Hechos 8:39 - Quiché Bible

³⁹ Aretak xebel ulok pa ri ja', ri Uxlabal re ri Ajawaxel xuc'am bic ri Pelip, man xil ta chic rumal ri aj Etiopiy; xutakej c'ut ri u be cäquicotic.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁹ Are xeꞌl loq pa ri jaꞌ, ri Uxlabꞌixel rech ri Dios xukꞌam bꞌik ri Felipe. Man xil ta chi uwach rumal ri achi. Ri achi ri man kakꞌuliꞌ taj xutaqej ri ubꞌe rukꞌ nimalaj kiꞌkotemal.

K'iche'

³⁹ Aretak xebel lok pa ri ja', ri Espíritu rech ri Kajaw Dios xuc'am bi ri tat Felipe. Ri tata' ri nim u banic aj Etiopía man xril tä chi u wäch. Xutakej c'u ru be ri are', sibalaj xquicot ranima'.

K'iche' (New Orthography)

³⁹ Aretaq xeb'el loq pa ri ja', ri Espíritu rech ri Qajaw Dios xuk'am b'i ri tat Felipe. Ri tata' ri nim u b'anik aj Etiopía man xril tä chi u wäch. Xutaqej k'u ru b'e ri are', sib'alaj xkikot ranima'.

Hechos 8:39 Referans Kwoze

Nabe Ajawinelab 18:12

Ri quec'ulmatajok chi, aretak quintas wib chwäch la, ri ruxlabal ri Ajawaxel cac'am la bic rumal pa jun c'olbal chic ri man weta'm taj. Aretak quinya' u bixic che ri Acab, man c'u cärik ta la rumal, quinucämisaj c'u na. We pataninel ech la ri', c'ä pa ri rac'alal ulok, amak'el u yo'm u k'ij ri Ajawaxel.

Ucab Ajawinelab 2:16

Xquibij che: “Ampe', chakaxo'l, ri uj pataninel ech la, e c'o cawinak lajuj (50) cowilaj tak achijab. Nimaj la chi cheboj che u tzucuxic ri ajtij la, we ne xa' xyac rumal ri ruxlabal ri Dios we ne xerokix can puwi' jun c'ache'laj o pa jun beya'.” Xubij c'ut ri are': “Jayi', c'o jachin matak ba alak.”

Ri Ezequiel 11:24

Xinuwalijisaj c'ut ri u cuinem ri Dios, xuban chwe chi xintzelej pa Babilon, jawije' ri e c'o wi ri niq'uiaj chic ri e c'amom bic chila'. Xc'ulmataj c'u wa' pa jun c'utwächinic ri xuc'ut ri ruxlabal ri Dios chnuwäch. Chuwi' chi c'u wa ri c'utwächinic, xsachic.

Ri Ezequiel 8:3

Ri winak xulic' ri je ta ne u banic jun k'abaj xinumich'ej c'u che ri nu wi'. Are' c'ut ri u cuinem ri Dios xinuwalijisaj pa ri quiakik', pa tak c'ut ri c'utwächinic ri xuc'ut ri Dios chnuwäch, xinuc'am bic pa Jerusalen xinuya' chuchi' ri roquibal ri tinimit, ri cäca'y pa ri u mox elebal k'ij, jawije' ri e c'o wi ri diosib ri yacbal royowal ri Ajawaxel.

Ri Ezequiel 43:5

Xinuwalijisaj c'ut ri u cuinem ri Dios xinuc'am c'ubic chuwäch ri ucab uwo ja, xinwil c'ut chi ri u juluwem ri Ajawaxel u nojisam ri rachoch.

Ri Ezequiel 11:1

Xinuwalijisaj ri u cuinem ri Dios xinuc'am c'u bic c'ä chuchi' ri oquibal chupam ri rachoch ri Ajawaxel ri cäca'y pa ri elebal k'ij. Chuchi' ri oquibal e c'o wi juwinak job achijab. Xinwilo chi c'o ri Jaazaniy chquixo'l, u c'ojol ri Asur, xukuje' ri Pelatiy u c'ojol ri Benaiy, ri u nimal ri tinimit.

