Juyuwem 1:2 - Quiché Bible

² Cajik' pa ok'ej chak'abibal tak; ri e u wa'l tak wächaj quebelel tak cho ri u palaj. Chquixo'l tak conojel ri e rach ch'abem man c'o ta jun ri cacu'bisan ta u c'u'x. Conojel ri canima' quib ruc' e jachinelab quieb qui wäch; che qui banom qui c'ulel che.

Juyuwem 1:2 Referans Kwoze

Salmib 6:6

In cosinak che ok'ej. Jujun tak ak'ab quinq'uis wib che ok'ej cäch'aki' ri nu ch'acat cumal ri u wa'l nu wäch.

Ri Miquey 7:5

Macoj ri cubij ri awajil a tz'akat mawi majiquiba' a c'u'x chrij jun ri awachil; chachajij c'u ne awib che ri catzijoj ruc' ri awixokil.

Juyuwem 1:21

Ri winak quequitatabej tak ri e nu juyuwem, man c'o ta c'u jachin cacu'bisan ta nu c'u'x. Conojel tak ri qui banom tak qui c'ulel chwe queta'm ri etzelal ri in c'o wi, quequicot c'ut chi lal lal banowinak. ¡Bana' la chi chpet ri k'ij ri e yo'm la u bixic, je c'u chi qui c'ulmaj jacha' ri nu c'ulmam in!

Juyuwem 1:19

Xintz'onoj to'banic chque tak ri e wach ch'abem e are' tak c'ut ri e are' quieb qui wäch e jachinelab chwe. Ri e nu e cojol tabal tok'ob xukuje' tak ri e nu nimak tak tatayib xecäm chupam ri tinimit: ¡Quebinicat che u tzucuxic qui wa cuq'uia' rech cäc'astaj qui wäch!

Juyuwem 1:9

Nojinak ri ratz'iak che ch'uluch'ujil; man xuchomaj taj ri quepe na puwi'. Man cojel taj ri u tzakic ri u rikom; man c'o ta jachin cacu'bisan u c'u'x. ¡Chila la, Ajawaxel, ri nu mach'irisaxic xukuje' ri nimal ri cac'amow ri c'ulel!

Ri Jeremiy 30:14

Conojel tak ri e awachil xatquisach pa qui jolom; man queboc ta chi il chawe. Xa' c'u ne xatinsoco jacha' ta ne ri in ta a c'ulel, c'ax u c'äjisaxic a wäch xinbano qui mac quech ri jumulaj awetzelal qui mac quech ri e a mac ri man e ajilatal taj.

Ri Jeremiy 13:17

We c'u ne man quixoc ta il che u nimaxic ri cäya' u bixic chiwe, quinok' na chi c'uyal u mac ri nimal ri quixc'amowic; quebelel na ri u wa'l tak wächaj chque ri nu bak'wäch, rumal rech chi e yutuyuj quec'am na bic ri e u jumulaj ri Ajawaxel.

Ri Jeremiy 9:1

¡C'o ta banom wi chi ri e nu bak'wäch e jacha' ta jun bulbux ja', jacha' ta jun nima' u wa'l wächaj, rech quinok' chi pa k'ij chi chak'ab paquiwi' ri e u cäminakib ri nu tinimit!

Ri Jeremiy 4:30

Are c'u ri at, tinimit ri sachic cabano, ¿jasche cawatz'iakij awib ruc' morato?, ¿jasche cawik awib cuc' wikbal re k'an puak?, ¿jasche quebak'o' ri a bak'wäch ruc' k'ek? Man c'o ta chi cupatanij chi caje'lobisaj awib, e are' c'ut ri at lok' chquiwäch at qui q'uiakom canok, are c'u ri caquitzucuj camic are ri a cämical.

Salmib 31:11

Xa in yacal qui tze' ri e nu c'ulel, cätze'x nu wäch cumal ri e nu c'ulja, ri queta'm nu wäch xa cäquixe'j quib chwe. Ri quinquic'ulaj pa tak ri be quebanimaj chnuwäch.

Apocalipsis 17:16

Ri lajuj ruc'a' ri awaj ri e awilom, cäquetzelaj na u wäch ri ajmacalaj ixok quech nim ch'utin, cäquiya' na canok xak u tuquiel ch'anal c'ut. Cäquitij na ri u ti'jal, cäquiporoj na ruc' k'ak'.

Apocalipsis 17:13

Ri lajuj ajawinelab xa junam qui chomanic, cäquiya' na ri qui cuinem xukuje' ri qui takanic che ri itzel awaj.

Ri Osey 2:7

Quebuterenej na tak ri rach ch'aben, man c'u cäcuin ta chic che qui k'iic; quebutzucuj na, man c'u queburik ta chic. Cubij c'u na: ‘Quintzelej na ruc' ri nabe wachajil, are c'u utz na ri nu c'aslemal ruc' are nabe chuwäch ri camic.’

Ri Ezequiel 16:37

Rumal ri', in quebenmulij na conojel ri e awanima' awib cuc' ri e a quicotisam, conojel ri xebawaj xukuje' conojel ri xawetzelaj qui wäch; quebenmulij na caquicholajij na quib chawij, quinch'anaba' c'u na ri a cuerp chquiwäch rech cäquil ronojel ri a ch'analiquil.

Juyuwem 2:11

Ri ok'ej quequitzajisaj ri nu bak'wäch, quinna' c'ut chi carokopij ri uwo nu c'u'x; ri chajin anima' ri c'o wuc' kajinak c'a cho ri ulew rumal ri rilic chi sachinak u wäch ri qui tinimit ri e nu winak, rumal ri rilic chi ri ac'alab ri c'ä quetunic quecäm che wi'jal xo'l tak ri ja pa ri tinimit.

Ri Jeremiy 3:1

Ri Ajawaxel je cubij wa': “We jun achi cujach bic ri rixokil, ri ixok, aretak jachtajinak chic rumal ri rachajil, cäc'uli' chi c'ut ruc' jun achi, ri nabe man cuya' ta chic cac'uli ta chi ruc'. ¡Jun c'axalaj yok'obal wa' che ri ulew! Are c'u ne ri at, Israel, cuc' q'ui awachil at caban wi ri qui mac ri e quech ri nim ch'utin, ¡are c'u cawaj cattzelej ta chi wuc' camic! In, ri Ajawaxel, quinjiquiba' u bixic.

E C'ambal tak Tzij 19:7

We ri meba' xukuje' ne tak ri e rachalal caquetzelaj u wäch, c'o ba ne rumal ri' quenajtin ri e rachil che.

Ri Job 7:3

Je tak coc'owisaxic ri ic' wa' nu banom ruc' elem ch'u'j, queboc'ow ri jujun tak ak'ab re rikoj c'ax.

Ri Job 6:15

Are c'u ri ix, ri ix wachil xane' xa ix ya'l chi u tz'akat, jacha' ri nima' ri quetz'ajic.

Salmib 126:5

Ri queticonij ruc' u wa'l wächaj, cäquiyac na ri u wächinic ri ulew ruc' rakoj tak chi'aj re quicotemal.

Ri Jeremiy 2:25

¡Israel, mebe a soc ri awakan catxiquinic man e c'o ta a xajäb, maya' c'olbal chi cachaki'jar ri u pa a kul! Are c'u ri at xabij: ‘Jayi', man bantajel taj; quebenlok'ok'ej ri e jule' quinbe na cuc'.’ ”

Salmib 69:21

Xquiya' c'u cämisabal chupam ri nu wa, aretak xchaki'j nu chi' xquiya' ch'amalaj ja' chwe.