Juyuwem 1:22 - Quiché Bible

²² Bana' la chi chopan chwäch la ronojel ri etzelal ri qui banom; je chbana' la chque jacha' ri qui mac jacha' ri banom la chwe in, sibalaj c'u quinq'uis wib che ok'ej; ¡Oquinak u yab ri wanima'!

Juyuwem 1:22 Referans Kwoze

Ri Jeremiy 8:18

Ri nu k'oxomal man c'o ta cunabal che, ri wanima' cächukchubic.

Apocalipsis 6:10

Xquirak qui chi' ruc' chuk'ab, xquibij: “Ajawaxel, ri tastalic ri man cuban ta etzelal, xukuje' ri jic, ¿c'ä jampa' cäk'at la tzij paquiwi' ri e c'asal cho ri uwächulew? ¿C'ä jampa' cäya' la rajil u q'uexel ri ka quiq'uel chque?”

Efesios 3:13

Rumal ri' quixinbochi'j chi mäq'uistaj i c'u'x rumal rech ri c'axc'olil ri in c'o wi rumal iwech, ri e are i juluwibal.

Ri Lucax 23:31

We queban we jastak ri' che ri räx che', ¿jas ta c'u lo ri ma ta caban na che ri chaki'j che'?”

Juyuwem 5:17

Rumal rech wa' yawabarinak ri kanima'; rumal rech wa' sutz'arinak ri ka bakwäch.

Juyuwem 1:13

Ri Ajawaxel u q'uiakom ulok jun k'ak' chicaj ri opaninak c'ä cho ri nu bakil; xulic' jun c'amibal pa ri nu be xuban chwe chi xintzelej chwij; in u jachom chupam ri wonobanic, chupam ri rikoj c'ax jok'otaj chi jok'otaj.

Ri Jeremiy 18:23

Are c'u ri lal, Ajawaxel, e eta'm la conojel tak ri chomanic ri e qui banom che nu cämisaxic. ¡Mäsach la qui mac che ri quetzelal mawi mäsach ri qui mac pa jolom la! ¡Chbana' la chi quekaj pa k'ab la, chäc'äjisaj la qui wäch ruc' oyowal!

Ri Jeremiy 10:25

Chkasaj ri oyowal la paquiwi' ri nimak tak tinimit ri man cacaj taj caquetamaj wäch la, paquiwi' tak ri tinimit ri man caquiya' ta k'ij la, quibik'om c'ut ri u tinimit ri Jacob, quiyojim ronojel, quetzelam c'u can ri ulew.

Ri Isaiy 13:7

Conojel c'u ri winak cho ri uwächulew quechukchub na ri qui k'ab, conojel man c'o ta chic qui chuk'ab,

Salmib 143:7

Ajawaxel, ¡tzelej la ulok u wäch ri nu tzij aninak, cätajin caq'uis ri wuxlab! Mak'il la ri to'banic la chwe, quinux c'u na ri' e jacha' ri cäminakib.

Salmib 79:10

Man c'o ta chi jasche caquibij ta chi na ri e k'ijilal tak diosib: “¿Jawije' c'o wi ri qui Dios?” Chya' la chke chi cäkil ri u tojic rajil u q'uexel ri qui cämical ri pataninel tak ech la. ¡Chquetamaj xukuje' ri e k'ijilal tak diosib!

Ri Jeremiy 30:16

Ronojel c'ut ri catbik'owic cäbik' na, conojel c'ut ri caquiban qui c'ulel chawe quec'am na bic pa jun ulew chic; quinban na chi quetolobax ri caquitoloba' chban c'u eläk' cuc' ri caquiban eläk' chawe.