Hechos 7:36 - Quiché Bible

³⁶ Are Moises wa' ri xebesan ulok ri ka mam. Xebuban mayibal xukuje' etal pa ri ulew Ejipt. Je xuban pa ri Quiäk Plo. Cawinak junab je xuban pa tak ri chaki'j uwo sak.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁶ Ri Moisés xresaj loq ri tinimit Israel pa Egipto rukꞌ kꞌutbꞌal xuqujeꞌ mayijabꞌal taq jastaq. Xukꞌam kibꞌe pa ri plo xuqujeꞌ xukꞌam kibꞌe kawinaq junabꞌ pa ri katzꞌinow ulew.

K'iche'

³⁶ Ri tat Moisés are ri are' ri xeresaj lok ri ka nan ka tat ojer pa Egipto. Xuban nimak tak c'utbal xukuje' tak cajmabal pa Egipto, pa ri Quiäk Mar, xukuje' pa tak ri juyub ri cätz'inowic. Cawinak junab c'ut xuban wa'.

K'iche' (New Orthography)

³⁶ Ri tat Moisés are ri are' ri xeresaj loq ri qa nan qa tat ojer pa Egipto. Xub'an nimaq taq k'utb'al xuquje' taq kajmab'al pa Egipto, pa ri Kiäq Mar, xuquje' pa taq ri juyub' ri kätz'inowik. Kawinaq junab' k'ut xub'an wa'.

Hechos 7:36 Referans Kwoze

Elem 14:21

Ri Moises xuyuk ri u k'ab puwi' ri plo, xuban c'u ri Ajawaxel chi xupac rib ri plo rumal jun nimalaj quiakik' ri xpe pa elebal k'ij ronojel ri jun ak'ab ri'. Xuban c'u quieb che ri plo xux chaki'j ulew.

Elem 12:41

kas c'u pa ri k'ij aretak xtz'akat ri quiejeb sient ruc' juwinak lajuj (430) junab, conojel ri e c'o chuxe' ri u takanic ri Ajawaxel xebel ulok pa ri rulew ri Ejipt.

Elem 33:1

Ri Ajawaxel xubij che ri Moises: “Jät, chatel bic waral, chebac'ama' bic ri winak ri xebawesaj ulok pa Ejipt. Jix pa ri ulew ri xinbij chi quinya' che ri Abraham, ri Isaac, ri Jacob, xukuje' chque ri qui' tak qui mam.

Elem 16:35

Ri aj israelib cawinak (40) junab xquitij ri jaswa' c'ä xebopan na pa ri u c'ulbatil ri ulew Canaan.

Hebreos 8:9

We c'ulwächinic' man je taj jas ri xinban cuc' ri e qui mam pa ri k'ij aretak xebenc'am che ri qui k'ab che quesaxic ulok pa Ejipt; rumal c'u rech chi ri e are' man xquitz'akatisaj taj ri nu c'ulwächinic, ri in xebenya' canok,’ cächa' ri Ajawaxel.

Hechos 13:18

Ri Dios cawinak (40) junab xucoch' ri qui c'aslemal pa ri chaki'j uwo sak.

Hechos 7:42

Ri Dios xebuya' canok, xebujach che qui k'ijilaxic ri k'ij, ri ic', ri ch'imil. Jas ri tz'ibatal pa ri qui wuj ri e k'axal tzij: ‘Aj israelib, ¿la xebicämisaj lo awaj che tabal tok'ob chnuwäch, a xebiya' lo sipanic chnuwäch pa ri cawinak (40) junab aretak ix c'o pa tak ri chaki'j uwo sak?

Salmib 95:10

Cawinak (40) junab xinoyowar cuc' we winak ri', xinbij c'ut: ‘We winak ri' sibalaj quinajtajisam quib chwij ¡man quequinimaj ta ri e nu takomal!’

Ri Nehemiy 9:10

Xeban la nimak tak etal xukuje' tak mayibal che u c'ulelaxic ri paraon, xukuje' che qui c'ulelaxic ri e pataninel tak rech xukuje' conojel tak ri winak re ri rulew, rumal rech chi xil la ri c'axc'olil ri xquiban we winak ri' chque ri aj israelib. Xban c'u la chi xnimarisax ri k'ij la jacha' ri u banom camic.

U Camulixic ri Pixab 8:4

Pa ri cawinak junab ri' man xejar ta ri e iwatz'iak chiwij, mawi xesipoj ta ri iwakan.

Elem 3:20

Rumal ri', quinc'ut na ri nu cuinem quebensoc na ri aj ejiptib ruc' cämical cumal conojel ri mayibal ri quinbana' na pa ri culew; c'äte ri' quixutzokopij na ri ajawinel.

Salmib 95:8

“Micowirisaj ri iwanima', jas ri xc'ulmataj pa Merib; jacha' ri k'ijol pa Masa, pa ri chaki'j uwo sak,

Ri Xuan 4:48

Ri Jesus xubij che: “We man quebiwil tak etal xukuje' tak mayibal, man quixcojon taj.”

Hebreos 3:8

micowirisaj ri iwanima', jas ri xquiban ri winak aretak xetzak pa takchibal mac pa ri chaki'j uwo sak, xquiyac c'u woyowal.

Hebreos 3:9

Are chi' ri e i mam xquiban jastak chnuwäch xa' che rilic jas quinbano, pune' xquilo cawinak junab jas ri xinban cuc'.