Hechos 7:42 - Quiché Bible

⁴² Ri Dios xebuya' canok, xebujach che qui k'ijilaxic ri k'ij, ri ic', ri ch'imil. Jas ri tz'ibatal pa ri qui wuj ri e k'axal tzij: ‘Aj israelib, ¿la xebicämisaj lo awaj che tabal tok'ob chnuwäch, a xebiya' lo sipanic chnuwäch pa ri cawinak (40) junab aretak ix c'o pa tak ri chaki'j uwo sak?

RI KꞌAKꞌ TESTAMENTO PA TZIJOBꞌAL KꞌICHEꞌ

⁴² Rumal riꞌ, ri Dios xutas ribꞌ chike, rumal cher xkichapleꞌj uqꞌijilaꞌxik ri chꞌumil ri e kꞌo cho ri kaj. Ri Dios xubꞌij pa ri kiwuj ri e qꞌalajisal taq utzij ri Dios. Tinimit rech Israel ¿la chwe in xiya wi sipanik xuqujeꞌ la xitzuj aꞌwaj chinuwach ronojel ri kawinaq junabꞌ ri xixkꞌojiꞌ pa ri katzꞌinow ulew?

K'iche'

⁴² Rumal ri' ri Dios xutas rib chquij, xeutzokopij canok rech quequik'ijilaj ri k'ij, ri ic', ri ch'imil, je' jas ri cäbix pa ri qui wuj ri k'alajisal tak re ru Lok' Pixab ri Dios: Winak aj Israel, pa tak ri cawinak junab ri xixc'oji pa ri juyub ri cätz'inowic, ¿a xeicämisaj lo awaj che quisipaxic wa' chnuwäch in?

K'iche' (New Orthography)

⁴² Rumal ri' ri Dios xutas rib' chkij, xeutzoqopij kanoq rech kekiq'ijilaj ri q'ij, ri ik', ri ch'imil, je' jas ri käb'ix pa ri ki wuj ri q'alajisal taq re ru Loq' Pixab' ri Dios: Winaq aj Israel, pa taq ri kawinaq junab' ri xixk'oji pa ri juyub' ri kätz'inowik, ¿a xeikämisaj lo awaj che kisipaxik wa' chnuwäch in?

Hechos 7:42 Referans Kwoze

Ri Ezequiel 20:39

Tinimit aj Israel, are wa' cubij ri Ajawaxel: ¡Jix jebik'ijilaj tak ri e diosib…! C'ächumatam c'u na quixniman na chwe, man qui xk'olij ta chi c'u na ri tastalicalaj nu bi' man quebiban ta chic we sipanic ri' man quebik'ijilaj ta chi c'ut ri e diosib.

Ri Jeremiy 19:13

Ri ja tak re Jerusalen, ri e rachoch tak ri ajawinel re Juda xukuje' ri qui wi' tak ri ja ri quequichi'j wi c'oc' k'ol chque conojel tak ri ch'imil ri quequijamij wi tak sipanic re u wa'l uva chque tak ri qui diosib ri winak, quechomax na chi e tz'il quejunamataj ruc' ri Topet.’ ”

U Camulixic ri Pixab 4:19

Xukuje' aretak quixca'y cho ri caj, quiwil c'u ri k'ij, ri ic', xukuje' conojel tak ri ch'imil ri e c'o chicaj, mixtzak c'u chupam ri takchibal macaj, che qui k'ijilaxic. Are c'u ri Ajawaxel ri i Dios xebuq'uiyisaj tak ri ch'imil chque conojel ri tinimit cho ri uwächulew.

Ri Isaiy 63:10

Ri e are c'ut xquiyac quib chrij ri Ajawaxel, xquic'axc'obisaj ri u tastaliquil; rumal ri' xuban u c'ulel chque xuwalijisaj ch'o'j chquij.

Hechos 7:36

Are Moises wa' ri xebesan ulok ri ka mam. Xebuban mayibal xukuje' etal pa ri ulew Ejipt. Je xuban pa ri Quiäk Plo. Cawinak junab je xuban pa tak ri chaki'j uwo sak.

Ri Osey 4:17

Ri Eprain u jachom rib che qui k'ijilaxic tak ri diosib. ¡Conojel e kajinak e jacha' jumulaj k'abarelab! Jumul xukuje' camul quebux junam cuc' ri quech ri nim ch'utin, are c'u cäkaj chquiwäch quel qui q'uixbal che u q'uexwäch ri cäya' ta qui k'ij.

