Hechos 9:39 - Quiché Bible

³⁹ Ri Lu' xwalijic, xerachilaj bic. Aretak xopanic, xquic'am bic pa ri cawik ja. E conojel ri chuchuyib malca'nib quebok'ic, quequic'ut ri atz'iak xukuje' ri u pam tak atz'iak ri xuban ri Dorcs aretak c'ä c'aslic.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁹ Ri Pedro xeꞌ kukꞌ. Are xoꞌpanik xkikꞌam bꞌik pa ri ja ri kꞌo chikaj. Pa ri ja e nojinaq malkaꞌnibꞌ koꞌqꞌik kakikꞌut cho ri Pedro ri katzꞌyaq ri ubꞌanom ri Dorcas are xkꞌojiꞌ kukꞌ.

K'iche'

³⁹ Ri tat Pedro xuban c'u u banic rib, xe' cuc' ri achijab. Aretak xeopanic, xquic'am bi ri tat Pedro pa ri cawik ja ri c'o wi ri cäminak. Xepe c'u conojel ri malca'nib ixokib, xemuli chrij ri tat Pedro, tajin quebok'ic, xquic'ut tak ri camixa' xukuje' niq'uiaj atz'iak chic ri xuban ri nan Dorcas aretak c'aslic.

K'iche' (New Orthography)

³⁹ Ri tat Pedro xub'an k'u u b'anik rib', xe' kuk' ri achijab'. Aretaq xeopanik, xkik'am b'i ri tat Pedro pa ri kawiq ja ri k'o wi ri käminaq. Xepe k'u konojel ri malka'nib' ixoqib', xemuli chrij ri tat Pedro, tajin keb'oq'ik, xkik'ut taq ri kamixa' xuquje' nik'iaj atz'iaq chik ri xub'an ri nan Dorcas aretaq k'aslik.

Hechos 9:39 Referans Kwoze

1 Tesalonicenses 1:3

Chuwäch ri Dios ka Tat, cänataj chke chi ix chacuninak ruc' cojonic, i banom c'axalaj chac ruc' lok'ok'ebal c'u'x. Cänataj chke chi man quiya' ta can ri cu'lbal i c'u'x chrij ri Kajaw Jesucrist, pune' quirik c'ax.

Efesios 4:28

Ri queläk'anic, meläk'an chic, xane' chucojo' u chuk'ab che qui banic utzalaj tak chac cuc' ri u k'ab, rech c'o cuya' chque ri c'o qui rajawaxic.

E C'ambal tak Tzij 10:7

Ri utzalaj winak cänatax cuc' tak tewichibal; ri banal etzelal chanim cäsach u nataxic.

1 Juan 3:18

Lok'alaj tak walc'ual, ri ka lok'ok'ebal c'uxaj muxic xak xuwi ta e tzij, xane' c'utunok cumal tak banoj.

1 Tesalonicenses 4:13

Wachalal, quinwaj quiwetamaj jas cäquic'ulmaj na ri cäminakib, rech man quixbison taj, jas ri quebison ri jule' chic ri man c'o ta cu'lbal qui c'u'x.

2 Corintios 8:12

We c'u c'o jachin jun kastzij che cäyanic, ri Dios cuc'amowaj ri sipanic ri cuyao jas kas ri c'o ruc'. Ri Dios man cutz'onoj taj chke ri man c'o ta kuc'.

Hechos 20:35

Pa ronojel xinc'ut chiwäch chi je chixchacun wa'. Jeri' quebito' ri c'o cajwataj chque. Chnataj ta c'u chiwe ri u tzij ri Ajawaxel Jesus, ri xubij: Are' sibalaj utz na re ri cäyanic chuwäch ri cäc'amowic.”

Hechos 9:41

Ri are' xuya' ri u k'ab che, xuwalijisaj. Xebusiq'uij ri cojonelab xukuje' ri chuchuyib malca'nib. Xutac'aba' ri Dorcs chquiwäch c'aslic.

Hechos 8:2

Jujun tak achijab ri e nimanelab che ri Dios, xquimuk ri Estebn, sibalaj c'u xcok'ej.

Hechos 6:1

Pa tak ri k'ij ri', aretak cätajin queq'uiyir ri cojonelab, ri quech'aw pa grieg xquiyac wixwitem chquij ri quech'aw pa hebrey, cäquibij chi aretak quepatanix ri malca'nib chuchuyib ronojel k'ij, ri qui malca'nib ri e are' man quepatanix taj.

Ri Xuan 17:12

Aretak xinc'oji' cuc', xebenchajij pa ri bi' la ri xeya' la chwe, xebenbechajij. Man c'o ta jun chque xsach qui wäch, xane' xuwi ri ralc'ual sachbal wäch, rech cäbantajic jas ri cubij ri Tz'ibatalic.

Ri Xuan 12:8

Ri mebayib amak'el e c'o iwuc'. Ri in, man amak'el taj in c'o iwuc'.”

Ri Lucax 24:44

Xubij chque: “Are tzij wa' ri xinbij chiwe aretak c'ä in c'o iwuc': chi rajawaxic chi cätz'akatisax na ronojel ri tz'ibatal chwij pa ri u pixab ri Moises, pa tak ri qui wuj ri k'axal tak tzij, xukuje' pa tak ri Salm.”

Marcos 14:8

We ixok ri' xubano jas ri xcuin che u banic. Xubil bic ri nu cuerp c'ä majok chincämok.

Ri Matey 26:11

Ronojel k'ij e c'o mebayib iwuc'. Ri in c'ut man ronojel k'ij taj in c'o iwuc'.

Ri Matey 17:17

Ri Jesus xubij chque: “¡Pe xibano, jech'alaj tak winak man ix cojonelab taj! ¿C'ä joropa' k'ij quinc'oji' chi na iwuc'? ¿C'ä jampa' quintakej na i coch'ic? Chic'ama' ulok ri ala waral.”

Ri Tzijonel 9:10

Ronojel c'ut ri c'o pa a k'ab che u banic, chabana' ruc' ronojel chuk'ab, rumal rech chi pa ri mukubal, ri catetac'al wi na, ma c'o ta jas cabanic mawi c'o jas cächomax chic, mawi c'o chic etamanic mawi no'j.

Ucab Samuel 1:24

¡Mia'laxelab tak aj Israel, chiwok'ej ri Saul, ri xebucoj quiäk tak atz'iak chiwij xukuje' coc'alaj lino, ri quixuwik cuc' tak ch'epebal re k'an puak!

Hechos 1:13

Aretak xeboc bic, xepaki' pa ri cawik ja jawije' ri e c'olinak wi. E are' wa ri Lu', ri Xuan, ri Santiag, ri Trix, ri Pelip, ri Max, ri Bartolome, ri Matey, ri Santiag u c'ojol ri Alpey, ri Simon re ri Juk'at Selotib, xukuje' ri Juds rachalal ri Santiag.

1 Timoteo 5:3

Chebato' ri malca'nib ri kastzij c'o qui rajawaxic.

1 Timoteo 5:5

Are ri kas malca'n, ri canajinak u tuquiel, are ri' cu'l u c'u'x chrij ri Dios, cubochi'j ri Dios xukuje' cuban ch'awem ruc' Dios chi pa k'ij chi chak'ab.