Marcos 1:10

Pa ri jok'otaj aretak xel ulok chupam ri ja', ri Jesus xrilo chi xejaktaj ri caj, ri Uxlabaxel xkaj ulok puwi', je ta ne u banic jun palomax.

Filipenses 3:3

Uj c'u ri' ri kas cojom ketal re kopinic, ri uj ri cäkak'ijilaj ri Dios pa ri Uxlabal, ri cujquicotic rumal chi uj rech ri Crist Jesus, ri man cäkajiquiba' ta c'u ka c'u'x chrij ri cuerp.

Santiago 4:16

Camic c'ut quichomaj chi nim i banic, quinimarisaj iwib. Ronojel nimarisan k'ij jewa' rech ri itzel.

Filipenses 4:4

Ronojel k'ij chixquicot pa ri u bi' ri Ajawaxel. Jumul chic quinbij: ¡Chixquicotok!

Romanos 5:2

Rumal are' xukuje' c'o koquibal rumal ri cojonic, pa we tok'ob ri', ri uj tac'al wi. Cujquicot rumal ri cu'lbal ka c'u'x chi quekarika na ke ri u juluwem ri Dios.

Hechos 13:52

Ri cojonelab e nojinak che quicotemal, xukuje' che ri Ruxlabal ri Dios.

Hechos 8:8

Jeri' chi conojel ri winak pa ri tinimit ri' sibalaj xequicotic.

Ri Matey 13:44

“Ri rajawibal ri Dios jacha' ta ne jun k'inomal ri c'utal canok pa jun ulew, ri xurik jun winak, xuc'u' chi canok. Ri are c'o quicotemal ruc' rumal rech ri xuriko. Cäbe c'ut, quebuc'ayij conojel ri jastak ri c'o ruc', culok' c'u ri ulew ri'.”

Ri Matey 3:16

Xuwi c'u xbantaj ri u bautism ri Jesus, xel ulok pa ri ja'. Chanim c'ut ri caj xjaktajic, xril c'u ri Jesus chi ri Ruxlabal ri Dios xkaj u ulok puwi' jacha' jun palomax.

Ri Isaiy 61:10

¡Sibalaj quinquicot ruc' ri Ajawaxel. Quinnoj che quicotemal ruc' ri nu Dios, u yo'm c'ut ri u to'banic chwe, in u nojisam che ch'äcanic! In junam ruc' jun jiaxel ri cucoj ri u corona, o ruc' jun alibatz ri cuwik rib cuc' tak ri u wikbal.

Salmib 119:111

Ri junalic wechbal e are' ri takomal la, e are' c'u quequicotesan ri wanima'.

Salmib 119:14

Quinquicot na pa ri qui be ri e takomal la chquiwäch conojel ri k'inomal.

Hechos 16:34

Xebuc'am bic cho rachoch, xucoj mexa chquiwäch. C'o nimalaj quicotemal pa ranima' ri achi xukuje' conojel ri e c'o pa rachoch, rumal rech chi xecojon che ri Dios.

Ri Ezequiel 37:1

Ri Ajawaxel xuya' ri u k'ab panuwi', xuban c'u chwe chi xinel bic in nojinak che ri u cuinem, xinuya' c'u pa jun beya' ri nojinak chque tak bak.

Hechos 8:29

Ri Uxlabaxel xubij che ri Pelip: “Jät ruc' ri achi ri c'o pa ri carwaj.”

Hechos 8:38

Xutak c'ut u chacabaxic ri carwaj; e quieb c'ut xekaj bic jawije' c'o wi ja', xeboc c'ut pa ri ja', are' c'u ri Pelip xuban ri u bautism ri aj Etiopiy.