Juyuwem 1:15 - Quiché Bible

¹⁵ Ri Ajawaxel naj xebuq'uiak wi chwe conojel tak ri e c'o qui chuk'ab ri caquito' nu wi'. Xuq'uiak juk'at ajch'ojab panuwi', che u q'uisic tzij paquiwi' ri cowilaj tak wachijab. ¡Ri Ajawaxel u xak'alem ri k'apojalaj Juda jacha' ri cäban che qui xak'alexic tak ri uva che resaxic ri u wa'l!

Juyuwem 1:15 Referans Kwoze

Ri Malaquiy 4:3

Pa ri k'ij ri' ri cätajin quinsuc'umaj, ri ix quebitac'alej na ri e banal tak etzelal jacha' ta ne chi e puc'uc' ulew.

Ri Isaiy 63:3

Je, xak nu tuquel xebenpitzilej tak ri uva, man c'o ta jun xinto'wic in nojinak che oyowal xebentac'alej ri e nu c'ulel, xebenxak'alej ruc' c'anal, are c'u ri qui quiq'uel xchiclon chrij ri watz'iak, xtz'ajtaj c'u ronojel ri watz'iak.

Ri Isaiy 28:18

Ri i c'ulwächinic ri i banom ruc' ri cämical man c'o ta chi cupatanij na, ri c'ulwächinic ri i banom ruc' ri quebajawin ri cäminakib, man c'o ta cupatanij na. Cäpe na ri nimalaj c'ax cäkaj c'u na piwi'.

Apocalipsis 19:15

Pa ri u chi' quel wi jun t'ist'icalaj ch'ich' re ch'o'j, che qui soquic ri nimak tak tinimit. Ri are' cätakan paquiwi' ruc' jun bara' re räx ch'ich'. Cutac'alej ri pitz'bal uva re ri u wa'l uva re ri royowal ri Dios aretak cuc'äjisaj qui wäch tak ri tinimit rumal ri Dios ri c'o ronojel cuinem ruc'.

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

Ri Miquey 7:10

Cäril c'u na ri u banom u c'ulel chwe, are c'u wa' cach'ukuw na che q'uixbal. Ri are' ri u bim ulok chwe: “¿Jawije' c'o wi ri a Dios?”, are c'u ri camic quinrik na ri quicotemal che rilic xak'alem jacha' ri t'ac ri c'o xo'l tak ri ja.

Ri Daniel 3:13

Ri Nabucodonosor sibalaj xoyowaric, xuya' c'u takanic chi chebec'am ulok ri Sadrac, ri Mesac xukuje' ri Abed-neg chuwäch. Aretak c'u e c'o chic chuwäch,

Juyuwem 3:34

Ri quixak'alexic ri e c'o pa che' ri e aj tinimitib man ruc' ta tok'obisam wächaj.

Ri Jeremiy 51:34

Jewa' cubij ri Jerusalen, ri tinimit re Sion: “Ri Nabucodonosor, ri ajawinel re Babilon, xuban xerexak chwe xinubik' c'ut; xinuya' canok jacha' jun lak ri tolonic. Jacha' jun jilijic awaj aj plo xinubik'o; xunojisaj rib ruc' ri sibalaj xkaj na chuwäch ri c'o wuc', are c'u ri xto'tajic xuq'uiak canok. ¡Chutojo' ri Babilon ri tokinic ri xuban chwe! ¡Chequitojo' ri aj caldeyib ri e nu winak ri xebucämisaj!”

Ri Jeremiy 50:26

¡Chixch'ojin ruc' pa conojel c'olbal! ¡Chebijaka' tak ri e u c'uja! ¡Chibana jumulaj etzeletajic chque tak ri winak chisachisaj c'u qui wäch! ¡C'o c'u jun mäc'asi canok!

Ri Jeremiy 37:10

Pune' ta c'u ne ri ix quixcuin ta che qui ch'äquic conojel ri ajch'ojab aj caldeyib ri cätajin quech'ojin iwuc' man c'o ta chi c'u ri queto'taj ta chi can chque xane' jujun achijab ri e socotajinak ri e canajinak canok ri e c'o chupam ri kajebal, we achijab ri' quewalij na caquit'ik c'u na k'ak' che ri tinimit.”

