Hechos 7:60 - Quiché Bible

⁶⁰ Xxuquic, xurak u chi' ruc' chuk'ab: “¡Ajawaxel majilaj la we mac ri' chquij!” Xbitaj c'u wa' rumal, xcämic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶⁰ Kꞌa te riꞌ xukulik xtzaqik ko xuraq uchiꞌ xubꞌij: Ajawxel, man kaqꞌat ta la tzij pa kiwiꞌ we winaq riꞌ rumal we mak tajin kakibꞌano. Are tajin kubꞌij we tzij riꞌ, xkamik.

K'iche'

⁶⁰ Te c'u ri' xxuqui'c, co xurak u chi', xubij: Tat, mäya la wa' we mac ri' chquij, —xcha ri tat Esteban. Xuwi xbitaj wa' rumal, xel ranima'.

K'iche' (New Orthography)

⁶⁰ Te k'u ri' xxuki'k, ko xuraq u chi', xub'ij: Tat, mäya la wa' we mak ri' chkij, —xcha ri tat Esteban. Xuwi xb'itaj wa' rumal, xel ranima'.

Hechos 7:60 Referans Kwoze

Ri Matey 5:44

Are c'u ri in quinbij chiwe: Chebilok'ok'ej ri qui banom qui c'ulel chiwe, chibana' ch'awem ruc' Dios paquiwi' ri caquiban c'ax chiwe.

Ri Lucax 23:34

Ri Jesus xubij: “Tat, sacha' la qui mac, man queta'm ta c'ut jas ri cäquibano.” Xquikasaj taklebenic chrij ri ratz'iak ri Jesus, rech cäquilo jas ri cäquic'am bic chquijujunal.

1 Corintios 15:20

Are' c'u ri Crist c'astajinak chic chquixo'l ri cäminakib. Ri are' are' nabe wächinic chquixo'l ri cäminakib ri quec'astaj na.

Hechos 20:36

Aretak xbitaj wa', ri Pawl xxuquic, xuban ch'awem ruc' Dios cuc' conojel.

Hechos 9:40

Are c'u ri Lu' xeresaj apan conojel. Xxuquic, xuban ch'awem ruc' Dios. Xca'y che ri cäminak, xubij c'ut: “¡Tabit, chatwalijok!” Xebujak c'ut ri e u bak'wäch, aretak xuca'yej ri Lu', xt'uyic.

Ri Lucax 6:28

Chebitewichi'j ri quixc'okonic. Chixch'aw ruc' Dios paquiwi' ri quixquiyok'o.

1 Corintios 15:18

Xukuje' ba' ri' ri xecojon che ri Crist ri xecämic, sachinak ba' qui wäch ri'.

Hechos 21:5

E oc'owinak chi c'u ri wukub k'ij ri', xujel bic. Uj achilam cumal conojel ri cojonelab cuc' ri quixokil xukuje' ri calc'ual, c'ä tza'm ja. Xujxuqui' chuchi' ri plo, xkaban ch'awem ruc' Dios.

Hechos 13:36

Kastzij ri David xebupatanij ri u winakil ri e c'o pa tak ri k'ij ri c'asal ri are', jas ri u chomanic ri Dios, te c'u ri' xcämic, xeburika' ri e u mam, xk'ay ri u cuerp.

Ri Lucax 22:41

Ri are' c'ut xutas apan rib chquij jas ri u najil ri quetakal wi jun abaj. Xxuquic, xuban ch'awem ruc' Dios,

1 Tesalonicenses 5:10

Ri are' xcäm rumal kech, rech we cujc'asc'atic, we cujwaric, cujc'asi' junam ruc'.

1 Corintios 15:6

C'äte ri' xuc'ut chi rib chquiwäch niq'uiaj kachalal chic ri e c'o na chuwäch job sient. Conojel junam xquil ri Jesus. E q'ui c'u chque e c'asal na camic, e c'o c'u ne jujun e cäminak chic.

Ri Matey 27:52

Ri mukubal xejaktajic. Xec'astaj c'u ri qui cuerp e q'ui tak winak aj Dios ri e cäminak chic.

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

1 Corintios 11:30

Rumal wa' e c'o q'ui yawabib chixo'l, e q'ui ri man c'o ta qui chuk'ab, xukuje' e jujun e cäminak chic.

Ri Esdras 9:5

C'ä chi' c'ut xc'astaj nu wäch che ri nu bis, c'ä nu cojom c'ut ri atz'iak ri jisjobinak chwij, xinchaplej c'u u banic ch'awem ruc' ri Ajawaxel ri nu Dios,

1 Corintios 15:51

Chiwilampe', quinbij jun jasach chiwe ri man etamatal ta can nabe: Man konojel taj cujcäm na, konojel c'ut cujq'uextaj na.

Ri Daniel 12:2

E q'ui chque ri cätajin quewar chupam tak ri mukubal quec'astaj na: jujun quec'asi' na re chbe k'ij sak, jujun chi c'ut che esbal q'uixbal xukuje' che ri xibibal ri e junalic.

Ri Xuan 11:11

Xebitaj c'u we jastak ri' rumal, c'äte ri' xubij chque: “Ri kachil Lazaro cäwaric. Quinbe ba che u c'asuxic che ri u waram.”

2 Timoteo 4:16

Pa ri nabe to'bal wib chquiwäch ri k'atal tak tzij, mawi jun xc'oji' wuc', xane' conojel xinquiya' canok. Man quinwaj ta c'ut chi cäya' we mac ri' chquij.

2 Pedro 3:4

cäquibij: “¿Jawije' c'o wi ri u petic ri Ajawaxel ri bim ulok? Bim chi ya' wa' aretak c'ä majok checäm ri e ka mam, conojel c'ut ri jastak xa' je wi qui wäch jas ri pa ri u tiquiritajic ulok ri uwächulew c'ä camic.”