ¡Chequitojo' ri aj caldeyib ri e nu winak ri xebucämisaj!”

Salmib 124:3

uj c'asal ta ri' xujquibik'o aretak xnicow ri coyowal chkij.

Salmib 35:16

Xinquic'axc'obisaj, xquitze'j nu wäch, xinquica'yej ruc' nimalaj oyowal.

Salmib 22:13

Que wunic jacha' c'analaj tak coj, cäquic'ab ri qui chi', cäquiq'uiak quib chwij.

Hechos 7:54

Aretak xequita' jas xubij ri Estebn, xyactaj coyowal, xquikuch'uch'ej qui ware rumal rech ri u tzij.

Ri Osey 8:8

¡Ri Israel bik'tajnak! Ri jule' nimak tak tinimit chic caquilo chi jacha' ta ne jun jasach ri man c'o ta u k'ij,

Ri Ezequiel 36:3

Je ba' wa', chatch'aw pa ri nu bi' chabij c'u chque: ‘Are wa' cubij ri Ajawaxel: Pa ronojel c'olbal quewalij wi ulok ri quech'ojin iwuc' cäsachisax c'u i wäch cumal; conojel ri tinimit ri man e i winakil taj ix kajinak pa qui k'ab, xa' c'u quetz'bex i wäch cumal ri winak xukuje' quetzelex i wäch cumal.

Ri Ezequiel 25:15

“In, ri Ajawaxel, quinbij: Ri aj pilisteyib quiyo'm rajil c'axelal, quesan ri coyowal ruc' jun anima' ri nojinak che etzelam wächaj; e jacha' ri junalic tak c'ulel chque ri aj Israel, qui jachom quib che ri sachan wächaj.

Ri Ezequiel 25:6

In, ri Ajawaxel, quinbij: Ix ri ix amonib xipak'apa ri e i k'ab, xixch'opin che quicotemal, iwetzelam c'ut u wäch ri Israel.

Ri Ezequiel 25:3

Chabij chque chi chquitatabej ri tzij ri cubij ri Ajawaxel chque: ‘Ix xirak i chi' rumal quicotemal aretak xiwilo chi xtz'ilox ri wachoch, ri ulew re Israel xsachisax u wäch are c'u ri winak ri e c'o pa Juda xec'am bic xebeyok pa jun ulew chic.

Ri Jeremiy 50:17

“Ri Israel xak junam ruc' jun chij ri sachinak, ri okatatal cumal coj. Nabe xtijow rumal ri ajawinel re Asiriy; are' chiwi chi c'u wa' ri Nabucodonosor, ajawinel re Babilon, xebuwak' tak ri u bakil.

Ri Jeremiy 50:7

Aretak queriktaj cumal ri qui banom qui c'ulel chque caquibij c'ut: ‘Man ka mac taj, rumal rech chi ri e are' xemacun chuwäch ri Ajawaxel, ri jicalaj tzukul quech, ri queyebal c'u'x ri e qui mam.’

Ri Isaiy 49:19

Ri awulew yojyobinak, etzelam, lilobisam are c'u ri camic ri awulew cux na ch'utin chque tak ri e a winak. Ri xatquiyojij, naj chic e c'o wi.

Salmib 112:10

Ri banal etzelal cäpe royowal aretak cäril u wäch; man cäcuin taj c'o jas cubano xuwi cukuch'uch'ej ri u ware. Ri itzel qui rayinic ri e banal tak etzelal man je ta quel wi na.

Salmib 109:2

Chi'aj c'ut banal tak tzij xukuje' banal etzelal queyok'on chwe, xak c'u jalum k'abam cäquiyac chwij.

Salmib 57:3

Cutak na ulok kas pa ri caj ri u lok'ok'ebal u c'u'x xukuje' ri u kastzij, quinresaj c'u na pa qui k'ab ri cäquiban c'ax chwe ruc' ch'ujilal.

Salmib 41:8

Cäquibij c'ut: “Ri u yabilal are' ri itzel uxlabal xc'amow ulok; kajinak pa ch'at, man cäwalij ta chi jumul.”

Salmib 35:25

Mäquichomaj xukuje' mäquibij: “¡Are wa' ri ka rayim! ¡Etzeletajinak kumal!”

Ri Jeremiy 29:18

Quebenc'axc'obisaj ruc' ch'o'j, wi'jal xukuje' cämisanel yabil. Quinban na chi conojel ri nimak tak tinimit ri e c'o cho ri uwächulew cäquetzelaj na qui wäch aretak quequilo, quinban c'u na chque chi' quebux na elesabal tak no'j re c'okonic xukuje' re q'uixbal, pa jun jasach ri cuya' tze'bal xukuje' xe'n ib pa conojel ri nimak tak tinimit ri e nu jabum tak wi.

Ri Jeremiy 26:6

quinban c'u na che we wachoch ri' je jas ri xinban che ri xc'oji pa Sil. Quinban na che we tinimit ri' jun esbal no'j re c'okonic chque conojel tak ri winak re ri uwächulew.’ ”

Juyuwem 1:21

Ri winak quequitatabej tak ri e nu juyuwem, man c'o ta c'u jachin cacu'bisan ta nu c'u'x. Conojel tak ri qui banom tak qui c'ulel chwe queta'm ri etzelal ri in c'o wi, quequicot c'ut chi lal lal banowinak. ¡Bana' la chi chpet ri k'ij ri e yo'm la u bixic, je c'u chi qui c'ulmaj jacha' ri nu c'ulmam in!

Ri Ezequiel 5:15

Aretak ri in chinc'am ulok ruc' nimalaj oyowal ri ya'tal chawe, quinya' c'u na ri c'axalaj c'äjisabal a wäch, conojel ri winak catquiyok' na, caquitze'j na a wäch, cätux c'u na jun xibibalalaj c'ambal no'j chque tak ri tinimit ri e a c'ulja. In, ri Ajawaxel, nu bim.

Ri Ezequiel 23:32

Are wa' ri quinbij in, ri Ajawaxel: “Cakumuj na awe che ri u kumubal ri awatz, jun kumubal nim chewechic xukuje' nim u pam, nojinak che u tze'xic a wäch xukuje' che retzelaxic a wäch.

Ri Miquey 4:11

Camic e q'ui ri nimak tak tinimit ri qui mulin quib chawij, je c'u caquibij wa': “¡Cujequicot na che rilic ri Jerusalen tz'ilotajinak!”