Ri Jeremiy 18:21

¡Are c'u ri camic, bana' la chi checäm tak ri e qui c'ojol rumal wi'jal o pa u chi' ch'ich' re ch'o'j; che canaj malca'nib ri quixokil ma ta c'u e c'o chi cal! ¡Are c'u ri cämisanel yabil checämisan tak ri cachijab e are' c'ut ri e qui c'ojolab checäm pa ri ch'o'j!

Ri Jeremiy 14:17

Chabij che ri tinimit ri quinbij chawe: ‘Cheturuw u wa'l tak nu wäch chi pa k'ij chi chak'ab, ri ma ta che tanic, rumal ri xibibalalaj u q'ueyowal ri c'o wi ri nu tinimit, rumal ri u socotajic ri sibalaj nimatajinak.

Ri Isaiy 41:2

¿Jachin xbanowic chi xc'utun pa elebal k'ij we ajawinel ri' ri amak'el quel ulok ruc' ch'äcanem? ¿Jachin quejachow ri nimak tak tinimit pa u k'ab cuban c'ut chi ri ajawinelab caquimach' quib chuwäch, rech ruc' ri u ch'ich' re ch'o'j xukuje' ri u q'uiakbal ch'ab quebujabuj c'ut jacha' ri pajo?

Ri Isaiy 5:5

Quinbij c'u na chiwe ri xinchomaj u banic che ri nu ticbal uva: quinwesaj ri coral ri c'o chrij, rech cäsachisax u wäch; quinwor ri tapia ri c'o chrij, rech cätac'alexic;

Salmib 119:118

Lal quetzelaj la qui wäch ri cäquitas quib chquij ri pixab la, rumal rech chi man c'o ta u beya'l ri qui chomanic.

Ucab Ajawinelab 9:33

xuya' c'u takanic ri Jehu chque: “¡Chiq'uika' ulok iquim!” Xquiq'uiak c'u ulok iquim, xchicon c'u ri u quiq'uel cho ri tapia xukuje' chquij ri quiej, ri xquitac'alej ri Jezabel.

K'atal tak Tzij 10:8

Wajxaklajuj (18) junab ri aj pilisteyib xukuje' ri aj amonib, xquiban nimalaj c'ax chque ri aj israelib ri e jekel pa Galaad ch'käp che ri Jordan pa ri culew ri aj amoreyib.

U Camulixic ri Pixab 28:33

Ri qui wächinic tak ri awulew xukuje' ronojel ri a ch'äcom pa ri a chac, winak quetijow na ri mawi jubik' aweta'm ta qui wäch; ronojel k'ij cäban na c'ax chawe, itzel catil na.

Ri Jeremiy 6:11

In nojinak che ri oyowal la, Ajawaxel; man quincuin ta chi che u k'atixic.” Ri Ajawaxel xubij chwe: “Chajamij paquiwi' ri alabom pa ri be, paquiwi' tak ri jutak mutzaj c'ojolab. Queyut na bic ri achajilaxelab junam cuc' tak quixokil xukuje' ri nimak tak winak ri q'ui chic qui junab.

Ri Jeremiy 13:24

Rumal ri' ri ix quixinjabuj na jacha' ri pajo ri cacharchatex bic rumal ri quiakik' aj chaki'j uwo sak.

Ri Joel 3:13

Rumal c'u rech chi sibalaj e itzel tak winak, chek'atok jacha' ri caban che ri trico aretak chaki'j chic, u k'ijol chi c'ut ri k'atoj; chebixak'alela' jacha' cäban chque tak ri uva, ronojel c'ut suc'umatal chic che resaxic u wa'l uva.

Juyuwem 2:21

E liq'uiloj ri c'ojolab xukuje' ri nimak tak winak xo'l tak ri ja re ri tinimit; xecämisax rumal ch'ich' re ch'o'j. Chupam ri k'ij re ri oyowal la, xsocon la che cämical ¡Xcämisan la man ruc' ta tok'obisam wächaj!