Ri Ezequiel 8:16

Xinuc'am c'u bic chuwäch ri rachoch ri Ajawaxel chuchi' ri roquibal ri k'ijilabal, chquixo'l ri rakan ja ruc' ri porobal, juwinak job (25) achijab are qui yo'm can ri quij chuwäch ri k'ijilabal; qui mejom quib chuwäch ri quelwi ulok ri k'ij, qui yo'm ri qui palaj cho ri ulew, caquik'ijilaj ri k'ij.

Ri Isaiy 66:4

In xukuje' quincha' na ri rikoj c'ax chque, quinc'am c'u na ulok paquiwi' ri sibalaj cäquixe'j quib che. Rumal rech chi xinsiq'uinic man c'o ta c'u jun xtzelen ta u wäch nu tzij, xinch'awic man c'o ta jun xintatabenic xquiban ri man cäkaj ta chnuwäch, are xquicha' ri man utz ta quinwilo.”

Ri Josue 24:20

We ri ix quixutuj quebipatanij c'u jule' tak diosib chic, cutzalc'atij na rib chiwij cuban na c'ax chiwe, cusachisaj na i wäch pune' c'u e u banom nimak tak utzil chiwe.”

Ri Ezequiel 20:25

Xebencoj c'u ne na pixab paquiwi' ri man e utz taj xukuje' tak takomal ri man quequirik ta wi c'aslemal.

Salmib 95:10

Cawinak (40) junab xinoyowar cuc' we winak ri', xinbij c'ut: ‘We winak ri' sibalaj quinajtajisam quib chwij ¡man quequinimaj ta ri e nu takomal!’

Ucab Ajawinelab 21:3

xuban qui banic tak ri k'ijilabal ri quek'ijilax wi ri diosib ri xebuc'äjij can ri Ezequiy, ri u tat; xebuyac tak porobal che ri Baal xukuje' xuban jun u wächbal ri Asera, jacha' ri xuban ri Acab, ajawinel pa Israel; xak c'u u wi' chic xk'ijilanic xukuje' xebuya' tak k'ijilanic chque tak ri ch'imil ri e c'o cho ri caj,

Ucab Ajawinelab 17:16

Xequitzak can conojel tak ri e u takomal ri Ajawaxel ri qui Dios, xequiban quieb alaj ama'ib tak wacax re k'an ch'ich' ruc' k'ak' xukuje' jun u wächbal ri Asera, che c'u u tz'akat xequik'ijilaj conojel ri ch'imil ri e c'o cho ri caj xukuje' ri Baal.

U Camulixic ri Pixab 17:3

quebuk'ijilaj jule' tak diosib chic, cäxuqui' c'u chquiwäch, we chuwäch ri k'ij, ri ic', o ri ch'imil tak, jun jasach ri man takaninak ta wi ri Ajawaxel.

Ri Isaiy 43:23

Man xebaya' ta chij chwe che tabal tok'ob ri quechajirisaxic mawi xaya' nu k'ij cuc' tabal tak tok'ob. In man xatincos taj xebenta' ta tak sipanic chawe.

Hebreos 3:9

Are chi' ri e i mam xquiban jastak chnuwäch xa' che rilic jas quinbano, pune' xquilo cawinak junab jas ri xinban cuc'.

Ri Jeremiy 8:2

xequiliq'uiba' c'u na can chuwäch ri k'ij, chuwäch ri ic' xukuje' chquiwäch conojel ri ch'imil ri xequilok'ok'ej can nabe, xequipatanij, xeteri chquij, xech'obon chque xukuje' xek'ijilan chque. Man c'o ta jun quemolow na che qui mukic. Quecanaj c'u can cho ri ulew e jacha' mes.

Ri Xuan 6:45

Tz'ibatal can pa tak ri qui wuj ri k'axal tak tzij: Conojel quetijox na rumal ri Dios. Conojel ri cäquitatabej ri Tataxel, cäquetamaj que ruc', e are ri' quepe wuc' in.

Hechos 13:40

Chichajij iwib, rech man cäpe ta piwi' jas ri cubij chupam ri tz'ibatal cumal ri k'axal tak tzij: