Hechos 8:33 - Quiché Bible

³³ Xmach'irisaxic, man xban ta suq'uilal che; ¿jachin ta lo ri cacuinic cutzijoj ri rija'lil? Xesax c'u ri u c'aslemal cho ri uwächulew.”

RI KꞌAKꞌ TESTAMENTO PA TZIJOBꞌAL KꞌICHEꞌ

³³ Man xya ta uqꞌij, man xbꞌan ta ri qas usukꞌ che. Maj xa ta ne jun rijaꞌl xkꞌojiꞌk jeriꞌ rumal cher xesax ri ukꞌaslemal cho ri uwachulew.

K'iche'

³³ Xkasax u k'ij ri are'. Pune man c'o tä u mac, xk'at tzij puwi'. Man jicom tä c'ut ri xban che, man c'o tä c'u jun ri xto'wic. ¿Jachin ta c'u ri cäcowin che qui tzijoxic jas qui banic ri winak ri xil ta ne qui wäch rumal ri are'? Man c'o tä jun, rumal chi xesax bi pa ri tinimit, xc'am c'u bic pa cämisaxic, —cächa ru Lok' Pixab ri Dios ri tajin cusiq'uij ri tata'.

K'iche' (New Orthography)

³³ Xqasax u q'ij ri are'. Pune man k'o tä u mak, xq'at tzij puwi'. Man jikom tä k'ut ri xb'an che, man k'o tä k'u jun ri xto'wik. ¿Jachin ta k'u ri käkowin che ki tzijoxik jas ki b'anik ri winaq ri xil ta ne ki wäch rumal ri are'? Man k'o tä jun, rumal chi xesax b'i pa ri tinimit, xk'am k'u b'ik pa kämisaxik, —kächa ru Loq' Pixab' ri Dios ri tajin kusik'ij ri tata'.

Hechos 8:33 Referans Kwoze

Ri Isaiy 53:12

Rumal ri' ri Dios cuya' na jun u c'olbal chquixo'l ri nimak qui k'ij, cuc' c'ut ri c'o qui chuk'ab cuc'am na rech ri ch'äcanic. Rumal rech chi xujach rib pa ri cämical, xya' c'u chquixo'l ri itzel tak winak, kas c'u tzij xrekaj ri qui mac e q'ui winak xukuje' xbochi'n paquiwi' ri ajmaquib.

Ri Isaiy 53:8

Xc'am bic, man c'o ta u mac, mawi jun xoc il che ri xuc'ulmaj. Xesax cho ri uwächulew, xsoc che cämical qui mac quech ri e u mac ri nu tinimit.

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!

Ri Habacuc 1:4

Man cäya' ta u k'ij ri pixab, man nim ta quil wi ri winak, ri lawalo cuban c'ax che ri utz, cajech'obisax c'ut ri suq'uilal.

Ri Daniel 9:26

Aretak oc'owinak chi oxc'al quieb (62) wukutak k'ij quesax na ri u c'aslemal ri ajawinel ri cha'om. Ri Jerusalen xukuje' ri rachoch Dios cäsachisax na qui wäch cumal ri u winak jun ajawinel ri cäpe na. Ri q'uisbalil cäpe na jacha' jun bik'tajic, c'ä chuq'uisbalil c'ut cätaken na ri ch'o'j xukuje' ri sachoj tak wächaj ri e yo'm qui bixic chi quebanic.

Ri Isaiy 53:10

Ri Ajawaxel xraj xuban c'ax che ruc' tak ri c'axc'ol. Xujach c'u rib ri are' che tabal tok'ob qui mac ri macaj, che tabal tok'ob che u tojic ri macaj, kas cac'asi' c'u na, cäril na qui wäch ri e rija'lil; rumal ri are' utz quel wi na ri u chomanic ri Ajawaxel.

Ri Isaiy 10:2

man quiban ta c'u ri suc' chque ri tukarib mawi quixoc il che u banic ri ya'tal chque ri mebayib re ri nu tinimit, quitokij ri jastak quech ri malca'nib, quiweläk'aj ri jastak quech ri minorib!

Ri Isaiy 5:23

Ix ri xa rumal puak ri cäya' chiwe, quibij chi man c'o ta u mac ri c'o u mac, man quel ta jubik' i c'u'x che ri man c'o ta u mac.

Salmib 22:30

Ri e wija'l quek'ijilan na che ri Ajawaxel, cäquitzijoj na ri are' pa ronojel ri qui c'aslemal;

Salmib 22:15

Chaki'j chic ri u pa nu chi' jacha' jun xot re u wi ja; nac'al ri wak' pa nu chi'. ¡In q'uiakom la pa ri ulew re cämical!

Ri Job 34:5

Ri Job cujiquiba' u bixic: ‘In man c'o ta nu mac, man caraj ta c'u ri Dios cuban suq'uilal chwe.

Ri Isaiy 53:7

Xban c'ax che, xak c'u xumach' rib, mawi ne xujak ri u chi'; xc'am bic jacha' alaj ama' chij pa ri pilibal, ri are' c'ut man xch'aw taj mawi xujak ri u chi', jacha' jun chij aretak cäsocax rij.

Hechos 8:34

Ri aj Etiopiy xubij che ri Pelip: “Quintz'onoj jun tok'ob chabij chwe, ¿jachin chrij xubij wi wa' ri k'axal tzij? ¿La xubij chbil rib, o xubij chrij jun chic?”